2010年7月27日星期二

蜜汁煎蠔


1. 大生蠔瀝去水份,加入麵粉或粟粉1湯匙用手撈勻 (可黏著蠔肉上的雜質!),清水洗淨麵粉瀝乾。

2. 生蠔汆水片刻,撈起用廚房紙吸乾生蠔水多餘水份。

3. 生蠔沾上一層薄薄麵粉,將蠔煎至金黃色。

4. 蜜糖、生抽和紹酒各少許拌勻,加入蠔中兜勻煮至汁收。

5. 將蠔上碟排好,淋上蜜汁和灑上蔥花即成。



12 則留言:

  1. 生蠔正呀 ^^ 好想食呀 k
    [版主回覆07/28/2010 06:42:00]整依個幾快手,又簡單~ 而且好好送飯!
     
     

    回覆刪除
  2. 大生蠔好肥美
    [版主回覆07/28/2010 06:42:00]其實算細隻架嘞~ 不過雪藏野算係咁咯!
     
     

    回覆刪除
  3. 蜜汁煎金蠔就試過,煎蠔反而未試過,我次次都係薑䓤蠔 
    [版主回覆07/28/2010 06:41:00]蠔豉對我來講太珍貴嘞! 而且我只食生曬蠔豉,食哂就要等V媽媽寄比我先有得食........所以我唔捨得用蠔豉來整依個餸! 用生蠔來整都好香好好食架~~~
     
     

    回覆刪除
  4. 煎蠔好正喎 , 原汁原味有機會都試煎吓 , " .好味  "
    [版主回覆07/28/2010 06:39:00]蜜汁甜甜地,加埋生蠔既鮮味,效果唔錯架!
     
     

    回覆刪除
  5. Gaileは林家歐巴桑2010年7月27日 下午6:25

    我搵唔到大隻蠔,出面只有蚵仔賣,煎出黎一定縮到丁屎咁多姐
    [版主回覆07/28/2010 19:06:00]如果唔係中式超市有入口韓國急凍生蠔,我都搵唔到大蠔架! 依種入口生蠔有大、中、小3個size,不過我用依個最大都唔夠香港果種美國桶蠔大隻.......
     
     

    回覆刪除
  6. 呢個反而未整過
    [版主回覆07/28/2010 19:04:00]依個我突然想食蠔自己手痕亂整出來之嘛!
     
     

    回覆刪除
  7. 多謝你個食譜呀 蠔 係我至愛呢~ 我一定要抄抄抄
    [版主回覆07/29/2010 19:58:00]原來笨啦啦鍾意食蠔架~ 咁妳要試吓依個嘞! 好好送飯架!!
     
     

    回覆刪除
  8. 但煎的時有沒有出水呀 , 整好晌怕是有水出來呀...
    [版主回覆07/30/2010 06:45:00]會有少少架! 沾麵粉就係用來吸水囉~ 不過最好煎時蓋蓋或用隔網!
     
     

    回覆刪除
  9. 蜜汁煎蠔未試過 但現在墨西哥灣D水受污染唔敢買回家吃呢
     
    [版主回覆07/30/2010 22:06:00]我用係英國入口既韓國急凍蠔~ 如果妳住既地方都有急凍貨,可以買來試試! 都唔錯架~
     
     

    回覆刪除
  10. 有機會真係要試吓你啲食譜先得, 蠔一向都係我嘅心頭好, 不論係生定熟, 中或西式煮法我都照單全收, 而且睇落都唔係好難整咁喎
    [版主回覆07/30/2010 22:03:00]生蠔我只會去海鮮餐廳先食,因為我唔識自己開!  熟既唔想整來整去都係炸蠔、薑蔥.....就要唸多d煮法出來~
     
    依個係唔難架! 又易整又好味又好送飯~
     
     

    回覆刪除
  11. 賣相好掂呀!!
    [版主回覆08/02/2010 04:13:00]如果妳鍾意食蠔既話,妳會發現食味比賣相更掂!
     
     

    回覆刪除
  12. 蜜汁!!?@@ a 次次食親都係薑蔥 / 砵酒焗!! 呀....好想試下呀 =333333=
    [版主回覆08/02/2010 22:04:00]試吓啦~ 依個好送飯架!!!
     
     

    回覆刪除

Related Posts Plugin for WordPress, Blogger...