節瓜鹹蛋肉片湯; 家鄉南乳鴨; 蜜汁煎蠔 & 腐乳蒸茄子
依排天氣唔知做乜鬼 - 朝早至晏晝都好涼，但一到傍晚開始就會變到無風又翳焗，真係好鬼煩!!
仍然好懶煲湯!
weekend 見到泗和行節瓜好靚......
Tesco 最近成日都有鮮鴨賣!
我 + 老公都好鍾意食鴨，不過因為唔係成日都有鴨賣，所以一見到有得賣時，我都會食返夠本為止!
上次整咗鹵水鴨......
我整咗12隻，咁每人6隻啦~
老公好鍾意依味餸啊! 不過個傻人係唔會數住自己食咗幾隻，反而一路食一路問我: HonHon~ 我仲可以食多幾多隻呀?
老公咁比面，當然佢想食幾多隻就食幾多隻啦~
最後我食咗4隻，讓比老公食多2隻!依味幾好送飯，下次一定要整多幾隻至得!!
依個小菜係我一位網友既媽媽自創~ 做法非常簡單快手，網友上星期問我有無興趣試吓?
腐乳 + 茄子我都鍾意食，我當然有興趣啦~
於是網友好慷慨地比咗食譜我，不過我自行改咗少少調味，整出來果然好好送飯!!本來想用長身紫色果種茄子，不過weekend 泗和行既茄子全部都唔靚! 退而求其次唯有改用黑色圓碌碌果種茄子~
當然如果可以的話，最好盡量用腐乳之王"廖孖記"啦; 不過我依度無廖孖記......
可惜既係 - 老公一向都唔鍾意腐乳!
腐乳我成日都食，但始終convince 唔到老公接受腐乳.........
節瓜鹹蛋肉片湯食譜click here~ 家鄉南乳鴨食譜click here~ 蜜汁煎蠔食譜click here~ 腐乳蒸茄子食譜click here~
KAKAKAA... 我連續兩日第一呀! 您個鴨好正喎.... 唔知我呢邊有無得賣呢??
回覆刪除[版主回覆07/27/2010 19:16:00]叻叻~~~
依個鴨係好正架~ V婆婆家鄉菜，傳咗比V媽媽，V媽媽再傳比我!
其實妳果頭有咩超市呀? 我見Morrisons 有硬櫃鴨賣，不過返到屋企要溶雪囉~
再唔係既話，其實可以用鴨胸鴨脾代替既! 不過我以前都試過，味道比用全鴨差d，可能因為無骨~
茄子好唔好食呀 我見你好似落好少油咁既
回覆刪除[版主回覆07/27/2010 19:18:00]好食~ 多謝妳既食譜啊!
我灒完油後再撈勻咗嘛，而且我唔鍾意成口油!
哈哈 反而我同媽咪中意成口油..好好味
回覆刪除[版主回覆07/28/2010 07:03:00]咁各人口味都唔同既! 茄子本身味道清鮮，唔需要太重調味都會好味~~~
我呢到有Morrisons, Tesco, Asda... 但係我想食新鮮呀! 所以呢weekend去睇下有Tesco 有無得賣先 wa..... 原來係正宗家鄉菜黎架! 咁您婆婆係邊到人黎架? 同埋您買個隻鴨 唔係好多肥膏! 我鍾意呀! 我係街食個d好肥~ 睇完您煮既餸之後, 我愈黎愈多野想整..... 個list 太長啦.... 嘻嘻!! 個牛肉麵仲排緊隊呀 如果買到鴨既話, 佢要打尖啦~
回覆刪除[版主回覆07/28/2010 07:01:00]我唔清楚妳果邊係點，不過我依邊Morrisons 長期有雪藏; Tesco 間中有新鮮 + 雪藏; 而Asda 只得鴨胸鴨脾~
係呀~ 隻鴨係家鄉菜來架! V婆婆係寶安南頭人~
英國既鴨一般都好肥~ 不過依排Tesco 賣既都係鴨仔，皮厚薄少油!
哈哈~~~~~ 咁妳要快d開工先得嘞! 如果唔係個list 越來越長架嘞!
2個人食咁多餸，使唔使人幫口呀!
回覆刪除[版主回覆07/28/2010 06:55:00]好呀~ 預埋妳雙筷!
我都好鐘意食茄子 送飯真係一流呀 ^^ k
回覆刪除[版主回覆07/28/2010 06:54:00]茄子真係容易整又好送飯~~~~
你知唔知經期個陣飲咩湯水／糖水好呀?
回覆刪除[版主回覆07/28/2010 06:54:00]我唔好甜，所以唔知糖水~ 不過經期最好食得比較清淡，所以可以煲一d清潤既湯水，性涼既湯水就要避免! 而 經期後可煲雞湯、當歸之類既滋補湯水補補血~
我唔敢食鴨住 唔制呀，引人既
回覆刪除[版主回覆07/28/2010 06:51:00]妳快d醫返好隻腳，咪快d可以食鴨囉!
咁你唯有整蝦醬啦﹐ 你上次一招蝦醬炒飯就教左你老公食蝦醬喇~
回覆刪除[版主回覆07/28/2010 06:50:00]上次係用鹹魚炒飯 - 鹹魚雞粒炒飯嘛! 蝦醬係用來蒸排骨~
佢好怪 - 當初佢話鹹魚蝦醬好臭所以唔食; 但腐乳完全唔臭佢又話唔鍾意........
而家己是半夜,見到你d餸我食栗米片頂住先
回覆刪除[版主回覆07/28/2010 06:48:00]嘻嘻~~~ 下次食飽先入來嘛!
咁夜食野對身體唔好架~
腐乳蒸茄子都好特別喎 , 昨晚有位好友送了一大盒印茄比我, 我都試下整先得...
回覆刪除[版主回覆07/28/2010 06:47:00]係呀~ 依個茄子係網友媽媽既食譜，簡單易煮得來幾特別架!
下次都系唔好半夜三更睇你個Blog........睇到流哂口水, 越睇越肚餓, 臨訓前食嘢又太肥.....唔食又周身唔自在.....真是極大試探呀
回覆刪除[版主回覆07/28/2010 06:46:00]哈哈~~~~~ 下次記住我同妳有時差，記住食飽先入來嘞!
碟 南乳鴨正爆呀,睇到我係咁吞口水
回覆刪除我媽通常整南乳冬瓜炆鴨!
[版主回覆07/28/2010 06:45:00]依個家鄉南乳鴨係V婆婆家傳家鄉菜，由V婆婆傳比V媽媽，再由V媽媽傳比我~ 好惹味好香口架!
喂..你終於上菜啦~ 我成日都黎探你架,哈哈~~ 咁岩我都煮左茄子呀,不過無加 腐乳,就咁加GARLIC涼拌都好好食架~ 我覺得茄子蒸完加涼拌,真係好好食~~~ 你煮個蠔好吸引呀,等我得閒都去煮先~~~
回覆刪除[版主回覆07/28/2010 19:02:00]我都想試吓整涼拌茄子! 不過近2、3星期蘇格蘭天氣好凍，得十幾度，唔係好想食凍野~ 等天氣熱返少少先整涼拌!
個蠔好味架，又好餸飯，快d試吓煮啦!
好心下次整多幾隻蠔啦,我覺得妳老公仲想食多d,但見妳得返4隻唔敢再食
回覆刪除[版主回覆07/28/2010 19:00:00]我見隻鴨咁鬼大隻，咪整少d蠔囉!
我比多2隻佢食，本身佢都話唔好~ 但佢唔鍾意腐乳，所以對個茄子麻麻地，咁咪我食多茄子，佢食多d蠔囉~
其實都唔關隻豬腳事，係因為我早兩日感冒發燒，都未好，咪唔食得囉
回覆刪除[版主回覆07/28/2010 18:58:00]哎吔~ 原來病咗! 而家好返d未呀? 飲多d水+ 休息多d，唔好亂咁食野嘞! get well soon~
蜜汁煎蠔...聽到個名都好想食呀~
回覆刪除d汁肯定好好送飯啦~^_^
[版主回覆07/28/2010 18:56:00]蜜汁甜甜地，加埋生蠔既鮮味，真係好好送飯架!
妳成日都三餸一湯, 我就兩餸一湯
回覆刪除[版主回覆07/28/2010 18:55:00]因為我老公唔鍾意食菜嘛! 但我又一定要每餐有菜，如果煮得2餸，佢咪只鍾意食一個餸囉....
腐乳蒸茄子<---我想像唔到咩味有時間try try 先,thank you!
回覆刪除[版主回覆07/29/2010 20:13:00]如果唔係網友比食譜我，我都唔會咁整~ 試吓吖，幾好送飯架!
茄子我媽咪鍾意呀~~!!!
回覆刪除我成日剩係整魚香茄子佢食,
等我試下你依個先
[版主回覆07/29/2010 20:12:00]魚香茄子我都整過，跟V媽媽方法去煮，激似酒樓味道!
魚香茄子我老公就鍾意食喎! 腐乳就掂都唔掂.....
好彩腐乳唔會咁快壞﹐你自己慢慢嘆都得~
回覆刪除[版主回覆07/29/2010 20:05:00]係呀~ 仲好 - 唔洗同我爭食!
餐餐都咁豐富 MR.T 有冇肥他左呀~
回覆刪除[版主回覆07/29/2010 20:04:00]妳自己睇嘞~ (weekend 時影既! ) http://hk.myblog.yahoo.com/veronicams_tsim/article?mid=44102
次次煮親果d人地都好鍾意食既,越睇就越肚餓呀...無野食唯有食餅頂住先啦,如果未有luch又見到,我肯定會餓到暈低好似呀~~哈哈!!
回覆刪除[版主回覆07/30/2010 06:55:00]嘻嘻~~~~ 應該食飽早餐先入來睇嘛!