腐乳蒸茄子

依味簡單易整兼好送飯既小菜，係網友Lee 提供比我既，多謝Lee 慷慨分享佢媽媽既食譜!  (希望唔好介意我擅自更改咗少少做法啦! )

1. 茄子洗淨，略略批去少許皮(令口感更滑! )，切幼條備用。

2. 茄子蒸10至15分鐘至熟透。

3. 腐乳適量、糖和雞粉各少許拌勻備用。

4. 取出已蒸熟的茄子，用湯匙壓爛，加入(3)之腐乳醬一同拌勻。

5. 燒滾少許油，將滾油灒在茄子上拌勻，灑上蔥花即成。