我唔否認有某d人係特別奄尖麻煩阿之阿左; 又或者有d人想藉投訴來搵著數e.g. 食霸王餐~ 不過其實好多時被投訴既一方，同Yahoo Blog 一樣 - 係抵死抵比人投訴既!!
喺英國住咗十幾年，我由以前遇事會"算啦~ 由佢啦~"既鵪鶉，變成而家會咗為一鎊幾十個p而據理力爭，應投訴則投訴既師奶!
因為我發現你同佢地"算啦~ 由佢啦~"，佢地係絕對唔會自我反省，只會繼續盤啤毫無改善!! (同Yahoo Blog 一樣!)
我投訴得最多，最抵投訴莫過於超市陰招 - 尤其我屋企附近果間Asda!!
我初搬來時喺依間Asda 買過一個原價£35減到£14.99既Tefal 電水煲，我去比錢時咇完價錢彈出竟然係原價£35!
咁我緊係要出聲啦!!依隻電水煲當時只得返我手上一千零一隻，果個好鬼蠢，態度同樣貌一樣咁可憎既八婆staff 搞咗一大輪，我等咗好耐先話我知 - 佢搵唔到放電水煲個架! 於是求其篤咗個價錢落部收銀機 - £16~
雖然£16係比原價平，但我決定買依個電水煲果一刻，個煲的確只係£14.99! 而且我等咗咁耐浪費咗我時間不特止，個八婆staff 一直擺出一副好唔耐煩，好似我特登比功夫佢做咁既面口，果£1.01 我真係無辦法比得條氣順囉!!
咁我話比八婆staff 知應該係£14.99，而唔係£16啦......真係估佢唔到呀 - 佢竟然回我一句"I DON'T CARE!"，佢仲話£16係佢請示店經理後得到既指示!
得! 咁請妳經理出來等我直接同佢講囉! 反正除咗價錢，我仲有大把野discuss with 店經理!!
最後我當然爭取到£14.99啦! 
)，浪費咗我時間無向我道歉，兼夾唔耐煩拿埋口面......都算嘞! 但兜口兜面同我講"I DON'T CARE"我真係接受唔到囉! 依d係待客應有既態度嗎?? 完全不知所謂!!
經此一役，我去親Asda 都會打醒十二分精神 - 尤其正正係依間Asda!
依間Asda 真係衰到無人有! 因為電水煲之後，我都試過幾次發現佢地貨架上既標價，同付款時價錢有出入! 而且價錢不相符既情況，並非只集中單一種類既貨品 - 即係話任何貨品都有咁既可能!!
不過依個我無投訴!
因為一我無買依隻鱈魚柳; 二雖然佢地咁做係好無職業操守，不過佢地已經清楚表明咗價錢，會唔會上當就要睇消費者自己夠唔夠醒目，貴客自理嘞! 其實做消費者既只要細心少少留意一下，根本唔會咁易比陰招呃到!
一般收銀員櫃台不停咇咇咇，比咗錢先攞到單據對價錢，未必可以即時發現計多咗錢!
每咇一樣野，價錢一目了然，有問題可以即時察覺!
今日我去Asda 買野，佢地又來料嘞!!
到我self checkout 一咇，彈出個86p - 相差40p，圍返港紙約5蚊雞左右~
相同牌子既英式芥辣有一個玻璃樽裝唔記得係8Xp定9Xp，但份量比依個枝裝多!
40p雖然係好少錢，真係跌都隨時跌咗~ 但若我比8Xp可以買到份量較多既玻璃樽裝，點解我買份量較少既枝裝，要付玻璃樽裝相同價錢?
依個唔係我cheap 唔cheap + 斤斤計較既問題~ 係原則問題! Asda 係英國主要大超市之一，又屬於美國大公司Wal-Mart，真係好難令人相信咁大間公司電腦system，貨品售價資料經常都係咁混亂囉!
所以我覺得佢地係有心trap 大意顧客既! 貨架標一個吸引既價錢令顧客落搭，到顧客付款時未必會發現到所付款項同標價有出入; 又或者有顧客覺得只係相差少少錢無謂浪費時間去追究......錢佢地已經收咗，咪過咗海就神仙囉!
唔知既顧客就無得好講吖~ 不過察覺到有問題但唔追究既顧客，佢地咁樣等同助長超市繼續出陰招!! 位位顧客呃40p，超市年中呃呃埋埋真係肥仔賺到笑!!!
做生意最基本要有良心 + 操守 - 尤其係咁大間誇國公司!
窿窿罅罅既婆乸數都用咁下流既手段去呃人，真係衰格到不得了!!
所以無論差額多少，我從來都唔會唔好意思叫佢地退錢!
因為錯不在我，依個係我既權利!!!
HK都會架....放錯位等你拎錯又試過 !
回覆刪除[版主回覆07/03/2010 16:42:00]放錯位依d我反而覺得係消費者責任多d，消費者自己本身要醒目!
不過白紙黑字貨架標價，同bar code 價錢唔同就有得拗嘞!
我依家都係self checkout多, 不部死人機真係鈍到喊,成日問我仲咩唔bagging product....... ....美國呢度有一,兩間drug store, 如果check out同貨架既價錢唔同, 呢件貨品就會免費比你!
回覆刪除[版主回覆07/03/2010 16:41:00]我都遇過咁既情況好多次! self checkout 以重量來計算妳買咗既貨品嘛~ 不過好多時佢地既self checkout system 唔夠sensitive，買一d輕既貨品直頭量唔到!!
我曾經試過一次買一塊薑只幾十p，唔知bar code 錯定咩，計咗我係一札鮮花成£10! 果時未有self checkout，係我事後check 單先發現，佢地退完錢比我，舊薑送比我，再另送咗一張£5禮券過我，當同我道歉浪費咗我時間! 不過而家無依枝歌仔唱咯，最多都係退返差額比你囉!
據理力爭好正確! 支持你!
回覆刪除[版主回覆07/03/2010 16:33:00]少數怕長計嘛! 佢地咁大間公司，唔呃人錢都已經賺夠哂啦，加埋呃人既錢真係賺到不得了!!!
其實邊度都有依d情況出現,不過錯左唔認果d真係好衰...我去超市俾錢既時候都會(目及)個收銀機睇個價錢一唔一樣,有問題我就會同個staff講,不過佢地都會好客氣同埋好清楚講返個價錢俾我知,依點就比英國好好多嘞
回覆刪除[版主回覆07/03/2010 16:29:00]佢地無唔認呀， 係果個八婆態度唔好之嘛!
我見到咩價錢，我就可以prove 到比佢地睇係咩價錢! 點到佢地唔認呀?
做人雖然有時要妥協,不過都要有番自己嘅原則,更可況道理在"你"手,一定要爭取叮喇..
回覆刪除[版主回覆07/03/2010 16:26:00]不過投訴時最好有心理準備對方抵賴，要預埋點去應對! 咁樣呃人錢法都知佢地唔係好人!!
以前我都會同你一樣唔多出聲 .. 但發現又唔係我錯 !!! 當然要爭取啦 ^^ k
回覆刪除[版主回覆07/03/2010 16:25:00]只要唔係自己既錯就一定要出聲!
香港超市久不久都價錢出錯 , 以前冇出聲但試得多 , 現在都出聲嘞 .
回覆刪除[版主回覆07/03/2010 16:24:00]我唔知依種情況喺英國算唔算多，不過個人覺得我屋企附近依間Asda 實在有太多依個情況! 而且依度超市唔似香港咁 - 除咗貨架標價，貨品上會另有售價貼紙，所以真係只可靠自己記憶力~
u r reli smart anda good wife to help husband saving money!! ....i can't believe dat staff saying she doesn't care...i wud just complain her to the manager just like u !!
回覆刪除[版主回覆07/04/2010 19:48:00]of course im helping to save money, but on the other hand, it's a matter of principle! i hate playing dirty!!
香港真係大把! 尤其首富果間pk超市! 計多錢呢, 幾亳至十幾蚊都試過, 我c都追返架! 而且而家超市唔會再另外貼價錢, 全憑記憶力架咋! 真係計數慢d都比佢呃! 仲有聽聞佢地會唔知點解, items係岩既, 但總數係錯既! 又係計多你1個幾亳搏你唔覺果d! 呢d真玩死d心算差既人呀! (聽講有d食店都會, 所以我地出街食飯都會check單, 有懷疑甚至會攞個手機出黎自己禁下!) 學你話齋, 呢d係原則既問題, 無關乎有錢定冇錢, 就算我有錢, 呢d錢我拎去做善事好過啦! 做乜要比人呃?
回覆刪除[版主回覆07/04/2010 19:43:00]係呀~ 係呀~ 買完野我都好快咁計一次總數，先出超市門口架!
少數怕長計，一分一毫都係我老公血汗錢來!! 而且我已經比咗我應該付既價錢去買我需要既野，點解要額外比多d益佢地?
完全同意你既講法,香港都係甘衰架,上次我係陽明山1莊個間百佳買野,發現佢收多左我around 3x, 同佢地講完後, 佢地話收銀機close 左冇得退錢,俾張 hkd 50 coupon 我, 我話no, 佢地就話有我 "so",到最後搞左成個鍾先退到 cash, 我一路行,佢地後背後話我, "睇佢都係工人啦 ! 呢d高級地方個 3x 幾蚊都係到計,俾貼士都吾止啦 ! ", 我真係想中佢
回覆刪除[版主回覆07/04/2010 19:40:00]若依個staff 遇到我佢就有難嘞! 我一定會搵經理再投訴去總公司!! 唔係我個人既問題，一間大公司有咁既staff，真係分分鐘影響香港形象!!
我次次去超市買嘢都會check單o架!
回覆刪除因為佢哋成日標錯價，
又成日擺錯貨係架上，
一時大意就會俾佢哋陰到o架!
[版主回覆07/04/2010 19:38:00]一定要check! 果d係我老公既血汗錢來，少數怕長計呀!!!
啱呀!! 我同意要據理力爭呀!! 英國d種族歧視問題嚴不嚴重? 會唔會見到Chinese 態度差d既呢?
回覆刪除[版主回覆07/04/2010 19:37:00]英國好有種族歧視問題! 即使政府加強種族問題教育，但要改變原有民生觀念並非一朝一夕可以做得到~ 我只可以話相比起美國 + 澳洲，英國唔種族歧視唔算太嚴重!
會唔會見到中國人態度特別差，就真係要睇返果個人本身修養嘞! 可幸我遇到大部份都係友善既人~
原全同意 , 其實個班友打份工無必要用這方法去騙錢 , 是實就算大大公司 , 內部都好亂 , 價錢經常變 , 但電腦未必同步更新 加上人手和工作態度因素 , 真的令客戶接受唔到囉 , 所以激氣都無用 , 付款時真的要睇多兩眼 , 有問題追佢啦 , 得到邊種回應就要睇妳彩數 , 遇上訓練有素和有品人員的就舒服 D( 不過好少會遇上的 ), 否則安排激氣呀
回覆刪除[版主回覆07/04/2010 19:33:00]
我覺得若係規模細既小店，有錯無可厚非，絕對可以原諒! 但出名 + 有眾多分店既所謂大公司，人力物力都比小店優勝，我就覺得出錯得咁密唔可以接受嘞!
computerised 都係想減少人手，提高效率 + 準確性啫~ 咁如果 人手又係錯，電腦都係錯......咁仲computerised 來做乜呀???
我覺得待客態度除咗訓練之外，自己本身個人修養都好重要囉! 基本禮貌有幾難?? 只係爭在自己做唔做既啫~ 莫講話我係客人吖，就算對一個毫不相干既陌生人都應該要有基本禮貌啦!
係呀~只要唔係自己既錯就一定要出聲!
回覆刪除[版主回覆07/04/2010 19:29:00]少數怕長計呀! 次次去買野都比佢呃少少少少咁，長期下去得益既係佢地!!
太有同感喇！！
回覆刪除我次次見到價錢唔一樣，我就唔買咖喇
M&S 都成日係咁！哼～！
[版主回覆07/04/2010 19:28:00]我覺得若係規模細既小店，有錯無可厚非，絕對可以原諒!
但出名 + 有眾多分店既所謂大公司，人力物力都比小店優勝，我就覺得出錯得咁密唔可以接受嘞!
computerised 都係想減少人手，提高效率 + 準確性啫~ 咁如果 人手又係錯，電腦都係錯......咁仲computerised 來做乜呀???
中國人多數以接受來處理壓力 外國人多數以抗爭來處理壓力 ----我認為兩者要平衡----
回覆刪除[版主回覆07/04/2010 19:23:00]好認同啊!
不過可能好多種族歧視既洋人都有依種唸法 - 所以佢地大多以為我會"接受"~ 佢地實在大錯特錯! 必要時我可以抗爭得比佢地更激烈!!!
係佢哋錯在先仲敢講"I dont care",理所當然要佢地pay back price different啦.
回覆刪除[版主回覆07/04/2010 19:21:00]電水煲果次£35我仲未比錢架! 我只係叫佢地改返價錢，不過果條癡肥八婆態度真係想車巴佢!! 係佢特別衰格，之後佢地成日錯價錢，其他幫我改價錢既staff 都好有禮貌既!
I totally agree with you! I was quite like you for the first few years here in Vancouver, but after living here for 10+ years. Sometimes I am just fed up how the price on the price tag and the price I am being charged do not match... There is something called "Code of Practice - Scanner Price Accuracy Voluntary Code" here in Canada. If the scanned price of a item is higher than the shelf price or any other displayed price, the customer is entitled to receive the item free, up to a $10 maximum. This happened to me about a month ago. I remembered that the price tag of the Olay Foot Scrub was $5 something, but when I rang it through from the Self-Checkout machine, it charged me $9.99! Of course I would not be willing to pay $9.99, therefore I told Customer Service that they have charged me extra. The employee serving me asked me to show her the price tag and I was given the FULL $9.99 (+ 12% Tax) and received the product for FREE! Is there a similar code in the UK/Scotland? Maybe there is one, you should check it out...You may never know and you might get the product for FREE!
回覆刪除[版主回覆07/04/2010 19:15:00]im not sure abt the code and never heard abt it in the UK. usually they just charge the price on the price tag~ yes i should check it, at least to understand my rights.
我覺得係如果我冇數求冇反影，佢地係唔會進步，美國啲邊啲人都係咁，又慢又懶，成日搞錯價錢架，明明有減價，打出嚟竟然係原價，睇慢啲眼都唔得....好抵死
回覆刪除[版主回覆07/04/2010 19:08:00]我好有訴求有反映呀......佢地咪一樣無進步! 好多人都怕麻煩而唔去追果一個幾毫，只得一小撮人會出聲反映，效果太唔明顯嘞! 不過其他人點做我理唔到，唯有自己做自己野.
超市發彪我都試過幾次呀﹗ 嬲到我丫﹗我個朋友仲叫話算啦﹐唔好嘈啦咁呀﹗ 我知呀﹗因為收錢果個係女人丫嘛﹗﹌ 已經慢架啦﹐仲兩樣野幫我ＤＵＤＥ３次﹗多成１０歐架﹗ 不過你超市都影到相咁勁﹐我呢度唔俾影架﹌
回覆刪除[版主回覆07/05/2010 05:12:00]同一樣野咇3次????? 果個收銀女人數口好精喎!
我唔知超市比唔比影相，不過我緊係鬼鬼鼠鼠咁影啦!
我同你諗法一樣，價錢差少少唔係問題，最慘係d staff既態度差個下死火。我地加拿大里邊有d叫SCOP(scanning code of practice)，好多大既retail都會有，就係話如果係架上既價錢同cashier scan個時既唔同，如果少過CDN $10，就要免費比個客，如果多過$10，就會比10% discount。
回覆刪除[版主回覆07/05/2010 05:09:00]價錢差異係問題呀! 因為我屋企附近依間超市太常有依個情況嘞~ 咁耐以來一d改善都無!!! staff 既態度對我來講反而係其次，因為佢地既態度係好睇佢地本身個人修養......其實我已經試過幾次要佢地退返差額，但只此果次果一個八婆staff 態度咁差! 其他全部都好有禮貌~
冇錯, 係原則既問題, 而唔係錢既問題, 既然係明瑪實價標好價錢, 有咩可能收我另一個價喎~
回覆刪除有時係超市收多錢, 我都會問佢攞番架, 不過遇過啲排後面既人, 眼超超咀妙妙, 嫌我阻住佢地卦
[版主回覆07/05/2010 04:58:00]係呀~ 我已經比咗應付既價錢for 我要買既貨品，而且就算係減價貨品，超市方面肯定都有錢賺! 點解我仲要付出更多錢呀? 我最睇唔過眼佢地係大公司都出咁卑劣既陰招~
哈哈~~~~ 超咪由得佢地超囉! 將心比己 - 若果計多錢既係佢地，我又唔信佢地真係無所謂呀!
不過我依度既超市好少少 - 差異細金額可以好快即時退得返; 若金額較大既話，就會有專人帶我去另一customer service 櫃台，唔會阻到其他顧客!
我去超市通常會用計算機計total, 發現total唔同就會同佢講, 可能我每次買嘢唔係好多, 所以有時都會記得價錢
回覆刪除[版主回覆07/05/2010 22:51:00]我買少野時，會好快用心算計一次總數先出超市門口! 如果多野的話我就會用手機計~
係呀！我都覺得係原則問题，一定要FIGHT！
回覆刪除好多時D PROMOTION過左D STAFF唔記得除牌仔，一去問就會做返比你，所以我成日幾十p都照問架！
如果人龍長（5-6個人度），投訴完仲會派多2鎊GIFT COUPONS架！
你遇到呢個STAFF又真係少有，最後有無送COUPON APOLOGISE呀？
我覺得ASDA呢方面都算做得好啦！我老公試過係Sainsbury's投訴完個经理自己OFFER會寄返5鎊COUPON比我地APOLOGISE，结果不了了之。去BOOTS ORDER左野攞唔到貨，個经理猛SAY SORRY然後問我地佢地可以做D物另我地FEEL BETTER WOR？都唔識自动自觉比张COUPON希望我地會再黎幫親！真吹涨（唔好意思，RUDE左D！）
[版主回覆07/05/2010 22:57:00]試過一次我買一塊薑只幾十p，唔知bar code 錯定咩，計咗我係一札鮮花成£10! 果時未有self checkout，係我事後check 單先發現，佢地退完錢比我，舊薑免費，再另送咗一張£5 gift card 比我，當同我道歉浪費咗我時間! 不過電水煲果單，我投訴完事後只收到一封佢地寄來既道歉信~
我投訴根本唔係要要求佢地免費送野比我! 咁我事實買咗野就要比錢架啦，我只要求佢地唔可以收多我 + 唔可以對客人無禮!
但咁既超市, 一定要據理力爭囉, 比我都會啦, 有時香港超市都有咁情況架 , 真係對單先知囉...
回覆刪除[版主回覆07/06/2010 05:32:00]好心佢地啦! 呃呃埋埋果一個幾毫......
支持你咁有原則, 因為好多時都唔係錢既問題, 真係因為原則! 你唔可以咁樣呃我!! 近排我先有個越洋"係都要你退返錢"既經驗, 之唔係香港既網上行寬頻! 因為我係香港既娘家既主理人, 所以我係上年年尾返香港擺酒既時候check下有咩新promo tion, 咁岩佢地有個新既優惠, 咁我就打去問一問佢地啦! 係傾談途中個sales已經好多次sell 其他service 比我, 例如free你唔知幾多月既wifi service.. 咁我通通都唔要, 淨係要最基本既上網, 因為一來我屋企真係無人用呢d service, 二來佢地好鬼奸人堅, 如果完左free比你個幾個月, 而你又無打比佢地提佢地取消, 佢地就開始唔聲唔聲收你錢! 當所有野都搞妥好, 我就同我媽咪講你每個月交幾多錢咁啦。直到我返左美國, 我都無咩check下上網張單, 點知有一日心血來潮打開來睇, 佢地居然無啦啦幫我加多左一個每月$38wifi service.收左6個月啦, 咁我即刻打返香港check check, 點知佢地又左推右推, 同我講根據紀錄顯示我係同意左以上既wifi service, 同埋佢地已經寄左換領信比我地等我地換個wifi 手指, 咁我就同佢地講我好清楚當日要求左咩service, 呢一樣係我講左唔要既service, 同埋我地根本都無換領任何野, 我要求佢地check返當日既錄音帶, cancel個plan同埋refund返之前無啦啦收多左既錢 。 佢地同我講佢地要3日先可以check返錄音帶, 同埋佢地係唔可以打長途比我通知佢地已經有結果, 雖然一間電訊公司同我講佢地唔可以打長途比返客人係比較不可思議 (其實之前有其他事佢地pccw都打過長途比我), 咁我都話無問題, 我可以係3日後打返比佢地。點知3日後, 又叫我2日後再打比佢地check下, 個陣真係火都來! 即刻話要同個manager傾, 真係一山還有一山高, 個manager話根據錄音你係同意左既, 我地都無辦法, 咁我話我同意左d咩野先! 如果我真係同意左, 我就唔會連個wifi手指都唔換啦, 真係拗左好耐好耐, 個manager先話要我地2日後再打去。2日後打去, 個manager話, 可以幫我而家cancel個wifi service, 不過之前收左我既錢就唔可以refund! 我就同佢講, 你地收左我$38x6個月, 即係hk$228啦, 我而家打左咁多次電話來比你, 個IDD cost都唔止呢個數, 不過係原則問題, 我地無要求, 無用到你咁樣厄我錢就唔得, 如果佢地唔refund比我, 我無論打幾多個電話都會投訴到小額錢債同埋寫去press! 之後, 佢地梗係死死地氣refund返比我啦!
回覆刪除[版主回覆07/06/2010 16:47:00]真係賤格! 好多時佢地就係搏老一輩果咋人唔識 / 唔清楚網上技術，老屈要人付多錢for 好多客人自己本身用唔著既功能! 依d咁既人渣，千其唔好比佢地大到! 幾大都要撐到底，必要時去埋 壹週就啱架嘞!!!
咪同香港個D一樣..成日無喇喇收多錢架....好多朋友都中過招喇
回覆刪除[版主回覆07/06/2010 16:43:00]香港無self checkout，客人無咁易察覺被收多錢; 但而且英國好多大型超市都有self checkout，唔洗好聰明都會發現到啦~ 不過最主要係 - 我喺其他同Asda 規模相若既大型超市買野，從未試過有收多錢情況(收少咗我就有!)，而且全Glasgow 咁多間Asda，似乎以我屋企附近依間發生得最密!! (我以前住第二區都有去過Asda 其他分店~)
咁你屋企附近呢間野都超級有問題! HK超市一向買貴人幾蚊...所以我地多數去藥房買架..平好多!
回覆刪除[版主回覆07/06/2010 17:05:00]咪係~ Asda 周圍都有分店，我以前住親邊區，都係習慣去果區最近既分店買野，從未試過好似依間分店咁離譜!!
我之前其實都試過一次洗依液計多錢無叫佢地退錢，因為果次人有三急趕住返屋企去廁所，我先唔同佢地計咋!
哈~ 我地依度反而相反 - 藥房買野反而貴d! 不過大路野超市先有得賣，好多野必要時始終要去返藥房~
我次次去超市買野都要睇單,我以前同媽媽去買野,見勆睇單我會覺得好唔耐煩,收完錢仲係度對對對,不過我試過一次係"百X"買完野睇一睇張單,見佢收多我九十幾蚊,因為我買麵包佢要自己入CODE,而佢又入錯左CODE,所以收多我錢,我以後去親買野都會對單,好幾次都係咁,呢D唔係CHEAP,因為我覺得個價錢岩我先買,所以你咁做係岩架!!
回覆刪除[版主回覆07/07/2010 20:38:00]唔知係咪經濟唔好，各行各業要各出奇謀去呃顧客錢?
尋日依間PK超市又計多我錢嘞!!!!! 由而家起一分一毫都要check 清楚!!!