成日都好鬼happy既Piglet Squid

相裡面係一種約為一個細牛油果咁上下大既深海章魚~ 佢有個好鬼cute 既名叫做"Piglet Squid"(小豬章魚)!

我老公係英國最年輕既董事!!! (哈哈~~~)

上星期日返6299度食飯，有一封寄比老公既信，通知老公 - 佢係全英國其中一個最年輕(30歲以下)既董事長!

二人世界Steak Pies (2009年2月26日)

Steak Pie 喺英國係非常普遍既食物，幾乎所有超級市場 + 餅店都有steak pie 賣~ 不過我來咗英國十幾年，從來都唔食steak pie! 直至舊年我第一次嚐到，老公office 附近一間bakery - Mhor 既steak pie，我就愛上咗! 間中會叫老公放工時順便帶幾隻返來比我做宵夜......

Mhor 除咗steak pie 之外，仲有好多其他唔同既肉批~ 佢地既批真材實料，唔似得一般超市既肉批 - 皮厚餡少! 佢地生產既肉批，仲曾經攞過唔少獎項~ (批都有獎!!!)

依幾日突然想大掃除，所以決定放自己一星期假唔煮飯~ 尋晚老公忽發奇想 - 之前我只試過Mhor 既steak pie (牛肉批) + haggis pie (哈吉士批)~ 所以老公提議Mhor 所有pie 每種要一個，返來做晚餐!

 左邊既係Cheese and Onion Pastry (芝士洋蔥酥餅) & Haggis Pastry (哈吉士酥餅); 而右邊係7種唔同既肉批~

3D Street Art - Julian Beever & Edgar Mueller

一直都好留意著名3D立體街頭藝術畫家 (3D Street Art)Julian Beever 既新聞~ 今日老公放工返來話我知，Julian Beever 又有新作品! 不過上網一查，發現其實係另一位我地未聽過既德國籍3D Street Artist - Edgar Mueller......

Julian Beever 係英國人，90年代中期佢開始喺歐洲各地，開始佢既3D立體街頭藝術~ 佢擅長用粉筆喺街頭行人路，畫出幾可亂真既3D立體畫而出名! Julian Beever 既作品遍佈歐洲各國、美洲 + 澳洲等地~ 每有新作品，報紙雜誌都會報導!

我唔識點去形容Julian Beever 既街頭立體畫......佢既畫功、創意簡直係出神入化 + 鬼斧神工!!!!

 Julian 比較早期既作品 - 巨型玻璃樽可樂~

筍野 - Chasseur Cast Iron Casserole (2009年2月25日)

早排有網友同我講，Le Creuset 既cast iron casserole 用來煮煲仔飯好掂!

因為我係無火煮食，用瓦煲好易爆~ 但網友話我知用Le Creuset 就算無火煮食都冇問題!

我一路都心大心細，因為個煲實在太重! 直至最近喺forum 見到有人post 咗張用Le Creuset 煮既煲仔飯相，個樣真係好得!!! 於是我開始去shop 實地研究個煲 + 格價，最後得出結論 - 我既心水係黑色22cm ，舖頭賣緊公價£105~ 因為我之前買咗既Stoneware 係黑色，所以想襯返.........

終於決定買一隻來體驗吓，不過22cm 經常缺貨! 上個星期我仲特登去Livingston 既Le Creuset Outlet，都係no luck...... 於是我轉向網上搵，尋日竟然比我喺網上店搵到個藍色22cm，於是我即時訂咗個!! (雖然我想要黑色，不過黑色冇貨.....)

今朝一早check email，竟然收到信用卡退款通知 + 網上店既email~ 一睇 - 佢話個煲已經out of stock，而且原來22cm 已經唔再出 (唔怪之周圍都冇貨啦!!!) 所以已退返錢比我! 我都服咗佢~~~ 一般都係ship 咗貨品先過數架嘛! 依間野竟然先過數，冇貨比客人時又要過返條數......攞來搞!!!

見過鬼怕黑~ 我又未試過網上訂廚具，唔想張咭再係咁過來過去，於是唸住weekend 先再去睇煲......

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>  
買唔到心頭好，心情唔多靚唔想煮飯! 老公放工返來去咗Glasgow Fort 食Nandos 燒雞~ 泊好車順便入去TK Maxx 打個白鴿轉，點知竟然比我搵到件筍野喎!

 依個cast iron casserole 係一個叫"Chasseur"既牌子~

小V珍藏大曬冷 - Gucci

除咗Louis Vuitton 之外，Gucci 係另一個我鍾意既品牌~ In fact, Gucci 其實係我第一個愛上既品牌!  當時十幾歲既我反而唔鍾意LV，覺得太老氣......

 隨住時間既流逝，早年有部份Gucci 比我賣鬼咗; 有部份返香港同V媽媽交換手袋用冇帶返來英國......所以我現時既Gucci 收藏並唔多!

欲罷不能孖人牌

上2星期買咗第一把孖人牌，唔係好捨得乜都用佢來切，所以只用來切肉! (我都知我係好鬼sad......)

果晚滾豬膶湯用來片豬膶...哇~~~ 從未試過豬膶可以片到咁薄!!!!! 孖人牌果然名不虛傳~ V女廚房寶劍之位非佢莫屬!!

不過咁就弊嘞!!  因為當我愛上咗一樣野，我就會瘋狂地不停想擁有越來越多! e.g. 金銀珠寶...手袋......鞋.........慾望無窮無盡~~~

今日去到shop，老公見我一副望住孖人牌既發青光 + 流口水樣

......就話任我揀!!!

既然老公咁慷慨，我亦識做地冷靜下來控制吓自己 - 因為唔係全部有得減!

磨爛蓆 + 驗屍咁驗咁搞咗一輪......

 終於選咗依5位佳麗入宮!

廚房通告 (2009年2月22日)

一口氣補返哂2篇blog 之前冇咗既相:

 V之最愛LV - 小V珍藏小曬冷 - Louis Vuitton

 V扮乜鬼靚靚 - V噴乜鬼香水?


其他冇咗既相會慢慢陸續補得幾多得幾多~~~~

織女V~

依條係我2年前織比老公既頸巾~ 早排落雪天氣好鬼凍，老公日日攬住返工~

老公話依條係佢最靚 + 最舒服既頸巾喎!

二人世界的三餸一湯 - 2009年2月20日 (附食譜)

香茜蕃茄蛋花豬肝湯; 花鵰炆雞; 椒鹽多春魚 & 菜心炒肉片

早幾晚煲蕃茄薯仔仲有蕃茄剩，滾咗個快手豬潤湯~ 老公仲破天荒喺我面前食咗舊豬潤呀!!!

花鵰炆雞

花鵰酒其實係釀製咗3年以上的紹興酒! 此食譜可用紹興酒代替花鵰~

菜心炒肉片

香茜蕃茄蛋花豬肝湯 (滾湯)

二人世界的三餸一湯 - 2009年2月19日 (附食譜)

蕃茄薯仔粟米煲牛腱; 蒜香蜜汁豬扒; 鹽燒多春魚 & 蒜茸小棠菜

星期二煲既蕃茄薯仔粟米牛腱湯仲有蕃茄剩，本來尋晚想滾個蕃茄豬肝湯，不過因為星期三晚冇煮飯，仲有好多牛腱湯剩，所以尋晚飲埋佢先.....

蒜香蜜汁豬扒

鹽燒多春魚

二人世界的三餸一湯 - 2009年2月17日 (附食譜)

蕃茄薯仔粟米牛腱湯; 香茅豬扒; 薑蔥生蠔 & 蝦乾煮黃芽白

上星期喺Tesco 買咗好靚既牛腱，不過因為情人節而入咗冰格~ 尋晚用咗來煲蕃茄薯仔，我煲蕃茄薯仔湯好鍾意順便加埋粟米，因為我鍾意食!

薑蔥生蠔

蝦乾煮黃芽白

48小時情人節Part 4 - 情人節咭既秘密

48小時情人節Part 3 - No.1 Sushi Bar (2009年2月15日)

離開Aberlady 後，我地去咗愛丁堡行街~ 不過行勻Harvey Nicoles，再去埋Lakeland Limited.....都係window shopping~ 冇乜購物意欲! (哎吔~~~ 忘記咗去LV 朝聖!!!!!)

 又係時候食lunch! 於是就去咗blogmate 張家總管講過既No.1 Sushi Bar~

48小時情人節Part 2 - Aberlady Bay (2009年2月15日)

2月15日一早起身，我地先落樓下食早餐!

48小時情人節Part 1 - Duck's Restaurant Aberlady (2009年2月14日)

寫在前頭......

咁多年來，所有special occasion 都係老公排點慶祝~ 所以我唔會問佢點同我慶祝，反正問佢都唔會講! 星期四(2月12日)同老公去超市買餸，佢見我買牛展.....

孖T情人節

聽日2月14日又係一年一度各大花店掠水之日 - 情人節是也~~~ 光陰似箭...大大話話聽日已經係我同老公既第9個情人節嘞!