菜肉包; 香茜鮮蝦韭菜餃 & V 記蝦餃
得閒得滯...學人玩整點心!
新年期間第一次學人整蘿蔔糕，整前上網參考咗好多個唔同既食譜! 當中有某d食譜要用澄麵; 有d又唔用......我唔理三七廿一 - 買埋包澄麵返屋企先慢慢唸! 不過最後都係用咗一個冇用澄麵既食譜~~~
咁買咗包澄麵用來做咩好呢?
但就好鍾意韭菜餃......咁整埋韭菜餃啦! 
不過太多蝦......咁就香茜鮮蝦韭菜餃啦!!!!! 
(大家有冇發現蝦餃多過韭菜餃? 因為我餃皮唔夠...又費事再搓多d!
)早排去泗和行，見到一盒泰國出產既包粉......
其實當時都冇打算用來整乜! 不過見好平(好似1鎊幾銀一盒)，於是買咗放咗喺度一排，慢慢唸幾時 + 用來做乜......
依隻包粉好鬼方便! 只要加水加油就用即刻用得，味道質感同酒樓風味一模一樣! 我上網見人地食譜自己溝粉，要發酵又要等又盛......
雖然開始包包之前已經睇過YouTube 既高人示範，不過到自己來時就雞手鴨腳! 包得好核突......
)
菜肉包食譜click here~
香茜鮮蝦韭菜餃 & 蝦餃食譜click here~
好正呀!好似你敢正呀!
回覆刪除情人節快樂!
[版主回覆02/07/2009 22:40:00]thanks!
妳仲早過我老公祝我"情人節快樂"~
我都祝妳have a wonderful Valentine's Day!
我想送我做的心心雙印的餅比你同Mr.T, 但我唔懂cope過來, 請你來我的blog自取啦!
回覆刪除[版主回覆02/07/2009 22:38:00]多謝~ 我一陣同老公一齊過佢自取呀吓!
勁喎!自家製菜肉包,好吸引呀!我好耐都無自家製嘢食了,懶到死!
回覆刪除[版主回覆02/07/2009 22:37:00]多謝~ 不過用方便包粉其實冇乜難度!
Give you ten 勁
回覆刪除[版主回覆02/07/2009 22:35:00]give you 10 "thanks"!
犀利喎~點心都出埋!
回覆刪除望落好似好少~你地夠唔夠食呀??
[版主回覆02/07/2009 22:30:00]KK 妳真係好鬼醒目 - 一望就知唔夠數!
其實係我包緊時，一路包一路蒸...已經食咗好多!
係 咪 全 部 你 整 㗎 ,包 括 猜 粉 整 皮 ..............................好 勒 呀
回覆刪除[版主回覆02/10/2009 03:06:00]多謝~ 不過我係去買急凍點心返來叮熱佢...再影相放上來呃大家話係我整架!
緊係我整架啦!!!!! 粉皮其實唔難搓架~
嘩.......Mrs T做埋點心師"虎".......好勁呀.......
回覆刪除以後茶都唔駛出街飲~
[版主回覆02/10/2009 03:03:00]過獎嘞~ 食飽飯等.....手作仔來啫!
妳去飲茶淨係食蝦餃 + 包架?
嘩.... 你好鬼勁乜到識整, 想問下你煮乜野先難到你呢 ?
回覆刪除現在我做左你個超級粉絲哦
我是在BK 個網見到你 之後又走入去八卦一下 ... 嘩原來你有好多食譜架 可以慳番不腦買書仔睇Lor
[版主回覆02/11/2009 22:13:00]歡迎~ 歡迎BK友!
過獎嘞~ 我仲有好多野唔識煮 + 煮得唔好架~ 我都係向其他網友學習架咋!
Hello, 你好呀~
回覆刪除做咗一排CD Rom (read only)，見到你既大師級既手藝，終於都忍唔住，鼓起勇氣留言喇，你真係好叻呀，平如點心、貴至魚翅，都難唔到你，真係想拜你為師呀~
And Happy Valentine's Day 啦~
[版主回覆02/11/2009 22:16:00]歡迎啊~~~
太過獎嘞! 只係屋企手作仔，並唔係咩大師級手勢......
情人節快樂啊!
我呀，煮咗咁多年飯，都煮唔到一味見得人既小菜呀，你話幾失敗吖~~
回覆刪除我諗你一定係遺傳咗你媽媽同外婆既烹飪天份，所以煮得咁好喇~~
一定係咁，唔會錯既~~哈哈哈~
[版主回覆02/12/2009 03:32:00]一次唔成功...試多幾次一定會成功!!!
哈哈~~~~ 唔知係咪真係遺傳呀? 不過我未來英國讀書之前，喺香港一次都冇煮過野食! 煎蛋都係過咗來英國先學識....
承你貴言啦~~ 喺度祝你愈煮愈開心~~
回覆刪除[版主回覆02/14/2009 04:53:00]祝大家都煮得開心~ 食得Happy!