Mhor 除咗steak pie 之外，仲有好多其他唔同既肉批~ 佢地既批真材實料，唔似得一般超市既肉批 - 皮厚餡少! 佢地生產既肉批，仲曾經攞過唔少獎項~ (批都有獎!!!)
依幾日突然想大掃除，所以決定放自己一星期假唔煮飯~ 尋晚老公忽發奇想 - 之前我只試過Mhor 既steak pie (牛肉批) + haggis pie (哈吉士批)~ 所以老公提議Mhor 所有pie 每種要一個，返來做晚餐!
好奇怪~ 因為Steak and Kidney Pie (牛肉牛腰批)其實都好普遍，不過老公話Mhor 並冇Steak and Kidney Pie 賣......
Haggis (哈吉士)
Haggis 係一種用羊肉 + 羊內臟搞碎後，混入香料，再放入羊胃內蒸煮而成既蘇格蘭傳統食物; 每年既1月25日為"Robert Burns Night"，傳統上依晚Haggis 係晚餐(Burns Supper)既指定食物!
老公認識一位朋友，每年既Burns Night 都會搞癌病慈善籌款餐舞會，每年都會邀請我 + 老公出席，我地去過2次......
Burns Supper 開始前，佢地會有一個儀式 - 舊Haggis 會好似皇帝咁比人抬住出來，跟住有著住蘇格蘭裙既男人朗讀一首詩 - "Address To a Haggis"，讀完之後男人會切開舊haggis，然後全場賓客要舉杯為haggis 乾杯......
儀式到依度先結束，可以開始晚餐~~~~
我唔係唔尊重蘇格蘭既傳統儀式...不過Haggis 始終只係一舊食物來~ 我好想笑!!!
呢排唔知係咪睇得你個BLOG多。突然間好鬼鐘意煮野食。連我大大仔（老公）都話唔知我發生咩事。不過佢話佢食得好開心。我個大仔而家日日都叫我MAKE CHEESECAKE 或 DESSERT。佢話媽咪你好叻呀！佢咁講我想當聽唔到都唔得啦。
回覆刪除[版主回覆02/28/2009 03:09:00]哈哈~~~~ 咁啱今日有另一位網友同我講 - 受我影響，開始對煮飯有興趣! 原來我個為食blog 咁鬼大影響力~~
妳老公話食得好開心...咁妳個心甜唔甜呀?
反而我依個星期一餐都冇煮過......聽日weekend 出街食飯~ 最快要下星期先煮咯~~~~
都幾大影響力咖。我好耐都冇做全心全意嘅煮婦啦。平時好求其咋。我諗我啲仔家吓好感激你。因為你佢地冇咁多"好"野食。 我個心甜唔甜呀？OK 啦。我老公成日都口花花。我聽佢啲甜言物語都聽到麻啦。 吓？冇煮ENTIRE WEEK？！我啱啱OPPOSITE。日日煮！勢利呢！
回覆刪除[版主回覆02/28/2009 04:36:00]我突然身痕屋企大掃除嘛~ 咪唔得閒煮野食囉，妳見我成個星期冇出食譜，就知我冇煮啦!
咁佢地又唔洗感激我，係妳煮比佢地食架嘛! 佢地感激妳得嘞~
OOPS! 因為你佢地 有 咁多"好"野食。
回覆刪除[版主回覆02/28/2009 04:37:00]唔知點解我又係成日打錯"有" + "冇"架????
哈吉士批個樣最正, 睇到我流口水. 我都唔知英國有呢D正批, 記得十年前遊英國時, 在Inverness食過一次燒牛肉....嘩, 真係好正, 連伴碟的小椰菜都好好食
回覆刪除[版主回覆02/28/2009 04:42:00]係呀~ 我都係最鍾意哈吉士批~ 我好鍾意食上面既薯茸!Inverness 好北吓喎，屬Highland~ 有冇見到尼斯湖水怪呀?
唔知點解我又係成日打錯"有" + "冇"架???? 點解？肥手指 (fat fingers)囉 !!
回覆刪除[版主回覆02/28/2009 05:47:00](Empty)
Macoroni Cheese Pie 個樣好吸引唷...至於其他個d呢....我就唔太喜歡....因為我唔太好牛肉...相反JC 見到會好開心...
回覆刪除因為佢係牛魔王黎ga...
Black Pudding Pie 個日感係點ga?,?....好像很嘔心的樣子...(sorry)
不過見到咁多pie, 好肥___肥唷...
哈哈 @v@"
[版主回覆02/28/2009 21:29:00]唔洗sorry~ 我第一次聽black pudding，我都覺得好核突 + 唔好食! black pudding + haggis 都係比較傳統既蘇格蘭食品，蘇格蘭以外比較少見!
咁妳係咪完全唔食牛肉架? 我 + 老公都係牛魔王來架!
Macoroni Cheese 初見覺得好怪~ 不過食落特別得來又好好食~~~~
嘩，Pie都有咁多款式，大開眼界呀，未食lunch，攪到我好鬼餓添
回覆刪除[版主回覆02/28/2009 21:30:00]其實我都好鍾意佢地冇得賣既steak and kidney pie 架~
我未同JC一齊前食得好清...只食白肉... 係美國時我吃素的...都有2年... E+佢成日迫我食好多野...豬&牛... 就係佢番左HKG呢半年... 我肥左13 lbs= =" 以前得 97 lbs...e+ 110 lbs... 想減都減唔到...d朋友話幸福的肥-.-" 真係吹bb
回覆刪除[版主回覆03/01/2009 06:38:00]妳係鍾意食得清淡? 定係想減肥? (btw 妳都唔肥!!!)
食素唔係唔好， 不過間中食吓就話啫!
人始終應該要食d肉類， 咁營養先均衡架嘛!!!
而且食野有咁多限制，少咗好多樂趣啊~~~~~
110好標準啦~ 完全唔覺得妳肥!
你真係好叻女呀 ~ 我好鐘意食架 ~ 不過係香港 食親都好鬼肥膩呢 自己整 一定正好多呀~!
回覆刪除[版主回覆03/01/2009 06:32:00]erm.......d批買返來架~ 唔係我自己整架! 雖然我都有唸過自己整......(妳有冇睇字架??)
乜香港有依種批賣既咩? 我喺香港冇見過喎~~~
wow........you two can eat!
回覆刪除[版主回覆03/01/2009 08:28:00]i left 2 pies for my next day's lunch ga!
我本身唔鍾意食肉ga...所以呢...我就食素law....
回覆刪除不過JC唔想我食咁少野...係咁迫我食其他野LAW...
都唔係因為減肥事....我好細粒GA...5"2 ---> 110 lbs
肥到隻豬咁=___=" e+背心都唔敢著...
成日比人笑我....話我大隻妙...
[版主回覆03/02/2009 18:29:00]唔鍾意都要食d肉架! 飲食要均衡嘛~ (我咁鬼大食...咁講真係笑死人!!!)
其實我都唔係高妳好多~ 我5"4，不過可能我單骨，所以睇起上來好瘦!
我在一個blog友到學咗整Mac and cheese pie,我啲女同佢地啲fd一食傾心,個個都話Mac and cheese pie系佢地嘅favorite,成日叫我再整,重要落芝士要重手Ｄ喎.我自己就未食過,因為我唔食芝士！
回覆刪除[版主回覆03/02/2009 18:32:00]我會食芝士，不過唔係種種芝士都食~ 好似腳味blue cheese + 格肋底味goat cheese 完全唔好預我!!!!!
我覺得只要整咗mac cheese，再整批都好容易!
呢個"芝士通粉心批"好似好正咁喎
回覆刪除[版主回覆03/02/2009 19:22:00]係好正架! 不過妳唔覺得怪咩? 我初時見到都覺得怪~~~
上次返英國食左好多chicken pies and steak Pies，而家睇到都好想食呀!
回覆刪除[版主回覆03/02/2009 18:33:00]雞批我都係鍾意港式既多d!
hk 有間叫pie & tart嘅專門店, 不過啲pie一般啦, 無你個啲睇落咁多款咁好食。
回覆刪除[版主回覆03/02/2009 18:35:00]係呀? 應該冇哈吉士 + 黑血腸啦! 我做喺香港應該冇乜市場......
你攪乜大掃除要攪成個禮拜呀?
回覆刪除[版主回覆03/02/2009 18:36:00]執吓又停吓睇吓食吓野......越執越亂......
有冇chicken and leek pie架？好懷念啊！
回覆刪除[版主回覆03/04/2009 23:18:00]冇聽過(湯就聽過) + 冇食過~
因為我都係食批新"口"來!