雪耳椰子煲雞; 花膠冬菇炆雞; 黃金酥炸生蠔; 哈哈大笑茄汁蝦 & 南乳炆齋煲
尋晚初八依餐咁豐富，係因為原本依餐係唸住初七人日(星期日)晚煮既人日飯! 不過我星期日太懶冇煮到飯
，所以尋晚先煮......上次買咗個椰子唸住煲雞，開到身水身汗後先發現個椰子原來壞鬼咗!
用來炆雞既花膠，係早排返香港時，V媽媽既老友auntie 送比我既~ 好厚身...正!
"黃金酥炸生蠔"原本係我既團年飯餐單之內! 不過因為感冒咳取消咗依個餸~ 而家好返哂就即整! 老公超鍾意依個酥炸生蠔~~~ 一路食一路話好正!
不過今次係我第一次炸生蠔咋! 估唔到炸到咁酥脆喎~~~ 我都覺得好正! 真係忍唔住要讚吓自己!!! 呵呵~~~~
開年飯唔記得煮"哈哈大笑"喎!
新一年應該開開心心笑口常開嘛~~~ 所以尋日"補人日"煮返先!!!!! 
補祝大家人日人人常歡笑，不要眼淚掉......
身體健康 + 開開心心!
雪耳椰子煲雞食譜click here~
花膠冬菇炆雞食譜click here~
黃金酥炸生蠔食譜click here~
哈哈大笑茄汁蝦食譜click here~
南乳炆齋煲食譜click here~
開了的椰子! 好介紹! 你的廚藝一流!
回覆刪除[版主回覆02/04/2009 17:23:00]多謝~
我上次就咁買個椰子，用刀劈咗好鬼耐 + 搞到個廚房好似打仗咁......點知個椰子乾水變壞既! 激死~~~~~
點解感mo唔食得酥炸生蠔, 我老公又係超鐘意食架喎, 不過我未煮過, 等我又睇下你個食譜學下先, 其實點解我會無啦啦睇咗你個blog, 都係因為上網學整發菜蠔豉, 睇下睇下睇咗你個blog囉, hehe.......
回覆刪除[版主回覆02/04/2009 17:41:00]我同老公過年前一齊感冒，雖然趕得切病好先過年，不過就齊齊咳到死死吓~~~ 咳就緊係唔好再食炸野啦!
哈哈~~~~ 我個發菜蠔豉初二先煮果喎! 乜妳唔係年三十煮團年飯既咩???
其實兩個人食你都成日煮咁多餸, 你都幾好心機同興緻, 我好怕食完要洗咁多碗個下..., 我睇你應該唔洗返工係少奶奶嚟!
回覆刪除[版主回覆02/04/2009 17:47:00]煮野食係我既興趣嗜好!!!! 我又鍾意煮又鍾意食~~~~
我係冇做野架~ 不過我又唔算咩野少奶奶! 老公話唔想我做野 - 佢唔想我 + 佢放工返到來2個都攰到死死吓，咩都唔想做~ 佢想返到來有個乾淨整齊既屋企可以relax 吓 + 有餐熱辣辣晚飯食喎~~~~~~
我想話點解你唔整西餐, 我想學整牛扒同羊肉或焗野。
回覆刪除[版主回覆02/04/2009 17:52:00]我有煮西餐呀~ 喺"V煮乜鬼歐陸風味"嘛!!
http://hk.myblog.yahoo.com/veronicams_tsim/index?l=f&id=20
另外有碟頭既西餐喺"V煮乜鬼粥粉麵飯":
http://hk.myblog.yahoo.com/veronicams_tsim/index?l=f&id=25
年三十晚我老公買pizza, 我要休息下唔煮飯, 做節我吔一早就食咗團年飯, 一次就係同我爸媽係畫訪食, 一次就同我老公個姑姐個邊出街食, 我煮呢餐係過咗年後, 我媽入咗嚟同我湊仔, 我先得閒整餐好餸俾我老公食, 因佢想食髮菜蠔豉好耐。
回覆刪除[版主回覆02/04/2009 18:26:00]OIC~ 我地年三十都冇煮飯，因為咳得好勁冇心機煮! 99又去咗加拿大過年，所以冇食到團年飯~ 不過年初一都去咗62度食飯! 所以我初二先煮開年飯!
髮菜蠔豉我今次第二次煮咋! 平時好少煮依味菜，因為我老公唔食髮菜~~~
人日我屋企傳統係食粥同食糕....今年煲左乾瑤柱豬肚粉腸雞粥....煎蘿蔔糕同年糕....
回覆刪除[版主回覆02/11/2009 22:46:00]年糕唔多啱~
不過豬肚粉腸雞粥.....