蕃茄薯仔粟米煲牛腱; 蒜香蜜汁豬扒; 鹽燒多春魚 & 蒜茸小棠菜
星期二煲既蕃茄薯仔粟米牛腱湯仲有蕃茄剩，本來尋晚想滾個蕃茄豬肝湯，不過因為星期三晚冇煮飯，仲有好多牛腱湯剩，所以尋晚飲埋佢先.....
冇錯~ 依餐又有豬扒! 因為Asda 豬扒有special offer - 1 pack 賣£4; 3 pack 就£10~
反正老公好鍾意食豬扒，最多唸多幾個煮法!原本冇唸住落蒜茸去煮豬扒，不過剁炒菜既蒜茸時剁多咗! 咁我就靈機一觸炸香蒜茸灑上豬扒面，又香又脆~~~ 老公話好正! (哈哈~~~~ 錯有錯著喎!!
)我細個已經好鍾意食多春魚! 去親燒野食，我都會叫V媽媽買好多~ 初來英國時完全冇多春魚，要等返香港時先有機會食; 後來去倫敦食日本野時都食過......最近見Glasgow 都有急凍多春魚賣!
真係好~~~ (要不斷進步嘛!!!)
蕃茄薯仔粟米煲牛腱食譜click here~
蒜香蜜汁豬扒食譜click here~
鹽燒多春魚食譜click here~
我食多春魚 有一個勁離譜既習慣 就係拆肉 乜都唔食 只係食d春
回覆刪除[版主回覆02/20/2009 19:35:00] 有冇咁既需要呀???
(Empty)
回覆刪除個豬扒我一定會試整!
回覆刪除[版主回覆02/20/2009 23:16:00]好呀~ 依個好送飯!
因為 我唔識吐骨 同埋佢既魚春係至好食 由其係用韓燒既方式 (其實都幾浪費)
回覆刪除[版主回覆02/20/2009 23:12:00]多春魚成條由頭到尾都食得果喎!
我未聽過有人食多春魚要累骨......
因為我真係唔識食魚 就算係有小小"感覺係骨既野" 我都唔可以"吞"入口 所以我真係食小好多野 好似雞粥咁 有斬碎左既骨 我都會成"啖"吐返出黎 (真係醜死人 )
回覆刪除[版主回覆02/22/2009 01:24:00] 救命~~~~~ 妳真係奄尖得好緊要!!!!!