48小時情人節Part 3 - No.1 Sushi Bar (2009年2月15日)
離開Aberlady 後，我地去咗愛丁堡行街~ 不過行勻Harvey Nicoles，再去埋Lakeland Limited.....都係window shopping~ 冇乜購物意欲! (哎吔~~~ 忘記咗去LV 朝聖!!!!!
)
又係時候食lunch! 於是就去咗blogmate 張家總管講過既No.1 Sushi Bar~
如果唔係睇咗張家總管篇blog，我根本唔知愛丁堡有間咁既日本餐廳! 因為......唔係喺愛丁堡City Centre!!!! 果頭冇街行，又冇野睇，我地平去親愛丁堡都係喺City Centre 行街，Sushi Bar 果頭好隔涉...如果唔係靠部GPS，都幾難搵到間餐廳!
因為總管一早單聲 - 間餐廳其實係中國人開! 所以我同老公講: 去到先睇吓個門口如何...如果太中國化的話，我地就去返"Izzi"! (另一間愛丁堡既日本餐廳~)
不過個門口好得! 所以我地入咗去! (裡面竟然播緊王菲......)
好鬼肚餓......
我叫咗個壽司拼盤~ 外型好正宗; 用料又好新鮮~ 尤其三文魚好鬼正!!!
但美中不足係 - 壽司飯完全冇調味! 
我再來個Traditionl Ramen~ 材料 + 味道同我喺日本食到既幾乎一樣! 連湯匙都係日本食拉麵湯殼咁大隻果種~ 材料有多到食唔哂既日式叉燒、烚蛋、海帶、竹筍 + 芽菜; 白色湯底應該係豬骨! 好正~~~
不過拉麵似乎煮過龍 - 腍咗少少......
老公要咗個軟殼蟹天婦羅~ 新鮮熱辣，蟹又大舊~ 依個好鬼正!!! 
老公仲要咗個日式吉列豬扒飯~ 都好正! 仲有隻窩蛋~~~
老公既豬扒飯 + 我份壽司都包埋1碗味噌湯~ 夠熱又夠味! 好飲~~~
總括來講，依餐我地食得好滿意! 好味之餘又唔貴，我地一定有回頭~
我講到明依餐由我比錢來答謝老公! (冇幾可...
) 老公亦好樂意我請佢食飯......
其實咪又係佢d錢! 呵呵~~~
......but edinburgh is too far...... -__-"
回覆刪除[版主回覆02/16/2009 20:35:00]好食係好食~ 不過又唔係好食到要特登山長水遠上來愛丁堡食既!
不用謝!
回覆刪除我住的地方沒有日本餐廳, 所以當我食完呢間餐廳的時侯, 個感覺就好似.....久旱逢甘露!
不過唔知你有無留意門口既menu唔知點解掛得甘鬼高?!
[版主回覆02/16/2009 22:32:00]如果唔係妳介紹，我地根本唔會去果頭!
係咩? 我冇留意佢門口有個menu 喎~~~
以前愛丁堡好多日本人，而家唔知去哂邊度? 我好多年前同老公食過一間由一對日本夫婦開既日本野 - Yumi~ 好正架!!!! 個女人著哂和服招呼我地，仲係坐tatami! 個老公就係廚師， 果時英國仲未有枝豆食，佢地已經有...... Yumi 好正宗不過好貴!
不過過咗幾個月我地再去時，已經變咗間B&B! 聽聞對日本夫婦返咗日本~~~~~
哈哈...你都會唔記得去LV....顧住同老公SWEET....
回覆刪除依家英國買LV真係平過香港好多啦...
我個FD話同歐洲差唔多炸....我個FD剛剛叫人在歐洲買咗個新款
A4SIZE可側咩又可肩咩...真唔錯...6XX蚊歐羅..都係6仟幾蚊港紙炸..
[版主回覆02/17/2009 05:32:00]真係好鬼失策! 我平時去開愛丁堡，就算冇野買都入去打個白鴿轉架嘛!!!!!
英國買LV 一向都係平過香港架啦! 最近經濟咁差，英鎊紙水低迷，緊係仲加抵~ 妳地過來買仲可以退稅喎! 幾和味呀~~~~~ 我地就冇著數咯......
周圍食多d好野 咁你又可以係屋企學下整 跟住教埋我呢 (笨笨又貪心了 haha~)
回覆刪除[版主回覆02/17/2009 17:02:00]有大堆想試吓煮既野仲未實行!
係啦....咪又係你啲錢, 真係辛福呀! 咁你無送野俾你老公呀?
回覆刪除[版主回覆02/18/2009 22:18:00]其實老公未送野比我架! 佢話個扭計骰係咭來喎~ 係我叫佢唔好買野比我既...因為我冇乜野想要~~~
我緊係有野送比老公啦! 不過太私人唔公開得~
睇個樣好似正咁喎
回覆刪除天婦羅同壽司個樣都好靚
[版主回覆02/18/2009 23:05:00]壽司既料就好正，但個飯唔得; 天婦羅超好味!!!!
不過都係酒店果餐最好味~~~~~