落大雪呀!!! (2009年2月2日)

臨天光醒咗去廚房斟水飲，見到窗外好似好光咁......

 一望之下，原來落緊雪! 而且幾大吓~~~~

 泊喺街上既車一早鋪咗層雪，應該已落咗一段時間!

 但個零鐘頭後起身，雪停咗 + 有開始溶既跡象......

 點知隔咗一陣再望出去......又來過! 仲落到好鬼大!!!!!!

 直頭係橫風橫雪!!!!! 已經持續落咗成個鐘嘞......

咦~~~~~~~ 本來尋日初七人日想煮餐"人日飯"，不過撞啱尋日係星期日...逢weekend 我就懶鬼上身~ 所以唸住今日先補煮，一陣仲要去街買餸!!!!  但咁鬼大雪真係唔想出去!!!!! 早知尋晚唔偷懶啦!!!! (後悔ing......)

>>>>>>>>>>>>>>>>>>>>>>>>>>>>>>>>>>>>>>>>>>>>>>>>

先前買過2個相同牌子，相同系列，外表靚仔 + 超級好用 
 

既易潔Die Cast Aluminium 煲! (容量唔同 - 一個高身d用來煲粥; 另一個矮身用來打邊爐 + 煮壽喜燒~)

 尋日比我見到有個同一set 既鑊喎!

個人覺得依個系列好正! 外表靚仔，質料唔易刮花，輕身又快傳熱~

 本來冇打算買新鑊，所以喺貨架前掙扎咗好鬼耐!!! 最後都係怕蘇州過後無艇搭...忍唔住買咗~