老公話依條係佢最靚 + 最舒服既頸巾喎!
靚...手工就講唔上嘞
，不過d冷就好靚好軟熟! 舒服...緊係啦~ 我特別去John Lewis 買有茄士咩成份既冷!
.gif)
我覺得依隻深灰色好襯老公! 返工又得; causal 去街又得~~~我冬天有帶帽既習慣，不過我大部份帽都係淺色~ 想要一頂深色既冷帽好耐......早排見到網友織冷帽織得好靚~~~
.gif)
不如我又自己織一頂啦!於是我上星期去咗買冷......
點知返到屋企搵冷針先發現......
屋企有本英文初級編織書有教織冷帽~ 不過d款太鬼老土......
.gif)
.gif)
唔通我一世都只可以織頸巾??????? 
我都唔識織冷帽，所以我都淨係織頸巾咋
回覆刪除我屋企有本日文編織書，有教幾款冷帽既織法，但係我睇唔明
你要唔要，我可以scan完email比你
[版主回覆02/22/2009 01:32:00]有冇圖解既先??? 我唔識日文 + 唔識睇佢地織野果d圖表喎!!!
仲要條頸巾織得好靚喎，隻花男係兩針高兩針低?
回覆刪除我都鐘意織灰色比老公，真係易襯啲，返工去街都ok
[版主回覆02/22/2009 01:35:00]唔鬼記得咯~ 我織時睇書之嘛，織完就連起針都唔記得點起咯! 不過睇返書就識返架嘞! 哈哈~~~~~
V女....冷帽好像是勾出黎會令D GA WO.... 不過你要 織的看看下面條LINK你岩唔岩用.... ^^" 織完要POST上黎比我睇^^" http://knittingclub.yokolab.com/elesson/e-hat1.html
回覆刪除[版主回覆02/22/2009 02:41:00]係呀? 我唔識架~ 我又未用過勾針......
唔該哂!!!!!! 等我一陣去睇吓條link 先~~~ 如果成功的話，我一定post 上來比大家"欣賞"吓!
你織得唔錯呀! 溫暖牌! 有錢都買唔到的心意!
回覆刪除[版主回覆02/22/2009 09:24:00]多謝~ 不過麻麻地啦!
依種紋只要整整齊齊就唔會太醜樣~~~
真係好鬼邪~~
回覆刪除信不信由你, 你次次都快過我出我正想寫既post, 連埋呢篇, 已經是第四次了!
第一次是預感(我當時正在寫關於自己的直覺....)
第二次是Mr T 的中文水平 (我想說的是我老公的中文"進化論")
第三次是德國孖人牌 (不過我想說的是比較孖人牌和日本ceramic knife)
第四次便是織V女呢篇 (不同的是我織的頸巾是俾兩個女, 我想織冷帽是給奶奶作為化療後甩頭髮之用)
由於內容相似, 我唔想你出完後我先跟你pat pat出, 所以就此罷了!
[版主回覆02/22/2009 09:22:00]乜妳d"直覺"...覺唔到我寫得快過妳咩??
不過我寫完妳一樣可以寫既啫!
個blog 係自己既，自己鍾意寫乜都得架!
你試下呢條LINK幫唔幫到你,我見佢地日織夜織,個個都係織女,你有問題可以係度問下佢地,希望幫到你^^加油呀~
回覆刪除http://forum.baby-kingdom.com/viewthread.php?tid=1416563
[版主回覆02/23/2009 06:54:00]唔該哂妳呀~ Thank you! Thank you!!!! 好多資料呀~~~
之前又有網友比咗另一個網址我......不過我唸住都要買本書參考吓! 咁遇到問題時又可以問佢地......我好有信心織得出一頂冷帽!!!! (不過見唔見得人又係另一回事~~ )
我唔識織頸巾,冇咩天份
回覆刪除[版主回覆02/23/2009 06:50:00]頸巾已經係最易織既冷野來......
如果唔係我都唔識織!
妳中學時有冇家政堂架??
哈哈哈...你好攪笑....我都唔識織冷帽, 不過聽我表嫂講織冷帽係好鬼易架! 我相信你一定織到, 唔洗一世織頸巾。
回覆刪除你個條頸巾嘅花真係幾似我織我老公個條喎!
[版主回覆02/23/2009 06:47:00]我就係見有位網友織咗頂冷帽好鬼靚，織完仲要話唔難織，我先心思思想學! 不過唔難還唔難...都要知道點織架!!!
我都話同妳織果條好似架啦!
直覺如果直到就快過你出post 啦!
回覆刪除所以話呢~
都係你d預感犀利d!
[版主回覆02/23/2009 06:45:00]鬥快出post???
哈哈~~~~ 我冇預感到妳都想出依d post 喎!
圖解呀，又好似冇喎，我又係睇唔明佢啲表
回覆刪除[版主回覆02/23/2009 19:32:00]唔緊要嘞~ 老公叫我上網買本書喎! 我都揀咗幾本~ Thanks anyway!
我中學時有家政但對車衫，織冷衫冇興趣
回覆刪除但就鍾意煮野食
[版主回覆02/23/2009 23:15:00]咁都要交功課架!
我對車衫 + 織冷衫都好有興趣~ 不過硬係做得唔好! 老公買咗部衣車比我...不過我一次都未用過~~~
祝你成功
回覆刪除[版主回覆02/27/2009 01:05:00]thank you~ 編完放上來比大家睇吖!