2009年2月21日星期六

織女V~

依條係我2年前織比老公既頸巾~ 早排落雪天氣好鬼凍,老公日日攬住返工~

老公話依條係佢最靚 + 最舒服既頸巾喎!

靚...手工就講唔上嘞 ,不過d冷就好靚好軟熟! 舒服...緊係啦~ 
我特別去John Lewis 買有茄士咩成份既冷!
計落買冷既錢可能仲貴過買條現成頸巾...係織比老公我先捨得買靚冷咋!!!!

我覺得依隻深灰色好襯老公! 返工又得; causal 去街又得~~~

我冬天有帶帽既習慣,不過我大部份帽都係淺色~ 想要一頂深色既冷帽好耐......早排見到網友織冷帽織得好靚~~~
不如我又自己織一頂啦!

於是我上星期去咗買冷......

未織過冷帽,唔知要預幾多舊冷? 不過我唸應該少過織頸巾,所以買住2舊先...織比自己唔洗要茄士咩咁靚嘞~ 要靚少少既extra fine merino wool 得嘞!

點知返到屋企搵冷針先發現......

 原來屋企仲有4舊靚冷喎!!!!!

先唸起原來上次織頸巾比老公,買冷時心大心細決定唔到要黑色定灰色.....於是買哂2隻色返屋企先慢慢決定! 最後織咗灰色~~~~

屋企有本英文初級編織書有教織冷帽~ 不過d款太鬼老土......
(依度買d書係咁上下架嘞!)

 後來醒起前年返香港時喺Sogo 11樓旭屋書店,買咗本圖解日文編織書,應該有教織冷帽啩!!?!??

 點知冇!!!!! 買書時本書包鬼咗我又冇check,買咗後又冇點拮過......

唔通我一世都只可以織頸巾???????


12 則留言:

  1. 我都唔識織冷帽,所以我都淨係織頸巾咋
    我屋企有本日文編織書,有教幾款冷帽既織法,但係我睇唔明
    你要唔要,我可以scan完email比你
    [版主回覆02/22/2009 01:32:00]有冇圖解既先??? 我唔識日文 + 唔識睇佢地織野果d圖表喎!!!
     
     
     

    回覆刪除
  2. 仲要條頸巾織得好靚喎,隻花男係兩針高兩針低?
    我都鐘意織灰色比老公,真係易襯啲,返工去街都ok
    [版主回覆02/22/2009 01:35:00]唔鬼記得咯~ 我織時睇書之嘛,織完就連起針都唔記得點起咯! 不過睇返書就識返架嘞! 哈哈~~~~~
     
     
     

    回覆刪除
  3. V女....冷帽好像是勾出黎會令D GA WO.... 不過你要 織的看看下面條LINK你岩唔岩用.... ^^" 織完要POST上黎比我睇^^" http://knittingclub.yokolab.com/elesson/e-hat1.html
    [版主回覆02/22/2009 02:41:00]係呀? 我唔識架~ 我又未用過勾針......
     
    唔該哂!!!!!!  等我一陣去睇吓條link 先~~~ 如果成功的話,我一定post 上來比大家"欣賞"吓!
     
     

    回覆刪除
  4. 你織得唔錯呀! 溫暖牌! 有錢都買唔到的心意!
    [版主回覆02/22/2009 09:24:00]多謝~ 不過麻麻地啦!
    依種紋只要整整齊齊就唔會太醜樣~~~
     
     

    回覆刪除
  5. 真係好鬼邪~~
    信不信由你, 你次次都快過我出我正想寫既post, 連埋呢篇, 已經是第四次了!
    第一次是預感(我當時正在寫關於自己的直覺....)
    第二次是Mr T 的中文水平 (我想說的是我老公的中文"進化論")
    第三次是德國孖人牌 (不過我想說的是比較孖人牌和日本ceramic knife)
    第四次便是織V女呢篇 (不同的是我織的頸巾是俾兩個女, 我想織冷帽是給奶奶作為化療後甩頭髮之用)
    由於內容相似, 我唔想你出完後我先跟你pat pat出, 所以就此罷了!

    [版主回覆02/22/2009 09:22:00]乜妳d"直覺"...覺唔到我寫得快過妳咩??
     
    不過我寫完妳一樣可以寫既啫!
     
    個blog 係自己既,自己鍾意寫乜都得架!
     
     

    回覆刪除
  6. 你試下呢條LINK幫唔幫到你,我見佢地日織夜織,個個都係織女,你有問題可以係度問下佢地,希望幫到你^^加油呀~
    http://forum.baby-kingdom.com/viewthread.php?tid=1416563
     
    [版主回覆02/23/2009 06:54:00]唔該哂妳呀~ Thank you! Thank you!!!! 好多資料呀~~~
     
    之前又有網友比咗另一個網址我......不過我唸住都要買本書參考吓! 咁遇到問題時又可以問佢地......我好有信心織得出一頂冷帽!!!! (不過見唔見得人又係另一回事~~ )
     
     

    回覆刪除
  7. 我唔識織頸巾,冇咩天份
    [版主回覆02/23/2009 06:50:00]頸巾已經係最易織既冷野來......
    如果唔係我都唔識織!
     
    妳中學時有冇家政堂架??
     
     

    回覆刪除
  8. 哈哈哈...你好攪笑....我都唔識織冷帽, 不過聽我表嫂講織冷帽係好鬼易架! 我相信你一定織到, 唔洗一世織頸巾。
    你個條頸巾嘅花真係幾似我織我老公個條喎!
    [版主回覆02/23/2009 06:47:00]我就係見有位網友織咗頂冷帽好鬼靚,織完仲要話唔難織,我先心思思想學! 不過唔難還唔難...都要知道點織架!!!
     
    我都話同妳織果條好似架啦!
     
     

    回覆刪除
  9. 直覺如果直到就快過你出post 啦!
    所以話呢~
    都係你d預感犀利d!
    [版主回覆02/23/2009 06:45:00]鬥快出post???
     
    哈哈~~~~ 我冇預感到妳都想出依d post 喎!
     
     

    回覆刪除
  10. 圖解呀,又好似冇喎,我又係睇唔明佢啲表 
    [版主回覆02/23/2009 19:32:00]唔緊要嘞~ 老公叫我上網買本書喎! 我都揀咗幾本~ Thanks anyway!
     
     

    回覆刪除
  11. 我中學時有家政但對車衫,織冷衫冇興趣
    但就鍾意煮野食
    [版主回覆02/23/2009 23:15:00]咁都要交功課架!
     
    我對車衫 + 織冷衫都好有興趣~ 不過硬係做得唔好! 老公買咗部衣車比我...不過我一次都未用過~~~
     
     
     

    回覆刪除
  12. 祝你成功
    [版主回覆02/27/2009 01:05:00]thank you~ 編完放上來比大家睇吖!
     
     
     

    回覆刪除

Related Posts Plugin for WordPress, Blogger...