090909 - 孖T拍拖10週年

曾經.......

曾經我有一個習慣 - 每年大除夕一踏入零晨12點，無論我身在何地，都會低頭合上眼向天祈求一個愛我鍚我既Mr. Right~  今日我發現上天非常慷慨地醒咗件有好多"額外贈品"既筍野過我;

曾經決定除咗V爸爸之外，我以後唔會再相信任何男人~  今日我除咗百份百信任筍野，仲事事都依賴佢; 

曾經聽過好多人講所有男人結婚後，都唔會再好似拍拖時對妳咁好，甚至唔會再對妳好~  今日我發現原來真係有例外; 

曾經誓神劈願唔會同一個比自己年紀少既人拍拖~  今日我同依個年紀細過我4年既筍野拍咗拖10年，而且仲同佢結咗婚; 

曾經有一位朋友認識我無耐就同我講: V~ 妳有個咁既老公，妳真係瞓著覺都要偷笑~  今日我想同依位朋友講: 我無論瞓覺或清醒，都無時無刻偷笑、大笑、狂笑.......

開心既時間過得特別快 - 依句說話真係無錯! (不過仲未係時候講拜拜喎!!! ) how time flies! 話咁快今日我同筍野 - Mr.T拍咗拖10年嘞~~~

從來都無唸過同一個人一齊過咗10年會係點?

因為曾經試過同(另)一個人一齊過咗10個月，已經叫我苦不堪言.......

我真係好感謝筍野咁多年來，無論我做錯咩事 + 有幾錯都好，佢都包容我，甚至包庇我........對我不離不棄~~~
莫講話10年，就算比我再揀10次，甚至10世......我都一定會選擇筍野!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

已經嘔死咗既網友恕我不付責嘞 ; 若只頂住仲未嘔得出既話，希望哥哥既歌聲可以幫妳or你緩和吓......

追

這一生　也在進取　這分鐘　卻掛念誰
我會說　是唯獨你不可失去

好風光　似幻似虛　誰明人生樂趣
我會說　為情為愛　仍然是對

誰比你重要　成功了敗了　也完全無重要
誰比你重要　狂風與暴雨　都因你燃燒

一追再追　只想追趕生命裡一分一秒　原來多麼可笑　你是真正目標
一追再追　追蹤一些生活最基本需要　原來早不缺少
有了你　即使平凡卻最重要

好光陰　縱沒太多　一分鐘那又如何
會與你　共同渡過　都不枉過

瘋戀多　錯誤更多　如能從新做過
我會說　願能為你　提前做錯

誰比你重要　成功了敗了　也完全無重要
誰比你重要　狂風與暴雨　都因你燃燒

一追再追　只想追趕生命裡一分一秒　原來多麼可笑　你是真正目標
一追再追　追蹤一些生活最基本需要　原來早不缺少　
有了你　即使平凡卻最重要

一追再追　只想追趕生命裡一分一秒　原來多麼可笑　你是真正目標
一追再追　追蹤一些生活最基本需要　原來早不缺少

只得你　會叫我彷彿人群裡最重要

有了你　即使沈睡了　也在笑

 Hon~ I don't just love you,

I love the way you love me.......

Happy 10th Anniversary!

 T生話佢好happy + 好high~~~ 所以要跳番part 艷舞來賀一賀佢喎!  仲除剩條底橫來贈贈慶益街坊!!!