福建炒飯

1. 預備材料: 白飯 (最好係留過夜既冷飯!); 雞上脾肉切粒; 大蝦去殼切粒; 菜心梗 / 芥蘭梗切粒; 冬菇浸軟切粒; 瑤柱浸軟撕成絲; 雞蛋打勻~

2. 燒熱油鑊，炒熟雞粒盛起; 再炒熟蝦肉粒盛起備用。

3. 再燒紅油鑊，先下蛋液，隨後即下冷飯，快手兜勻; 用少許生抽和糖調味炒勻後盛起上碟保溫。

4. 燒熱油鑊，下冬菇粒、瑤柱絲炒香後灒酒。

5. 加入菜粒兜勻再炒一會。

6. 倒入適量清雞湯，用蠔油和糖調味煮滾，雞肉和蝦肉粒回鑊再煮滾。

7. 勾生粉水芡，待再滾至汁稠，將材料連汁液淋在炒飯上即成。

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

黃金炒飯

早排睇過一個NHK World 台節目 - 長達1小時既節目係專門集中研究最完美既炒飯 - 黃金炒飯!

其實黃金炒飯即係最簡單既蛋炒飯......節目中分析3種不同既蛋炒飯方法:

1. 先炒冷飯，後加蛋;

2. 先炒蛋至全熟，再加入冷飯;

3. 先加入蛋，隨即加入冷飯~

之後用先進儀器去測試炒飯質感!

結果顯示方法(3) - 先加蛋，隨即exactly 2秒後加入冷飯同炒，炒出來既飯除咗色澤金黃之外，飯粒維持完整口感最好!  係精細鏡頭下仲會見到飯粒好有彈性!  咁就為之最完美既黃金炒飯嘞~~~

記住一定要加蛋exactly 2秒後加入冷飯喎!!!! 大家不防試試吖~ (真係得架!!! )