今次一次過將3樣新野同時剪綵......
食譜係根據斑蘭粉包裝後面既食譜~ 不過因為份量太多，某d材料我唔太鍾意，所以比我改到七彩!!! 
1. 先將雞蛋分開蛋黃和蛋白。
2. 牛奶加斑蘭粉打勻。
3. 蛋黃和一半糖霜打勻至變白，加入(2)之斑蘭牛奶拌勻。
4. 篩入自發粉和泡打粉，拌好成糊。
5. 將蛋白和餘下一半糖霜打至挺身，分3次加入(4)之粉糊內，再加入菜油拌勻。
焗後檢討......
斑蘭粉有淡淡香味，加上有好靚既淡綠色，一路整蛋糕一路都聞到 + 睇到~~~~ 過程都幾賞心悅目!
個人鍾意斑蘭既香味，多過雲呢拿既味道! 
我部kMix 首次登場，表現一流無得彈!!!
我果然好有眼光!!! 呵呵~~~~~
個矽膠蛋糕模好靚，不過焗起後蛋糕隆起好勁!
將蛋糕底部切平咗後，成個蛋糕矮咗好多.......
將蛋糕底部切平咗後，成個蛋糕矮咗好多.......
蛋糕粉漿撈出來比上次整既北海道戚風蛋糕厚身好多，所以今次只做到蛋糕既質感，但就做唔到戚風質感! 不過都幾香幾好食~~~
我知道原因係因為依隻斑蘭粉係無糖 (同牌子另一隻係含糖既!)，所以另加糖霜之後，另粉糊變得厚身......
請阿四 + 其他整過斑蘭戚風蛋糕既高手賜教~~~ Thank you! 
11111111111111，今次又霸頭位
回覆刪除我印象中佢雖然係寫斑蘭粉，不過好似都係有糖粉，係甜甜地架喎，妳再望下，佢個食譜都冇加糖架
我咪焗咗兩個既，第一個好實(焗過咗時)，第二個就OK，較鬆軟，不過又未至於軟到好似戚風咁喎
[版主回覆09/30/2009 00:57:00]我果包真係冇糖架! 佢後面個食譜話"將適量既糖乜乜乜"但又冇講幾多喎......
咁妳整斑蘭蛋糕果篇又冇食譜，於是我咪上網搵食譜囉~ 我見有人用同一個牌子斑蘭粉係有糖既，果個人個食譜冇加糖~ 我都覺得好奇怪.....
跟手我見到包裝上成份果度，中英都用箱頭筆 劃走咗sugar + 糖，所以我開咗時咪試吓味囉 - 真係唔甜架!
妳依個牌子既mold我都買過 (不過係細size)，我覺得佢係比較難甩模，所以我之後先買SilikoMart，依款就留番用黎整布甸/啫喱
回覆刪除妳話妳甩模甩得唔靚，其實係個mold既問題，唔係妳既問題
[版主回覆09/30/2009 01:02:00]我都覺得依個比一般矽膠蛋糕模硬身好多! 都幾難脫模.....
不過我真係幾乎一出爐就脫嘞.....
焗完出來好令, 好靚 好似假一樣. 好唔好食呢
回覆刪除[版主回覆09/30/2009 07:08:00]我估係因為個模所以令.........我都覺得有少少假樣!
都幾香幾好食，不過做唔到雪芳既質感...
鎖利~鎖利~，妳唔講我都冇留意到添 咁即係我買比妳嗰隻冇糖，我自己用嗰隻係有糖，因為我嗰隻係有甜味架，我記得我好似係冇落糖，所以奇怪點解妳會加糖，真係唔好意思啦
回覆刪除我自己都係跟佢個食譜改，又係用牛奶代替咗椰奶，蛋就跟返佢用7隻 (我覺得真係多咗啲)，因為我冇自發粉，所以用麵粉代替，但係baking powder就用1tsp，另加baking soda 1tsp
[版主回覆09/30/2009 20:17:00]唔洗唔好意思 + 唔洗鎖!
原來妳用既係有糖，我仲以為妳一向買開無糖既呢~~~~ 咁妳下次買時要睇清楚有無糖嘞!
我唔鍾意椰汁 + 個蛋糕模細呀嘛! 所以咪改鬼咗個食譜囉~ 不過佢個食譜都講得唔清楚既e.g. 冇講焗爐幾多度.....
雖然今次整唔到戚風質感，不過老公話好香好好食! thanks again for your gift~~~
越嚟越佩服你 , 識整咁多野食 , 你老公真係有福 ..
回覆刪除[版主回覆09/30/2009 20:12:00]過獎嘞~ 熟能生巧 + 邊整邊學啫!
我唔知老公係幸定不幸呀 - 因為我整出來既食物，無論我自己滿唔滿意都好，佢一定要幫我清哂佢!
個蛋糕整得好靚喎,我真係未整過戚風,所以我都唔知,我成日覺得戚風係好難整,我黎緊想整牛奶吐司,買左個模返去都未整過,SIDE鬼曬!!唔知用吐司模整牛油磅蛋糕得唔得既呢?
回覆刪除[版主回覆09/30/2009 20:10:00]依個唔係戚風來! 質感似鬆糕多d~
我整過一次北海道戚風~ 上面加咗條link! 妳有興趣可以去睇吓，好易整!
當然可以用吐司模來整牛油磅蛋糕啦! 我都試過~~~~
戚風蛋糕 最好用番戚風模 ... 我都好鍾意 "彭丹" 味咖 ~~
回覆刪除[版主回覆09/30/2009 20:04:00]依個唔係戚風來~ 只係 斑蘭蛋糕! 我溝完粉糊都知道唔會做到戚風質感，原因上面有講~~~
我下次會調較吓斑蘭粉 + 糖既份量，再試吓整唔整到戚風!
其實我有個戚風模買咗好耐仲未用過! 不過依個花花模係weekend 新買，好心急用新野~~~~
花花型矽膠蛋糕模好靚，香港買矽膠蛋糕模都幾貴！
回覆刪除[版主回覆09/30/2009 20:58:00]依個靚就靚~ 不過比一般矽模硬身，難少少脫模!
上次去新加坡買左個班蘭蛋糕食好正！
回覆刪除[版主回覆10/01/2009 21:27:00]係呀~ 我聽人講話當地斑蘭蛋糕好出名! 不過椰汁味會唔會好重呀?
個班蘭戚風蛋糕好香班蘭唔會好重椰汁～
回覆刪除我攞唔到咁多如果唔係買多幾個，因為都幾大個架！
[版主回覆10/01/2009 23:29:00]我好鍾意斑蘭既香味~ 不過椰汁就麻麻! 所以我整時都用牛奶來代替椰汁.....
Do you see pandan paste or extract in in Asian groceries in UK? I just bought this one:
回覆刪除i think it's the best we can get here.
[版主回覆10/05/2009 19:39:00]i have no idea, havent checked it before~ will have a look next weekend when i visit the chinese supermarket! thanks for sharing~
果包粉係邊樹買架? 未見過...不過我有那樽油...都無咩味咁...可能我唔想咁深色~~
回覆刪除[版主回覆03/25/2010 19:53:00]包粉我都唔知喺邊度買喎! 係一位香港網友寄比我架~ 不過我可以幫妳問吓佢!