大家唔洗擔心 (or 心涼
)! 我同Mr.T 無嗌交，我地仍然非常恩愛as usual~~~
其實今次係我提出既 - 老公老友Ian 聽日就要出發到柬埔寨去"體驗生活"
，尋晚係Ian 既leaving do!
老公話若Ian 有幸"still alive"，最快都要年多後先會有機會再見面......
見佢地成班咁難捨難離，所以我就恩准御賜老公一個"麻甩佬之夜"!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
凡親老公唔喺屋企得我一個人e.g. 出trip，
我都會怕黑瞓唔著~~~ 漫漫長夜我當然唔會就咁浪費咗啦......
我趁住尋晚老公唔喺屋企，終於搵出成功煎出靚靚心型太陽蛋既竅門!
因為最近我晚晚追美國連續劇"Dexter Season 2" DVD......
次次睇到片頭 - Dexter 煮早餐我都好想食~~~~ 
屋企有火腿扒又有雞蛋，加埋杯香濃奶茶就perfect 嘞!
我平時煎蛋會煎哂2面~ 不過反蛋時好易會整穿蛋黃，蛋黃有時亦會太熟;
今次跟住蛋天書 - "Eggs by Michel Roux" 裡面教授既煎蛋方法 - 唔洗反、可以保持完美蛋黃既靚靚滑滑太陽蛋!
1. 先將雞蛋打在細碗內。
2. Non stick 鑊下油，用中火燒至微熱後下蛋。
3. 讓蛋慢慢煎至蛋白變白色。
4. 蓋上鑊蓋焗30秒至1分鐘後，即成可上碟。
因為就咁直接將蛋打入心型圈內，好易變型 + 整穿蛋黃!
用kitchen gadget 果然係要練習既!!! 
Yeah No.1，我又霸返過頭位先
回覆刪除好耐之前我都用過煎蛋器，又係攪到一pat野咁，結果我連嗰個煎蛋器都掉鬼埋
[版主回覆09/28/2009 04:09:00]叻叻~~~~
妳實在太衝動嘞!!! 妳應該試多幾次嘛! 妳睇吓我有志者事竟成! 呵呵~~~
我唸用依種煎蛋器，一定要煎唔反面既太陽蛋.....
又煎得幾鬼令喎 ...
回覆刪除[版主回覆09/28/2009 04:10:00]多謝~~~ 跟住蛋天書煮蛋確係唔同既!
lee個煎蛋器我阿媽都有買過俾我煎蛋但係次次都唔得!! 等我聽朝都來整個心型蛋早餐然後先返學
回覆刪除[版主回覆09/28/2009 16:21:00]練多幾次就得架嘞!
提早左食既愛心早餐
回覆刪除[版主回覆09/28/2009 16:20:00]早咗好多個鐘呢!
好靚呀! 等我又買返個玩下先得!
回覆刪除[版主回覆09/28/2009 16:19:00]幾好玩架~ 不過可能要練習吓先會煎得靚既心型!
我煎蛋真係好求其,求其煎到熟就食,不過我鍾意個黃仲係生生地,荷包蛋咁樣真係好鬼好味!!
回覆刪除[版主回覆09/28/2009 16:18:00]咁妳都可以用依個方法來煎蛋~ 蛋白熟哂但好嫩滑，蛋黃又生生地唔會穿!
好姣呀隻蛋 ......
回覆刪除[版主回覆09/28/2009 16:59:00]咁咪啱哂我囉! 妳都買返個整比姣霸食???
哈哈哈 ~~ 睇"Dexter Season 2" DVD......果然識貨, 我都睇到season 3 第1集啦..
回覆刪除好緊張呢~~
[版主回覆09/28/2009 20:08:00]英國10月4日就做Season 3 last ep~
不過我一向都唔追電視既! 因為一星期先做一集好難等，所以我會等出咗DVD 先一口氣追來睇~
如果我有老公一定會煎個心型蛋早餐俾佢食
回覆刪除soooo sweet
[版主回覆09/30/2009 02:14:00]唔一定要整比老公食架! 整比自己食一樣可以好sweet~~~
我都有個心型煎蛋模..但次次都失敗...激死....
回覆刪除[版主回覆09/30/2009 02:14:00]試多幾次啦! 試吓我依個方法吖~ 好得架!