瀨粉係來自V媽媽早排寄來既包裹; 而湯底就係blog 友阿四送贈既蛤蜊湯塊~
依種"桐口米粉乾"異常幼滑爽口~ 正!
食過依種瀨粉，真係唔想再食返以前果種又粗又糙既"中山瀨粉"!
而用來做湯底既蛤蜊湯塊非常鮮味方便~ 雖然係即用湯塊，但真係有蜆果種獨特鮮甜香味果喎，而且我依大兜只用咗半粒已經好夠味! 阿四果然無介紹錯~~~ 
依大兜熱辣辣香噴噴，材料豐富既海鮮湯瀨粉，我只係花咗15分鐘就搞掂，真係快手過落街買麥麥，而且仲"豪"過麥麥好多!
深夜3am 一路睇電視一路食瀨粉，老公傳來sms 問我肚唔肚餓 + 洗唔洗買叉燒飯比我......嘻嘻~~~~ 食鬼飽咗咯~
仲正過叉燒飯好多呢!! 
仲正過叉燒飯好多呢!! 
幾日冇上黎... UPDATE 咗咁多....
回覆刪除congratulations.... 2個人一齊10年真係唔容易, 希望你地未來10, 20, 30, 40, 50...... 愈來愈精彩, 愈來愈HAPPY!!
[版主回覆09/14/2009 01:08:00]Thank you Catherine~ 大家咁話 - 祝大家同另一半都越來越精彩 + 越來越happy!
點解可以搵到蜆同蝦既...呢d一早買定係到???
回覆刪除半夜三更仲乜仲有义燒飯買...香港都未必有...最多係得你至愛的街頭小食(eg 牛雜...魚蛋等)
[版主回覆09/14/2009 01:05:00]d蜆同大蝦係急凍架! 我冰櫃經常都有一1盒大蝦 + 1包蜆~
依度有d中國餐館係專做夜市，e.g. 等night club 3am 散場，做鬼佬宵夜生意! 開到零晨5點幾6點架~ 晚飯小菜又有、燒味飯盒都有~ 以前仲有點心飲茶呢......
老公次次同朋友出街，返來時都會sms 睇吓我瞓咗未 + 肚唔肚餓，我未瞓就會買宵夜返來同我一齊食! 好多時我冇啦啦半夜想食叉燒飯，老公又會特登渣車出去買比我食架~~
消夜都咁好餸 勁呀~
回覆刪除[版主回覆09/14/2009 00:50:00]任何食野既時間，我都要盡量enjoy 100%!
我睇到流晒口水啦~我都好想食呀!我依家都係一日一餐乍~等我減完肥, 我就可以食返多少少嘢啦~
回覆刪除[版主回覆09/14/2009 02:12:00]妳都唔肥! 洗乜鬼減呀?
不過減還減呀，要小心身體! 一日食一餐會唔會太少呀? 可唔可以食多一餐，不過減少份量or 食低脂食材呀? 咁樣應該會健康d喎!
多蔥, 正啊! 加埋余均益就完美啦!
回覆刪除[版主回覆09/14/2009 02:14:00]食湯粉點會用辣醬架? 應該用辣椒油喎靚太~
(我緊有用啦! 冠益華記桂林辣椒醬 - 叫做辣椒醬，不過其實係辣椒油來既!)
呢輪唔得閒探訪d blog友~
回覆刪除一入到嚟, 就見到碗正正瀨粉~
真係好想食呀
[版主回覆09/14/2009 17:54:00]thanks~ 只要有哂材料，依個好易好快手搞掂!
好彩岩岩食飽宵夜才入黎看你個BLOG啫...睇見你碗咁靚既瀨粉個肚實打鼓.....
回覆刪除[版主回覆09/14/2009 17:53:00]咁妳真係醒目嘞!
服左你wor!!! 咁夜肚餓仲有心情煮咁大個宵夜!!!
回覆刪除[版主回覆09/14/2009 17:50:00]雖然咁豐富，不過好快手搞掂架咋!
宵夜都仲好送呢.. .睇見都想食...keke!
回覆刪除[版主回覆09/14/2009 17:49:00]我係果種為食到想食乜，都要即時食到既人來! 嘻嘻~~~
請問你瀨粉使唔使出水架 ?
回覆刪除[版主回覆09/14/2009 17:47:00]要汆水 + 過冷河!
滾水下粉煲至大滾 > 熄火上蓋焗5至8分鐘 > 取出過冷河 > 加湯煮至大滾就得架嘞!
呢個宵夜都好清淡, 食多碗都唔怕
回覆刪除[版主回覆09/14/2009 17:44:00]食多碗係唔怕.....不過碗野好大兜! 食唔食得落係問題~~~~
對自己好D係啱嘅﹗ 好味﹗
回覆刪除[版主回覆09/14/2009 17:39:00]我任何時候都對自己好好! 而食野就係最容易對自己好既方法~~~~
啲蜆湯真係正架，不過小朋友就唔係太鐘意囉
回覆刪除可惜要入長洲先買到啲瀨粉呢，我都想搵日去長洲行下，食妳介紹嗰間偉記魚蛋粉
妳真係厲害喎，屋企長備蜆同大蝦
[版主回覆09/14/2009 17:38:00]可能小朋友仲未識得欣賞海鮮既美味......
我唸d瀨粉妳要搵搵! 因為V媽媽只係話佢喺雜貨店買 - 唔知間野叫乜名! 記住唔好星期一入長洲喎 - 逢星期一偉記休息架!
依度唔可以隨時買到未煮既蜆 + 大蝦嘛! 咪急凍都照殺囉~ 不過依2隻越南入口既急凍大蝦 + 急凍蜆又唔錯喎 - 仲有鮮甜味果喎!!!
深夜食宵夜正喎....可以直落再等3粒鐘黎個茶餐廳早餐(如果係香港既話)可惜外國邊有咁早開既茶餐架...個湯底真係咁正咩?我都未食過...d瀨粉我確實幾貴想買,仲係我最鐘意既白色(我至唔鐘意透明瀨),有機會返香港一定要去買
回覆刪除[版主回覆09/14/2009 17:33:00]返香港時我成日半夜同老公鼠出去食宵夜架! 最鍾意茶餐廳 + 7仔叮叮點心~~~~
個湯底真係好正架! 係台灣野來既，妳返到台灣應該有得賣!
真係英雄所見略同嘞 - 我都係鍾意白色瀨粉多d! 不過透明果隻又未至於話唔鍾意~ 只係有得揀既話，我會揀白色果隻!
嘩~ 而個宵夜真係好豐富, 好好味呀!
回覆刪除[版主回覆09/14/2009 17:29:00]歡迎來訪 + 多謝讚賞!
真係好正呀!!!
回覆刪除3AM 先問你要唔要食飯....會唔會肥C 左....?
[版主回覆09/14/2009 17:28:00]哈哈~~~ 我真係食極都唔肥架!
而且都係間唔中一次啫，又唔係晚晚都係咁~~~
你話 "d蜆同大蝦係急凍架! "
回覆刪除使唔使解凍同調味,15分鐘點解可以咁快?
Thanks!
[版主回覆09/14/2009 17:26:00]解凍話乜易啫 - 開細水喉用凍水沖10分鐘就溶哂啦!
雖然係急凍，不過係生鮮時急凍 - 未經煮熟既! 所以仍然保持到蜆 + 蝦既鮮甜味~ 海鮮一向都唔需要調味!
妳一個人食既消夜都咁豐富，好犀利
回覆刪除見到d蝦就想食！
[版主回覆09/15/2009 07:55:00]就係孤零零冇人陪食宵夜先要食豐富d補返數!
Yummy宵夜!
回覆刪除[版主回覆09/15/2009 07:48:00]仲超飽呢~~~~
等我下次又去長洲搵下你呢款瀨粉先, 個湯塊我都試過, 真係好好味~不過岩大人多d, 小朋友都係用返豬骨同雞湯好d
回覆刪除[版主回覆09/15/2009 16:54:00]屎火~~~~ 我搞到個個都話要去長洲入瀨粉呢!!!
豬骨 + 雞湯我仲未試~ 不過我都覺得小朋友未必鍾意蜆味!
下個月要返長洲食飯...有無得影張瀨粉相(未煮前連包裝)黎睇睇...等我八卦下邊到有得買...再回報各位可以係邊到買呀
回覆刪除搵到瀨粉相...
回覆刪除http://hk.myblog.yahoo.com/veronicams_tsim/article?mid=20034
下個月頭會返去...四處搵下邊到有得買...唔使網友搵得咁辛苦
[版主回覆09/16/2009 19:46:00]V媽媽話係雜貨舖~ 咁妳集中搵雜貨舖啦!
唉 ..... 真羨慕你 , 食極都咁fit !
回覆刪除[版主回覆09/16/2009 19:48:00]V媽媽以前都好瘦架!! 不過佢話生咗我後就飲啖水都肥..... 所以我要把握時間!
點解妳老公,會話買叉燒飯嘅? 通常啲劇情係: 老婆要唔甜到漏糖水.....
回覆刪除[版主回覆09/18/2009 18:27:00]原因有三 ......
一依度冇糖水店; 二我唔鍾意食甜品; 三我好鍾意叉燒飯!
蜜汁叉燒都一樣甜到漏架~~~