蜜瓜螺頭排骨湯; 南乳燒雞; 三杯三文魚頭豆腐煲 & 炒菜心
經常都見到超市有大大個好鬼靚既黃皮蜜瓜賣......偏偏我今日準備好哂材料煲蜜瓜湯，但行勻哂Tesco + Asda，就連蜜瓜核都無1粒!!! 
佢地d蔬果一向都好新鮮好靚，雖然今日d蜜瓜細隻咗少少，不過都好靚仔~
上星期買咗隻雞煲湯，但只用咗半隻~ 突然想食南乳雞，但又唔夠時間"吊"起佢......於是唸咗個懶人版! 
出來效果竟然好好喎~~~ 仲有小脆皮呢! 
出來效果竟然好好喎~~~ 仲有小脆皮呢!
(
燒耐多一陣應該會仲脆~~~)
燒耐多一陣應該會仲脆~~~)
幾個月前見到Morrisons 有三文魚頭賣，每隻約80p，好鬼平~ 於是做吓research 睇吓可以點煮......點知到我唸到食譜後，三文魚竟然喺Morrisons 消聲匿跡!!! 
好彩! weekend 比我見到泗和行魚檔有三文魚頭賣!
老公話隻南乳雞 + 三文魚頭煲......d豆腐都好好食! 佢話雖然三文魚頭都好食，但一向最憎累骨既佢話好麻煩......所以佢要我將肉夾出來比佢!!!
我都覺得佢好麻煩!!!! 下次都係整多幾舊豆腐過佢算數嘞~~~~ 蜜瓜螺頭排骨湯食譜click here~
南乳燒雞食譜click here~
三杯三文魚頭豆腐煲食譜click here~
嘩...你識煮好多野wor..你唔係 HK住?
回覆刪除[版主回覆09/08/2009 16:55:00]哈哈~~~ 過獎! 咁我係煮飯婆來架嘛!
我住喺英國架~~~
蜜瓜螺頭排骨湯 ....咩味架???我除左煲過木瓜湯 蘋果 雪梨之外，其他未煲過。
回覆刪除[版主回覆09/08/2009 22:22:00]好潤架! 我都係第一次煲，不過聽講 對皮膚好好架~~~~ 妳都試吓吖!
木瓜、蘋果、雪梨我都幾鍾意煲! 我仲煲過椰子雞呢~~
可否譯個砵酒煮牛腩食譜呀...唔急ka...得閒先la!
回覆刪除一萬個thanks!
我個仔見到你老公張相...又問我...
Oscar : o個個哥哥邊個黎呀
Pat : 哥哥lor
oscar話 : 佢哋結婚呀....
pat: 係呀 ..... OSCAR: 點解既....
我之後無再答佢la...如果我再答佢...佢又會繼續問點解...
佢唔止一次係咁...問左第一次點解...我每次答佢....佢都仲係問點解
比佢激死
[版主回覆09/08/2009 22:20:00]咁又唔洗一萬個thanks~ 我一陣得閒幫妳譯吖!
我以為妳囡囡貪靚先咁留意我張婚紗相~ 估唔到連妳囝囝都對張相咁有興趣!
MORRISONS 既三文魚頭貴咗la, 貴咗一個double!!! 平時我會用黎整椒鹽三文魚頭!! ^^
回覆刪除[版主回覆09/08/2009 22:26:00]而家Morrisons 冇得賣添嘞! (Glasgow Morrisons 冇啊~)
今次我都係第一次買三文魚頭來整，(我要試吓睇吓腥唔腥先~~~) 今次唔腥我就唸多d三文魚頭食譜! 又平又好食~~~
近日唔知邊條粉腸在我家後花園附近嘅一幅牆度噴/畫咗個 "V"字~~
回覆刪除依家無論在我睡房、客房、書房, 只要望出窗外, 就見到 "V"字.......
令我無時無刻都想起你呀衰鬼~~~~~~~
[版主回覆09/09/2009 04:11:00]咁大整蠱!!??!?!
係咪有人點錯相呀? 定係乜水....Mxxxx.....尋仇妳個二五仔?
(其實係我提醒妳 - 我地仲未食飯! )
嘩嘩嘩，10周年啦
回覆刪除Happy Anniversary
[版主回覆09/09/2009 04:09:00]哇哇哇~~~ (同妳個"嘩"唔同架! )
妳咁鬼快手既! 人地都趕唔切出post......(而家出咗嘞! )
多謝妳! 阿四~~~
我覺得樣樣野都好花心機。。。。。
回覆刪除好佩服你呀。。。。
[版主回覆09/09/2009 04:07:00]太過獎嘞~ (汗顏ing......)
我整到既菜，個個人都整到!
d三文魚頭平成咁 ..... 你個 hon 唔鍾意"損"骨 .. 我超鍾意 ... 唔該留番d骨過我丫 .....
回覆刪除[版主回覆09/10/2009 23:59:00]我之前都唔知原來依度三文魚頭平得咁緊要! 我見網友話香港急凍既都好似幾貴~ 不過好似最近先見到有得賣......
我老公都覺得好味~ 不過佢真係唔識 + 唔鍾意累骨.....