尋晚搽咗止痛膏 + 休息一晚後，今日已經好返好多，只係炒飯時仲有少少痛~
我 + 老公一向都好鍾意食福建炒飯，去飯茶時成日都會order~ 於是決定自己試吓整! 
老公話我既version 仲正過酒樓果d! 我炒咗一大兜約有6大湯碗滿滿既份量，我食咗2大碗已經好飽~~~
本來唸住有剩可以留做我聽日既午餐......點知老公竟然食咗4大碗 - 同我成兜清哂!!!!
開飯前我都食咗隻! 真係飽到上心口~~~~~
不過今次既香蔥火腿包造型失敗咗 - 雖然扭到品字形，不過卷紋"溶"哂唔明顯!
全因我太多手......
今次第一次用依枝"維他命C"，落得太重手令麵糰太軟! 造型後既麵包發酵完維持唔到造型，捲紋全部溶哂.......
但幸好麵包非常咁軟熟~~~~ 不過下次真係要輕手少少咯!!! 
卷紋明顯係點架, 但係我覺你呢個已經好掂囉喎. 仲想話你知你愈來愈pro啦.
回覆刪除[版主回覆09/04/2009 16:17:00]多謝~ 不過我今次真係失手呢!!!! 真係捲得唔靚啊~ 我影單丁果隻已經係最好......
捲得靚果d，會見到3個圓形都係一圈圈漩渦紋架!
4大碗+隻包,你老公真係好鬼餓喎,同埋好食到都唔留俾你lunch...不過清晒最好啦,佢食得開心,你煮得又Happy!
回覆刪除[版主回覆09/04/2009 16:14:00]所以我咪問老公，佢係咪返工時冇食lunch 囉? 佢又話有食喎! 唔知係咪生鬼咗條蟲???
咦~ 妳好似喺福建喎!
福建炒飯我都好鍾意食架!
回覆刪除多謝你既分享
等我都試下整先
[版主回覆09/04/2009 16:12:00]Hello~ 咦....妳都住喺英國架?
唔洗客氣! 我都係估估吓亂整架咋~
不過估唔到原來福建炒飯咁易整!
撞親手? 做咩咁唔小心呀
回覆刪除妳個包咁靚，都叫做扭紋唔明顯咩?
[版主回覆09/04/2009 16:10:00]右手手背筋位已經撞過好多次架嘞~ 不過次次 我都唔記得點撞到? 呢~ 食指位果條筋，一撞到成隻前臂都會痛架!!! 今次撞得最金，連較剪都渣唔到.......
哇~ 咁妳都話靚? 妳要求實在太太太低嘞!!! 妳應該去睇吓韋太果d高手捲得幾鬼靚~~~~
就咁睇支野既包裝，我仲以為係護膚品添
回覆刪除[版主回覆09/04/2009 16:06:00]係護膚品 - 不過係麵包既護膚品!
支野真係好似護膚品呀!!!!
回覆刪除所以話....咩叫家居意外.....
支野真係好似護膚品呀!!!!
回覆刪除所以話....咩叫家居意外.....
[版主回覆09/04/2009 16:05:00]哈哈~~~~ 係幾似既!
不過維他命C又真係護膚果喎!!!
我煮飯時都係成日會唔小心撞親, 因為自己做野好鬼心急 , 你自己都要小心d 呀
回覆刪除[版主回覆09/04/2009 16:04:00]我會小心架嘞~ thank you!
最慘我已經撞過同一個位好多次.......不過今次最金，果晚整緊野又唔得閒"卒"吓，過咗一陣連較剪都渣唔到~~~
撞到咁應, 真係小心d 呀! 要KEEP 住搽幾日呀!!
回覆刪除你個飽+ 飯真係睇到我而家都好餓......等我下次又試下整福建炒飯, 真係好鬼正呀! 好似酒樓FEEL!
[版主回覆09/04/2009 18:14:00]卒咗一晚已經好好多嘞~ 多謝關心! (不過我都唔知點解成日撞到果度???)
多謝讚賞~ 食落仲加有酒樓feel 呀! 真係唔整過都唔知原來福建炒飯咁容易整果喎~~~
係呀...我係福建!Sundy去搵我媽咪
回覆刪除[版主回覆09/04/2009 23:21:00]食多d野 + 同妳媽咪玩得開心d喎!
我都以為係支維他命C係支EYE CREAM，麵包我真係未整過，成日都好想整，丫...上次你整的砵酒煮牛腩我都仲未整，我都幾懶! 平時我叫工人煮o個d餸個個星期都係一樣，我都諗唔到煮咩，你會唔會出英文食譜，等我可以叫工人跟住你煮
回覆刪除[版主回覆09/06/2009 19:57:00]我7月尾先嘗試第一次焗麵包咋，所以我都係整咗麵包冇耐既超新手! 好好玩架，整過一次就好快整上癮~~~
妳喺香港隨時買到靚牛腩，個"砵酒燴牛腩"想幾時整都得啦! 我依度要撞啱有牛腩賣，不過未必靚喎......
英文食譜我唔逐篇出嘞! 不過咁啦~ 妳話我知有咩食譜想叫妳工人煮，咁我先譯做英文啦! 不過每次頂龍5篇好咯喎~~
隻手撞到連餃剪都渣唔到, 都好痛下！
回覆刪除碟福建炒飯炒得好靚仔呀～清晒倉！
我都試過整香蔥火腿包，不過，你覺得你整既造型好過我好多，我都係好難做到品字型，下一次再努力先得！
[版主回覆09/07/2009 17:56:00]我撞正手背連住食指果條筋呀，所以咪郁新食指就連前臂都痛囉! 唔知點解我成日都撞到果個位? 不過今次撞得最金!!!
多謝讚賞~ 我老公超鍾意食福建炒飯! 星期六晚又叫我再整多次~~~
個包我係扭到品字型，但因為麵糰太軟瀉身，搞到扭紋溶鬼哂..... 好唔靚啊!!! 下一次我都要再努力~ 大家一齊努力啦!!!
Oh Mrs T... sorry dat i hv so many questions....but i hv just found out your blog and this blog is amazing!!! u r my new idol...cooking queen, young and pretty!! ...what kind of yeast do u use to make bread?...cuz usually what i can find in waitrose or sainsbury are just dried yeast or quick yeast....u know if there's anywhere dat we can find fresh yeast?? cuz bloggers in hongkong usually use fresh yeast to make bread n i think the outcome would be better...
回覆刪除[版主回覆10/07/2009 17:40:00]you're welcome and no need to be sorry! im just sharing information with others~
thanks very much for your compliments! (however im not as good as you said~ )
i just use dried quick yeast (Hovis)~ i also cant find fresh yeast in supermarkets. however i think quick yeast is very convenient and very easy to use~