2009年9月30日星期三

南瓜炆五花腩


1. 五花腩汆水10分鐘後,瀝乾切小件,用少許生抽、糖、雞粉和老抽醃好備用。

2. 南瓜去皮去籽,切件備用。

3. 燒熱油鑊爆香略拍蒜頭2粒和薑2片,下腩肉炒至轉色後灒酒。

4. 加水過面,並加入冰糖1小塊煮至滾後,轉小火先炆30分鐘。

5. 加入南瓜拌勻再炆15分鐘,可用蠔油調味即成。

_342.gif image by veronica_tsim 南瓜含豐富葡萄糖、蔗糖、多種維他命B、維他命C、脂肪、胡蘿蔔素等物質。根據藥理,南瓜可抗人體肋骨神經痙攣抽痛,並有消炎作用,服食南瓜能使患乾性肋膜炎的人緩解和恢復正常,有驅蛔蟲作用,使蛔蟲神經麻痹而驅蛔蟲出人體外。它營養充足,對慢性病也有食療效用。(資料摘自: 趙生健康網)



7 則留言:

  1. 今日係街市買咗五花腩....諗住整梅菜扣肉.....但從來未整過...條五花腩不知從何入手好...咁岩又見到你尼篇五花腩真係岩晒...又可以比我作參考用....真係好...
    [版主回覆10/01/2009 21:24:00]
    咦~~~~ 梅菜扣肉正喎!!!!! 效果如何呀?
     
    妳係咪用正宗方法 - 炸吓佢來走油呀? 我之前都整過一個懶人版:
    http://hk.myblog.yahoo.com/veronicams_tsim/article?mid=4257
     
     

    回覆刪除
  2. 妳炆既五花腩好正~不過我通常用南乳
    炆五花腩真係有d肥先好味,我地炆豬肉鍾意加埋豆腐pop
     
    [版主回覆10/01/2009 21:21:00]多謝~ 我上星期先用南乳炆完五花腩!
     
    我好鍾意食炆五花腩! 價錢平又有好多種炆法~ 但真係要夠肥先好食!
     
    加豆腐卜好似幾好喎! 等我下次又試試先~ thanks~~~
     
     

    回覆刪除
  3. 中秋節我姑姐到時會炆木耳+豆腐卜,好正架!
    [版主回覆10/01/2009 23:27:00]平時我會用木耳來炆雞~ 不過未試過炆豬肉......
     
     

    回覆刪除
  4. 五花腩我鐘意,不過南瓜我唔啱
    [版主回覆10/02/2009 04:53:00]就咁炆五花腩都好食架!
     
     

    回覆刪除
  5. 個南瓜除左用嚟煲湯, 還用嚟炆五花腩
    [版主回覆10/02/2009 18:08:00]係呀~ 如果唔係個南瓜咁大邊食得哂?
     
     
     

    回覆刪除
  6. 原來你有食譜呀...唉..我係你個BLOG搜尋過呀...發現吾到呀...原來你打多三個字..就係瑞士汁..所以我找吾到...之後我去人哋啲BLOG到找到食譜咋....我都係懶人制法咋..如果係正宗製法要好多時間同工序架...吾好搞我..我只怕多工序架....
    [版主回覆10/02/2009 18:08:00]不過我唸用炸既方法走油,應該會香口好多,好食好多~~~~
     
    等我搵日試吓先!
     
     

    回覆刪除
  7. 原來你有食譜呀...唉..我係你個BLOG搜尋過呀...發現吾到呀...原來你打多三個字..就係瑞士汁..所以我找吾到...之後我去人哋啲BLOG到找到食譜咋....我都係懶人制法咋..如果係正宗製法要好多時間同工序架...吾好搞我..我只怕多工序架....

    回覆刪除

Related Posts Plugin for WordPress, Blogger...