雖然我算不上係忠實擁躉; 雖然我唔認識臼井儀人本人，但係佢既死我真係覺得好震驚 + 好唔開心......
我既中學時代後期認識咗<蠟筆小新>之後，曾經有好多個瞓唔著既晚上，我喱喺被窩裡面睇<蠟筆小新>，經常都忍唔住大笑出來! 依個時候V媽媽就會推門入來問: 妳黐咗線呀? 夜媽媽一個人笑咁大聲~~~~
我香港娘家既床頭，有1至7集既<蠟筆小新>~ 因為買到第7集我就來咗英國讀書，所以停止咗買.......
早幾年我發現英國既漫畫店，可以買到<蠟筆小新>英文版! 我都買過3本，老公都可以睇埋一份~ 不過英文版實在太貴嘞!!!!! 而且出得又好慢......
每一集我都睇得好enjoy! 間中攞返出來重讀仍然會令我忍唆不禁~~~
一個曾經帶比世人咁多歡樂既漫畫家，有一個咁既結局，真係令人覺得好可惜 + 難過......
臼井儀人 1958 - 2009 
我以前都好鍾意睇﹐尤其是漫畫板﹐比電視更抵死及攪笑。
回覆刪除[版主回覆09/24/2009 02:28:00]我都係鍾意睇漫畫版多過電視版~ 電視版為咗出得街太多限制，唔夠原汁原味!
我都有儲... 香港出到 49 期, 不過我頭幾期唔記咗... 唔知買唔買得返... 知道呢個消息真係好唔開心, 開頭都唔信.... 希望佢安息啦...
回覆刪除[版主回覆09/24/2009 02:26:00]我會慢慢買返我未買既小新~ 我都希望佢可以安息....
真係可惜, 我而家都久唔久租佢d漫畫睇架...
回覆刪除[版主回覆09/24/2009 02:11:00]我會慢慢買返其他我未買既小新.......
我都覺得好難過呀
回覆刪除[版主回覆09/24/2009 02:05:00]我唸好多人都好難過.......
我未睇過漫畫，我都好鐘意睇小新卡通，所以我都覺得好可惜
回覆刪除妳睇下今日am730 (免費報紙) 個報導 (go to page 15)，話登錯咗臼井儀人幅相，真係離晒譜
http://www.am730.com.hk/old_issue/issue/2009/200909/20090923/default1.html?startpage=
[版主回覆09/24/2009 02:03:00]卡通我都有睇過，不過係英文版~ 有一次英國做promote，買報紙有印花，可以憑印花去影視店換1隻小新DVD! 隻DVD 我仲keep 住，不過揼咗個套.......
我尋晚都睇到新聞，真係好離譜!!!!! 都唔知佢地點做記者?? 一個錯都話啫，竟然港台全部傳媒都錯，真係對死者 + 錯既相中人好唔尊重!!!!
雖然我冇睇過佢d漫畫，但都覺得好可惜呢～
回覆刪除[版主回覆09/24/2009 01:45:00]妳應該要睇吓~ 真係好好笑!
昨天看新聞, 好似話攪錯, 死去的不是臼井義仁, 是另一個。
回覆刪除[版主回覆09/24/2009 16:25:00]佢地係搞錯 - 不過係搞錯咗臼井儀人張相! 大部份港台傳媒刊登果張相，相中人根本唔係臼井儀人，係一位仲健在既攝影師~
真係好離譜，對死者 + 未死既人都好唔尊重!!!
我都係,唔係小新嘅粉絲,但對於一位成功嘅作者,因為意外離世,都令人覺得好惋惜,小新嘅"爸爸"已經有結局喇,但唔知嘅小新嘅結局會係點呢............
回覆刪除[版主回覆09/24/2009 16:29:00]其實我都算係粉絲架~ 不過唔夠忠實啫.....無法啦，小新英文版咁貴!
上星期突然收到一位同事既自殺死訊...做人真係好化學....
回覆刪除[版主回覆09/30/2009 02:30:00]做人真係好化學~ 不過最緊要在乎在世時點去利用人生有限既時間! 個人覺得選擇依種自私方法去完結自己生命非常不智.......