基本上我個廚房一年365日都唔會關窗......
我覺得廚房係最需要空氣流通既地方，所以就算冬天落大雪，我都會照樣開窗; 出街時就會開剩條罅! (有得lock 既~ 
)
不過因為我長開廚房窗既習慣，最近有大量蟲蟲喺我廚房trespassing!)
犯人包括......
踩地盤次數: 一個星期內2次! (依2隻唔係同一隻來架!!!
)
唔多可愛既小蜜蜂~ 踩地盤次數: 同一日內高達3次!! (唔知係咪同一隻......
)另有不知名飛蛾 + 長腳蚊數隻不定期入來打搞.......
其實除咗長腳蚊之外，基本上其他既蟲蟲我都唔驚，而且我仲好鍾意ladybird 呢!
之但係佢地次次都係失驚無神，突然衝入廚房亂衝亂撞......尤其係蜜蜂!!!! 次次都比佢地嚇到我成個彈起!!!
有次我沖緊茶，爭d淥鬼死我~~~~
所以我唯有點個蚊香喺廚房殺一警百!
根據我粗略估計，最有嫌疑既罪恢禍首有2個......
禍首1 - 老公上星期拍拖10週年送比我札香水百合
整天一屋濃濃百合花香!
)
可能就係依大札香水百合吸引咗小蜜蜂們來訪......
禍首2 - 秋季來臨
入來打白鴿轉既蟲蟲們，大部份都腳震震; 而小蜜蜂們就一副垂死樣.....
可能秋季到臨，令佢地身體變得虛弱，佢地只係飛攰咗想入來抖抖!!?!?
不過唔好意思嘞~ 因為你地嚇親我!!!
係好耐之前, 老公都送過香水百合俾我, 自始之後, 我就愛上左呢種花, 真係好香.
回覆刪除[版主回覆09/16/2009 19:32:00]我由細到大都鍾意白色 + 清香既花， 最鍾意就係香水百合! 不過就唔鍾意白玫瑰 + 白菊花.....另外薑花都好香架!
老公第一次送花比我就係香水百合! 果時我地未拍拖佢仲 追緊我~ 有次年我病咗，老公就買咗野食 + 書去探我，另加大札香水百合! 當時我好奇怪問佢: 你點知我最鍾意香水百合? 佢話: 我唔知架! 我覺得靚 + 估妳會鍾意架咋~~~
Hi , 蚊香可以攪掂以上嘅小昆蟲﹖妳都好D有 ladybird 飛入嚟.....牛匤企飛親入屋都係飛蛾同蚊呀咁 (尤其我住村屋特別多)，所以我個廚房唔可以開窗，D小朋友飛咗入嚟我個女就會鬼殺咁嘈﹗
回覆刪除呀﹗D百合花開得好靚
[版主回覆09/16/2009 19:21:00]尋日第一日點蚊香，仲未知係咪真係會有效! 不過我就親眼見咗有隻wasp 想飛入來，去到窗邊調頭走! 可能依度唔夠熱，反而冇吸血蚊飛入來喎~~~
係呀~ 札花開得好靚，仲好香呢!
LADYBIRD 真係幾得意既....
回覆刪除原來你住蘇格蘭架..!
[版主回覆09/16/2009 19:24:00]得意還得意，不過失驚無神撞入來都會嚇親我架!!!
妳唔係一早知我唔係住香港既咩!!?!??
牛匤 = 屋企 ....打錯字天﹗
回覆刪除可能因為其他人都冇開窗, 佢地搵得好辛苦先搵到你地開左所以想黎抖下~ 佢地以為你地歡迎佢地呢~
回覆刪除咁多種之中我都係鍾意ladybird~~之前都有去公園等影佢地, 似乎係你屋企影就會好方便bor
[版主回覆09/16/2009 19:17:00]講真我真係唔歡迎佢地喎! 妳知啦 - 廚房煮野食，比佢嚇一嚇分分鐘有意外嘛!
果日隻ladybird 停咗喺天花板，我睇唔到佢係ladybird，差d殺錯良民呀!!!
妳果度d ladybird 有幾多點架? 依度見既多數得2點~
花花好靚呀
回覆刪除乜你嗰度都有長腳蚊, 我呢度都係, 大都好似毒蜘蛛咁
[版主回覆09/16/2009 19:11:00]有架! 仲好鬼多呢!!!!!! 其實佢都無害，不過可能因為我覺得佢好核突，所以好驚長腳蚊~~~~
我個廚房唔會開窗架, 同埋我露台度門都唔會開, 就係驚有昆蟲飛入黎, 飛左入黎就趕都趕唔走喇~~ 不過隻ladybird又真係好可愛, 影到好似係你養咁~~
回覆刪除我十月尾都會去Scotland呀, 今年第二次去英國喇, 我相信到時應該都幾凍~~ 唔知到時會唔會有秋天既黃葉影呢?!
[版主回覆09/16/2009 19:09:00]Ladybird 係好可愛~ 不過果日佢停咗喺天花板，我近視睇唔到佢係ladybird，只見到一點野慢慢爬，我仲叫老公入來幫我搞掂佢....... 佢飛落來我先知原來佢係ladybird! 差d殺錯良民~~~~~
10月只係涼，唔會太凍~ (我覺得咋! 可能因為我住慣咗~) 不過葉可能已落得七七八八......
點蚊香好麻煩，要有個位放，而且我兩隻馬騮一定攪，我屋企又係有蚊，尤其toilet最明顯，上次行繽紛，買咗隻香芧香薰支，香芧味好濃，唔點都有味，我返屋企插係我啲花花草草度，同埋擺幾支係toilet，真係少蚊咗，不過唔知驅唔驅蟲，好奇怪，我已經種咗盆驅蚊草，都係有蚊
回覆刪除妳啲百合真係開得好靚，妳仲冇"meet"走啲蕊，梗係引晒啲蜜蜂黎啦，以前住村屋，又係成日有啲盲頭蜜蜂唔知係邊度飛入黎，真係嚇鬼死
[版主回覆09/16/2009 19:04:00]好奇怪 - 我依度好似咩蟲蟲都有，係無蚊囉! 可能依度天氣唔夠熱!?!?? (果種長腳蚊只吸樹汁~)
咁係咪即係"驅蚊草"係流架???
我一向都keep 住花蕊架~ 咁人地本身係咁架嘛! 做乜咁殘忍無端端整到人地殘廢喎.......有點點紅幾靚呀!
香茅打咗香芧添，"芧"係咩字我都唔知
回覆刪除[版主回覆09/16/2009 18:59:00]睇得明~ 睇得明~ (緊係啦 - 我咁醒! )
ladybird好可愛~
回覆刪除d花開得好靚呀~
不過我好狠...每次d百合一開我就會剪哂裡面d嘢, 因為試過染到我d櫃變成黃色呀~
[版主回覆09/16/2009 18:57:00]我一向都保留百合花蕊，
我覺得白色中襯托點點紅好靚啊!
其實我屋企d牆全部都係白色既~
而且成日都會花粉成日都會染到色......
不過我有一盒萬用清潔劑，一抹就會變返白雪雪!
秋涼就會多小飛飛入屋 ... 我地呢邊都開始有蚊, 飛娥入屋 ... 呢2日香港打風, 涼左所以開窗 .... d小飛飛又嚟啦 .. 我乜鬼識飛既都驚一餐 ...... 秋天 .. 真係好舒服 ~~
回覆刪除[版主回覆09/16/2009 18:54:00]真係好煩~~~ 夏天時都間中有野路過飛入來，不過近排就特別多! 經常比佢地嚇到彈起!!!!
妳啲百合真係開得好靚，不過妳冇"meet"走啲蕊，比我,我就會一早剪咗啲花蕊,流出液體嗰部份我都會剪走,因試過啲花液滴到我張dinner table好sticky.
回覆刪除[版主回覆09/16/2009 18:45:00]我一向都冇剪走花蕊架，咁佢地原本係咁既樣架嘛! 而且我覺得有少少紅紅地幾靚吖~~~ 我果d花液又未至於滴落來，咁咪由佢囉!
我對佢啲花粉敏感呀，狂打乞嚏，唔"meet"唔得，對佢善良，對自己殘忍
回覆刪除[版主回覆09/16/2009 20:19:00]原來係咁~ 好慘呀..........d花!
我知你係住英國, 不過唔知係住蘇格蘭
回覆刪除[版主回覆09/16/2009 20:19:00]OIC~ 蘇格蘭係英國既一部份嘛!
蛇虫鼠蟻當中我只伯蛇,飛曱甴我計教用手拍,遲d會嘗試刻服蛇.
回覆刪除Anyhow, 如果蚊香無用可以試:
用黑旋風無用之餘又對豬豬&妹妹(即小用友)唔好,你可以試下d天然嘅方法,
1. 首先蟻來有條路,揾佢條路出黎(通常係wall角),
2. 將lemon皮蓉/心+白醋+black pepper 粉末混合(份量無所謂)
3. 噴或倒係條蟻路上(或wall邊)/窗邊,早晚各一次(或多次),同一動作連續幾日d蟻應該會消失.
4.如果想效果好d,可以將2於晚上倒入水管內(唔好冲水).
希望幫到你啦
[版主回覆09/16/2009 23:01:00]thanks~ 不過我屋企無蟻果喎!
我岩岩揾到一張相喇。。。唔只兩點呀。
回覆刪除[版主回覆09/17/2009 22:45:00]係囉~ 應該好似張相咁架嘛!
依種我喺英國都見過，不過比較少見~ 多數都係見2點果種!
我屋企有用活動"紗窗",好好用,好方便,
回覆刪除不過唔知英國用唔用到?
[版主回覆09/17/2009 22:37:00]我都唔知呀? 我喺度未見過! 而且依度d窗同香港既窗唔同，有得賣都唔知裝唔裝到?
小小ladybird好可愛
回覆刪除[版主回覆09/17/2009 22:35:00]好可愛~ 但我怕我驚起上來殺錯良民!
好耐冇見過ladybird～～
回覆刪除我住村屋真係見慣唔同種類既昆蟲，至憎俾蚊咬
近期成日見到BB四腳蛇
[版主回覆09/17/2009 22:33:00]好彩依度冇吸血蚊啫! 不過比d長腳蚊嚇死~
我超驚四腳蛇呀~~~~~~~~~~