尋日食咗乜鬼野? 2010年8月10日 (附食譜)

尋晚(8月10日)又去咗食YO!Sushi~ 晏晝lunch 簡簡單單食咗個辣味蛋黃醬蝦肉火箭菜三文治，留返胃口去食壽司嘛!

唔知係咪依排比突然好辣既老公影響? 搞到我成日都想食辣.......

 依樽用來撈蝦既Hot Chilli Mayo 辣度只有薄荷糖既程度!

 薄荷糖程度對我來講緊係唔夠啦!!!

 所以佢又要出馬 - 鬼椒辣汁!

其實試真d之後，發現依枝辣汁同其他辣汁有少少唔同 - 佢唔會一入口就辣，而係慢慢build up 辣度，會越食越辣~~~

 灑咗幾滴鬼椒辣汁喺面，成個三文治味道即時醒神哂!

唔知我會唔會對枝鬼椒汁上癮呢??



等老公放工後，我地就出去食壽司!

渣車出緊去時落雨喎......

 唔緊要!  因為Hunter 水靴開光!! (不過我地落車後停咗雨咯.........)

 老公攝影技術高超 - 竟然有本事影到我得返1隻腳!!!

 尋日有網友問我對Hunter 焗唔焗腳?

我覺得唔焗喎~ 不過對水靴幾重就真!



基本上去食YO!Sushi 來來去去都係果d野食! 

但尋晚老公order 咗幾碟熱食試吓......

 章魚小丸子 (老公第一次食，佢覺得好好食! )

雖然依個都係丸大大章魚就細細，但比起我喺日本一個公園檔攤食過既好食! (唔通我口味改變咗呢?? )

 照燒雞 (好食但雞肉有少少乾!)

 炸蝦丸無咩味道......

 經老公"加工"後就好味好多嘞! 哈哈~~~~

 有人成晚玩多過食!

 隻匙羹個樣好衰!!

 今次戰績只有17碟......



 辣味蛋黃醬蝦肉火箭菜三文治