2010年8月6日星期五

即興Hilton Buffet (2010年8月5日)

以前只等special occasions 我地先會去Hilton 食buffet,第一次去食時就係我地慶祝第一個情人節~

多年來雖然都試過Glasgow 其他酒店既buffet e.g. Marriot, Crown Plaza,不過講到食物味道 + 選擇,最好始終係Hilton! (咁最貴都係Hilton......)

而家我地唔會等到special occasions 先去,隨時想食就會去擦返餐勁!

尋晚我突然懶蟲 + 大食鬼上身,即興打電話問老公放工後想唔想食Hilton buffet,老公緊係話好啦!!

 我真係識揀日子 - 尋晚樣樣都係我 + 老公都鍾意食既!

 有我最愛既香滑雞肝醬~


 Prawn Cocktail 唔太多汁,好味啊~~


 好有創意既haggis 天婦羅~


 其實係幾好食既,可惜無沾汁 + 炸得少少太乾!!


 我好鍾意食依種裡面捲住洋蔥,用糖 + 醋醃製過既herrings - Rollmop (醋漬洋蔥鯡魚卷)


 雖然超市都有得賣,不過我從未買過! 所以我只會食Hilton 自助餐時先有機會食~



尋晚負責切肉果個死人頭孤寒chef 真係好歧視 - 不過佢唔係種族喎~

係體型歧視!!
Livid-small.gif image by veronica_tsim

尋晚燒肉有燒羊肉 + 燒火腿~ 我同老公一齊排隊,同樣都係攞2塊羊 + 1塊火腿......

 睇吓我果碟少到!!!!!!!!  (係呀~ 依度有2塊羊肉 + 1塊火腿架嘞!)


 比老公果碟大碟幾多!!!!!!


 真係太唔公平嘞~~~~~~~

如果佢唔係歧視我細粒既話
Peeved-small.gif image by veronica_tsim
,咁佢一定係同性戀睇中我老公!! 哼~

另外主菜仲有好多野食......



- (左上) 其貌不揚既煎鱈魚餅,不過好香好好食~ 老公仲叫我學整來比佢食!! 

- (右上) 用caraway seed 炒過既椰菜,好香好香~~ 依個我遲吓都會試吓整!

- (左下) 雜菜燒雞,雖然係雞胸,不過好軟滑充滿肉汁~

- (右下) Potato Dauphinois,除咗有芝士既香味 + 忌廉既香滑,仲好香蒜蓉味,正!!! 依個都要自己試吓整!!!




 到甜品嘞!


 平時出街食飯唔會食甜品既我,去到Hilton 都一定會食佢地既creme brulee!! 


 依碟淋咗cream 既緊係老公架啦!

- 左邊有粒red currant 喺上面既係香蕉蛋糕,幾香幾好食;

- 有塊奇異果喺面果個,完全係IKEA 公主餅既變奏版!


 裡面質感都好鬼似,只係味道唔一樣!

其實尋晚頭盆仲有個好正既蕃薯忌廉湯架,平時對蕃薯麻麻地既我都覺得好正! 不過掛住食唔記得影相......


 依餐樣樣都啱哂我地胃口,食得好滿足啊!!



自從果次老公喺Hilton 整親手(網誌),之後次次去親食野,經理都認得老公,次次都會問老公隻手仲有無事......

哈哈~~~ 成5個月嘞! 仲未好返就大鑊咯!!


 不過尋日臨出門口時輪到我整親手!

傷口細細但流咗好鬼多血,又唔知做乜鬼成粒鐘先止到血!! 結果比原定時間遲咗半個鐘出門口......



23 則留言:

  1. 成日都好鬼happy 既Mrs.T2010年8月6日 上午1:41

    各位留9唔搭8回應 + 淫褻 spam或賣廣告既厚面皮人渣垃圾佬 + 垃圾婆,
     
    想話比你地知 - 無論你地一日入來留幾多次垃圾,本小姐一見到都會全數剷清!  
     

    回覆刪除
  2. 早~ 您呢排好早就update喎 .... 嘻嘻~ 哦~ 突然好想食cocktail prawn tim...好耐無食過啦! 以前好鍾意食m&s既, 佢較個汁好好味 不過自從上年夏天係m&s食過又想嘔又暈之後, 我就唔無食過lu~ 哈哈.... 體型岐視.... 咁人地點知您細細粒都可以食到咁多野(其實我都好驚訝您食到咁多野! 除非我親眼見到啦! ) 我反而覺得呢個chef會 做野好用心...睇人黎比.. 等d人唔浪費食物喎 您做咩咁論盡整親隻手呀? 小心d麻~
    [版主回覆08/06/2010 17:37:00]係呀~ 我最近早少少起身!
     
    M&S d野好食就好食,不過好鬼貴呢!!! 其實prawn cocktail 應該好易整,等我搵日試吓自己整先!
     
    妳咁講都啱既! 不過在我來講明知自己食得落,就會覺得佢好唔公平囉!!!! 好多人第一次親眼見過我既食相之後,都會同我講一句: 妳真係好擦得!  我老公同我拍拖初期,就同我講過: 如果我唔係親眼睇住妳食野,我真係唔信妳咁細粒可以食咁多野!!
     
    唔小心剪手皮整親囉! 其實個傷口好鬼細又唔痛,但唔知點解止血要止咗成粒鐘?
     
     

    回覆刪除
  3. 《Ka MaN 日記》2010年8月6日 上午2:21

    你隻手好無事嗎。。?? 好似好嚴重咁喎。。。!!!
    [版主回覆08/06/2010 17:30:00]無事~ 無事~ 多謝關心!  
     
    其實個傷口真係好細,而且根本都唔痛! 但唔知點解尋晚不停流血 ,相中果塊已經係第二塊膠布嘞! 第1塊又係索滿哂血.......後來 老公見我止咗成個鐘頭血都唔停,就捉住我隻手大力禁住 + 舉高,先勉強慢慢止血咋~ 但都遲咗大半個鐘出門口!
     
     

    回覆刪除
  4. 其實我都唔捨得係m&s買野! 但係未經煮熟既prawn係m&s 買黎食安全d mei ....點知係m&s 買都會中招~ 好呀好呀! 您快d整啦! 到時我又偷您食譜~ 個時我同個fd 都係到研究m&s落左d 咩落去, 個汁會整到咁好味呢~
    [版主回覆08/06/2010 18:33:00]erm.........prawn cocktail 既蝦係熟蝦來果喎! 熟蝦去殼後攤涼再撈汁架嘛!!
     
    老公話好多中式餐館會用茄汁加沙律醬去整個汁,有d更懶索性用千島沙律醬~
     
     

    回覆刪除
  5. 好正啊~~~ 你引c我啦~~~ 幾時, 幾時我先可以去大擦一番啊~~~~~~~~
    [版主回覆08/06/2010 18:30:00]咁始終都係香港既自助餐正好多!
     
     

    回覆刪除
  6. 隻手指點呀?小心啲呀?
    [版主回覆08/07/2010 00:08:00]我唔小心剪手皮時整親! 不過其實個傷口好細 + 根本唔痛,唔知點解不停咁流血!  
    我下次會小心架嘞!  thanks~
     
     

    回覆刪除
  7. 嘩 ! 你點整到呀,d血真係多成咁既, 你hon hon有無錫返你先 ??
    [版主回覆08/07/2010 00:06:00]我唔小心剪手皮剪親囉~ 依塊已經係第2塊膠布嘞,第1果塊白色長方形全部都係血紅哂架! 張紙巾仲多血呀,不過老公話太核突叫我唔好嚇親網友.....
     
     

    回覆刪除
  8. 你真係要小小小小小心d呀~~~唔好成日整到自己呀!!
    [版主回覆08/07/2010 00:04:00]嘻嘻~~~~ 我都盡量小心架嘞! 但好似越來越論盡......
     
     

    回覆刪除
  9. wa.........好多血呀 做乜咁唔小心呀
    [版主回覆08/07/2010 00:03:00]唔小心剪手皮剪到少少之嘛~ 都唔痛既,點知d血"把把"聲咁流,成粒鐘先止到血......
     
     

    回覆刪除
  10. 係哦 ..... ~~ 真係小小傷口但流好多血 !! 好彩食buffet 補番下  ^^ k
    [版主回覆08/07/2010 00:02:00]係咯~ 唔知尋晚做乜鬼野呢??
     
    係呀~ 我食咗好多兜雞肝醬呀! 肝會補血架嘛~
     
     

    回覆刪除
  11. 您唔講我都一直以為佢係生架... 您一講我就諗起係喎佢個皮係紅色架喎! 哈哈~ 我記得m&s好似有落酒架.... 如果無記錯, 應該係brandy呀!
    [版主回覆08/07/2010 00:01:00]就咁睇顏色都唔一定準果喎!  好似 langoustines 咁 - 生猛 + 熟咗都係一樣色紅卜卜咁既樣~
     
    等我聽日去M&S及吓佢地個prawn cocktail 有咩材料先!
     
     

    回覆刪除
  12. 我果次buffet都食左好多蝦,燒羊肉好正
    真係留好多血喎,妳下次要小心d呀~
    [版主回覆08/06/2010 23:57:00]其實我鍾意Hilton 既燒牛肉多d! 不過撞正尋晚係羊,但都好好食!!
     
    雖然流咗好多血 + 流咗好耐,但其實個傷口好細 + 完全唔痛既! 唔知尋晚做乜鬼咁耐先止血!!?!?
     
     

    回覆刪除
  13. 《Ka MaN 日記》2010年8月6日 上午7:25

    見到咁多血。。。 都嚇死啦。。。 以為你傷得好深同好痛。。。。
    [版主回覆08/06/2010 23:56:00]雖然傷口好細 + 完全唔痛,但我其實都幾驚架.....因為我好怕血架!
     
     

    回覆刪除
  14. Gaileは林家歐巴桑2010年8月6日 下午5:15

    體型歧視...妳咪走多轉囉 佢唔知妳食得,所以都係唔想妳食唔哂浪費食物姐
    未食過 herrings - Rollmop, 睇樣好似好好味
    點解流咁鬼多血架,睇到我都暈哂
    [版主回覆08/07/2010 14:55:00]走多轉唔係問題! 不過佢切比我果時,正係舊羊中間燒到粉紅色最正既部份~  等我食完走多轉時,應該會啱啱好時間換舊新羊 - 意味住頭頭果d部份唔夠中間部份咁正!
     
    Rollmop 真係幾好食架! 酸酸地~ 不過我好鬼麻煩 - 我要切走塊魚皮!
     
     

    回覆刪除
  15. 八哥狗的女主人2010年8月6日 下午8:44

    嘩, 好多血呀 !   開頭淨睇幅相, 仲以為妳post番以前 Mr. T 受傷流血幅舊相, 我仲冧, Mr.T 隻手都好白滑啊 !  估唔到今次是妳整到隻手指, 小心D喇 ! 
    [版主回覆08/07/2010 14:50:00]Thanks~ 我下次會小心架嘞!
     
    其實個傷口好細又完全唔痛,但唔知果日做乜鬼野不停流血流咗咁耐?  哈哈~~~~ Mr.T 隻手邊有咁細隻呀?
     
     

    回覆刪除
  16. 嘩!!! 搞乜流咁多血? 無事吖嘛? 
    [版主回覆08/08/2010 17:33:00]無事~ 無事~ 多謝wawa 關心!  
     
    唔知果晚做乜鬼剪到少少會流血流得咁勁? 但個傷口係完全唔痛果喎......
     
     

    回覆刪除
  17. 因乜妳又整損手呀?妳個個月都至少有一次整到手手腳腳既,暈低  懶蟲 + 大食鬼上身   下次都係叫妳老公幫妳拎算啦,人地點睇得出妳係大食 鬼上身啫,人地都係費事o徒野咋 
    [版主回覆08/08/2010 17:29:00]剪手皮時唔小心整親囉! 個傷口好似針窿咁細又唔痛,但唔知做乜鬼不停標血?
     
    係呀~ 我都有咁既打算 - 下次叫老公幫我攞無咁嬲! 雖然已經唔係第一次比細份我,但今次特別離譜!!
     
     

    回覆刪除
  18. 唔 係 歧 視 , 個  chef 只 係 想 你 去 攞 多 幾 次 , 望 多 你 幾 眼 啫 .........我  d 鬼 老 同 事 勁 鍾 意  d 瘦 既  Chinese 女 仔 㗎 , 讚 嘆 個  d 女 仔 好 吸 引  wo!!!
    [版主回覆08/08/2010 17:24:00]我地依邊文化唔係咁果喎! 通常見好多身型正常既洋男,佢地身邊果個中國娃娃都大佢地幾個碼.......
     
    若依個chef 真係咁唸既話,咁佢都真係戇居嘞! 一大大個老公企喺我後面; 二佢比咁少我,我唔夠食一係會攞老公果碟,一係下次叫老公出去幫我攞!  
     
    豬兄換咗相喎! 恭喜哂~  係豬仔定豬女呀?
     
     

    回覆刪除
  19. 隻手流咁多血,下次小心d喇
    我最近都係成日撞倒,腳甲都離肉,又係流好多血,而家睇來好難睇
    [版主回覆08/08/2010 17:20:00]我下次會小心d架嘞! thanks~ (我次次都係咁講...... )
     
    指甲傷咗要一段時間先會好架! 而且期間指甲會積瘀血,要小心打理傷口啊~
     
     

    回覆刪除
  20. 有d人見你係女性就會咁
    我家姐去餐廳食野,個侍應生竟然問:係咪要少飯呀?
    我家姐返來仲講,我都無話要少飯,見我細粒係女人就一定食得少?
    而家d人真係莫名其妙
    [版主回覆08/08/2010 17:18:00]其實特別比細份我已經唔係第一次,尤其洋人碟頭就最興咁做~ 不過今次特別離譜囉!!!!!
     
    果晚有好多大過我十幾廿個碼既洋婦喺度食野,佢地都係女性呀,但佢地次次出親去個碟都滿載而回歸喎! 查實佢地咁既身型先應該要食少d呀!
     
     

    回覆刪除
  21. 你果度的自助餐正過我呢度的X100~ 你整親果的位好好好痛~
    [版主回覆08/09/2010 21:38:00]咁同香港比仍然係差好遠~
     
    我今次整親,真係一d都唔痛喎! 如果唔係流咁鬼多血,我都唔知自己整親手!
     
     

    回覆刪除
  22. 好正啊~~~ 你引死我 我都好耐冇食過 Buffet 嚕
    做乜整到手, 仲要流咁多血  
    Mrs. T, 妳真要小心些呀
    [版主回覆08/09/2010 21:36:00]Hilton 喺Glasgow 來講,自助餐真係最正架嘞! 不過同香港仍然相差好遠......
     
    我剪手皮時唔小心整親既,不過傷口好細又完全唔痛,但唔知點解會流咁多血?  我以後會小心架嘞,thanks!
     
     

    回覆刪除
  23. 我都好耐無食過buffet
    [版主回覆08/10/2010 16:30:00]香港周圍都有buffet 食,選擇多好多~
     
     

    回覆刪除

Related Posts Plugin for WordPress, Blogger...