合掌瓜紅蘿蔔牛蒡湯; 京都豬扒; 榨菜蒸豬肝 & 馬拉盞翠玉瓜炒帶子
湯係之前果餐飲剩既，煲完再煲仲加甜上加甜~
本來係想整中式豬扒既，不過尋日去買餸時買漏咗OK汁!
又唔想再特登落街喎，咁就唸吓仲有咩豬扒係酸酸甜甜 + 屋企有齊哂材料啦......
記得櫃度有用剩半塊片糖........叮叮叮~~~~~
老公超級鍾意依個!
佢仲話我整得好食過99整呢!! 
嘻嘻~~~~ 老公咁鍾意食豬扒，咁我又咁鍚老公
，我當然會讓比佢食多幾塊啦......
之前果晚食完榨菜蒸牛肉，意猶未盡好想再食榨菜蒸乜乜.......
(Jo~ 依張榨菜相醒妳既!
)二來唸起V媽媽既榨菜蒸豬肝，好想好想好想食!!!!!!!
完全唔掂豬肝既老公就食豬扒啦; 依碟榨菜蒸豬肝對我來講超級好送飯，咁我就食少d豬扒啦~~~
就咁炒翠玉瓜好似單調咗少少;
咁翠玉瓜炒帶子啦! 原本想正正經經簡單d就咁用蒜蓉炒......
不過炒炒吓手痕又落咗2匙羹勁辣馬拉盞落去
，咁又變成咗馬拉盞翠玉瓜炒帶子嘞! 合掌瓜紅蘿蔔牛蒡湯食譜click here~ 京都豬扒食譜click here~ 榨菜蒸豬肝食譜click here~ 馬拉盞翠玉瓜炒帶子(參考XO醬炒貴妃蚌食譜)click here~
沒有留言:
發佈留言