啱啱同老公去睇完Toy Story 3 3D.......
雖然我而家有少少眼瞓
，不過急不及待想記低感想!(依篇其實係超級打尖blog! 因為我仲有最少3套戲未記低.......
)之前一直未去睇，係怕一上畫會多小朋友會好嘈!
今日係蘇格蘭最後一日暑假，聽日小朋友要返學，我地睇夜晚9點半，果然一個小朋友都無! 套戲數埋只有大約20位觀眾......width="560" height="340">
之前見到有網友話Toy Story 3好感人，感人情度直逼"UP"~ 個人覺得真係好感人，但同"UP"比仲有好大段距離!
不過搞笑情度就有過之而無不及!
尤其係阿Ken (e.g. Barbie 撕爛阿Ken d衫逼供果段真係笑到我肚痛!! 
)、西班牙版Buzz Lightyear、果隻負責看守security camera 既猩猩公仔.......基本上成套戲由頭笑到尾，真係睇得好開心 - 我唸成間戲院笑得最大聲最嘈就係我 + 老公!!
最後一段Andy 將眾玩具送比小妹妹Bonnie 果段，本來我都開始有少少眼濕濕
......不過老公突然喺我耳邊爆咗句: For god's sake~ 17歲?? Go get a girlfriend!! 即時完全破壞哂依個咁感人既moment......
好surprised 戲裡面竟然見到龍貓 + 枝豆毛公仔喎!
果然連卡通片都與時代並進，係好事來架!!Toy Story 系列雖非我個人既Pixar 最愛，不過係我個人重點一定要睇既Pixar 動畫! 但隨住故事主人翁Andy 將玩具送出，唔知是否意味住Toy Story 系列就此結束呢? 想到依點......感覺有少少失落啊~~~~
唔知係咪之前感受過IMAX 3D既震撼; 還是戲太好笑我太focus 投入故事呢? 今次睇Toy Story 3既普通3D，有種唔多覺3D既感覺!!?!? 甚至連我一向覺得好正既迪士尼logo 開場畫頭，感覺都平平無奇~ 同我上次去睇Alice in Wonderland IMAX 3D 時睇到既開場畫頭感覺相差好遠好遠......
最後想提一提一頭一尾 - 戲開始前既Day & Night 動畫短片非常精彩; 而戲結尾credit 時播出既西班牙版Toy Story theme song 都非常有創意!
V評分:
)>>>>>>>>>>>>>>>>>>>>>>>>>>>>>>>>>>>>>>>>>
哎~~~~~~~~~~~~~~~~~~~~~~~
原來去Cineworld 睇3D 係可以自備3D眼鏡架! 若果無自備眼鏡既話，眼鏡要另外收錢!!
之前睇落有幾副眼鏡喺屋企.......早知帶埋去啦!!
Cineworld 真係識賺錢......
(唔知幾錢呀!
都無唸住會買~)仲有就係........我個人今年最憎既其中一套戲Avatar，遲吓竟然再喺戲院上畫加長特別版......救命!!!!!!!
Hello Mrs.T, 我叫Sim, 我係你個blog度見到有一隻swarovski 巨型鑽戒, http://hk.myblog.yahoo.com/veronicams_tsim/article?mid=2901， 所以好冒昧今次send一個message俾你，想問一下唔知你可唔可以讓呢隻ring給我?因為我好想用呢隻 ring 向我拍拖多年的女朋友求婚，給她一個驚喜，我知可能有點堂特，但我真係搵左好多地方都找不到了，連 Swarovski都覆左我佢地再無出呢隻product，所以唯有一直上網搵，就是這樣搵到你的blog，最後無辦法之下先一試send message給你。我知你身在外國，但如果OK，運費我可以出的，或可交給我在英國的朋友，同樣我亦可先過數給你，不知你意下如何? 不過如果你不能割愛，我會明白的 ^^，但我是真心發問的，如許可，可以回覆我嗎? 我的 Email 是 simtsang@hotmail.com。一萬個感激!!
回覆刪除[版主回覆08/16/2010 17:01:00]你好Sim~ 我果隻巨型鑽戒並非Swarovski 出品果喎! (我篇blog 都講咗隻巨鑽唔係Swarovski!) in fact 我根本唔知Swarovski 有出過類似產品......
我都唔知我老公當年喺邊度買依舊野返來? 不過我喺意大利見周街中國人開，賣類似女人街貨式果種店都有得賣，所以我唸根本唔係貴重野來，而且好可能只係made in China 貨仔!
唔好意思~ 雖然依個paperweight 唔係咩高級精品，不過我知道當年老公花咗好耐時間搵依份禮物比我，而且我自己一直都好鍾意，恕我不能割愛!
不過我搵到ebay 好多有得賣喎! 而且價錢唔貴，若你唔介意唔係名牌，可以去睇睇: http://shop.ebay.com/i.html?_kw=diamond&_kw=ring&_kw=paperweight
你花咁多心思同女友求婚，而家真係好難得架嘞! 你女朋友咁幸福一定會感受到你依份心意~ 祝你求婚成功啊! 加油!!
Toy story 3上影幾日我就帶囡囡去睇啦, 都好好睇呀 , 而且toy story 1 , 2 , 3 都真係好睇 , 故事又好囉...
回覆刪除[版主回覆08/16/2010 16:32:00]我就係怕一上影多小朋友會嘈，先等咁耐先去睇! (洋人喺公眾場合唔多識控制小朋友言行......)
我記得當年同ex 睇Toy Story 1又係笑到拆天; 個人覺得第二集都好睇，不過3套來講印象最少; 最鍾意係今集!
呢集toy story我覺得好好睇呢..好搞笑
回覆刪除[版主回覆08/16/2010 16:27:00]Barbie 撕阿Ken d衫果段，我啱啱飲咗啖茶，差d笑到"濁"死我!
Toy Story 3好爆下, 最正係ken & barbie, 笑到我碌地
回覆刪除佢地賭錢都好攪野 ~
最開心係woody最後都無跟andy去大學 ....去左個妹妹屋企
同其他朋友玩具一齊
[版主回覆08/16/2010 16:26:00]係呀~ 係呀~ 仲有賭錢果part! 真係服咗佢地唸得出!!
其實我都好似Andy 咁 - 就算而家成為咗中女，我都好唔捨得細個時既玩具.....
ＴＯＹ ＳＴＯＲＹ ３ 好好睇。。。 好多位都好搞笑同好感人。。。
回覆刪除[版主回覆08/16/2010 16:24:00]由頭笑到尾! 尋晚成間戲院睇Toy Story 清一色全部係大人，但每位觀眾都笑得好開心!!
西班牙版Buzz Lightyear真係好好笑~~
回覆刪除最後一段Andy 將眾玩具送比小妹妹Bonnie 果段--->我真係睇到眼濕濕好唔捨得
Toy Story 3好值得大小朋友睇!!
[版主回覆08/16/2010 17:09:00]人地本來準備好哂喊既情緒架嘛! 死人頭老公喺度搞笑，搞到我喊唔出呢!!!
最估吾到係 Buzz係make in西班牙
回覆刪除[版主回覆08/16/2010 17:11:00]唔係喎......如果我無記錯既話，第一集Buzz 好似發現咗佢自己係Made in Taiwan 果喎!
我又係未睇(應該係唔會睇,冇人肯陪我去睇 )
回覆刪除[版主回覆08/17/2010 02:32:00]叫妳老公陪妳去啦! 最多叫佢開場時自行瞓覺囉~
不過係香港AMC 就免費，而且如在推廣期即2/7 至15/9間自攜3D眼鏡睇戲，仲有細POP CORN同埋HKD10購票現金劵送添，等我可以再睇3D DESPICABLE ME.
回覆刪除[版主回覆08/17/2010 02:31:00]之前我去第二間戲院睇3D，眼鏡都係免費架!
自帶眼鏡有野送.....香港咁好既!!!!
開場前睇咗Despicable Me trailer，我都有少少興趣~
我本身冇追開TOY STORY系列,所以我男朋友話睇我都冇去睇呀..@@
回覆刪除不過見你講得咁好睇,又可以去睇下WO!
[版主回覆08/17/2010 02:28:00]咁妳一套Toy Story 都未睇過架?
若果妳真係唸住去睇既話，建議妳先睇返頭1、2集~
好想睇呀 我睇咗買比彤彤細細本漫畫書，知道內容大約係點，不過睇漫畫睇唔到有好笑位架 ～
回覆刪除[版主回覆08/17/2010 02:26:00]當然啦~ 睇書少咗聲效 + 動作嘛! 感受當然差好遠啦~
咦? 你又話你都有個 Toy Story 嘅? 我等住聽你講故仔架!! 我覺得佢同 UP 所講嘅唔同, UP 所講嘅愛情, 而 TS 3講嘅友情, 加上用係細佬同玩具身上, 所以我相信對你嚟講 UP 一定會感動好多。 我都好鐘意佢開頭個段短片, 其實每次 pixar 嘅動畫開頭個段短片我都好鐘意, 係短短幾分鐘可以帶出主題之外仲好好笑~~ 哈哈哈哈哈, 你老公好好笑呀, 其實套戲雖然冇交帶 Andy 有冇女朋友, 但係就係因為佢已經 17 歲, 所以已經再冇玩玩具啦~~ 放過佢啦
回覆刪除[版主回覆08/18/2010 00:36:00]Henry 兄咁心急既? 小妹要時間籌備架嘛! 今晚出post~
點解你會覺得對我來講愛情感動好多架? 我唔係重愛情多於友情既人來架! 朋友對我來講好重要架!!!!
開頭既Day & Night 短片真係好精彩! 每次睇親Pixar 都好期待短片~
我老公成日都搞爛gag 架啦! 我都習慣咗咯~ 不過佢成日都破壞哂一d好感動既moment.......
好多人都話好好睇呀 !!!!
回覆刪除k
[版主回覆08/17/2010 21:31:00]
真係好好睇架! 3集之中最好睇!
我呢度睇完戲的眼鏡要收翻既~ 不過依加好似話俾多1 歐就唔洗收翻~
回覆刪除[版主回覆08/17/2010 21:23:00]我依度有回收箱~ 不過有時睇最後一場，觀眾喺後門走，好多人揼眼鏡入垃圾桶! 好浪費~~~~
我本身對跟我好多年既公仔特別有感情, 感受特別深呢!
回覆刪除見到龍貓同枝豆真係有驚喜, 如果有埋賤兔中國娃娃仲抵死!
說得對! 其實有否3D也沒所謂, 最緊要好睇!
[版主回覆08/18/2010 01:44:00]我都有個由細跟到我大既公仔，今晚會出網誌講吓我自己既Toy Story!
賤兔好似唔夠紅喎! 而且原來宮崎駿同Pixar 老頂好friend 架!! 我唸因為咁所以今次有龍貓份~
今次TS3 3D 真係有少少失色! 不過唔緊要，故事搭夠!
我同茶 B 都勁鍾意 " 西班牙版 Buzz Lightyear", 笑到我地傻.... Barbie 同亞 Ken 都好正, 尤其亞 Ken 跳舞嗰度, 好頂癮.... 最尾我都有眼濕濕呀, 但茶 B 就冇乜 feel, 我有個 friend 個女得 5 歲, 都睇到喊呀.....
回覆刪除[版主回覆08/19/2010 22:28:00]我都有眼濕濕，但後來比老公破壞咗個moment 呢........
我最鍾意Barbie 撕爛阿Ken d衫!