唔知係咪天氣太熱呢? 今日6個大人，3個小朋友，只叫咗十幾碟點心左右，另加一碟三燒飯 + 一兜雲吞河粉，竟然食唔哂!! 而且覺得食物水準麻麻.......(連相都唔想影!)
我唸我 + 老公喺朋友們心目中好大食! 臨出門口時老公突然人有三急，搞到我地遲到......
朋友來電追蹤時，竟然同我講: 喂~ 你地唔係唔記得咗今日飲茶吓哇? 我點咗好多野食呀! 你地唔來既話搞唔掂架!!
飲完茶過隔離泗和行買餸......
令我一直念念不忘~~~~
我買依盒同阿四送我既一樣 - 裡面係獨立包裝~
不過阿四送我既係日本貨;
不過味道呢......我覺得係一模一樣咁好食!
連老公都話味道一樣~
本來只係唸住買來試吓，無唸過味道竟然一模一樣! 直頭係超A翻版貨呀!!
阿四~ 唔洗再接濟我嘞! 哈哈~~~~~
>>>>>>>>>>>>>>>>>>>>>>>>>>>>>>>>>>>>>>>>>
今日喺泗和行既停車場泊車時......
唔知依舊野有無毒既呢?
唔知食唔食得既呢?? 
D色咁靚个菇...一定有毒
回覆刪除[版主回覆08/16/2010 18:41:00]我覺得依舊菇好核突呀! 睇到實物都毛管棟~~~~
真係好核突!千"其"唔好掂和食 ,我都覺得它有毒.
回覆刪除[版主回覆08/16/2010 18:40:00]係呀~ 我尋日一路影相一路話核突，老公話: 咁妳仲影咁多張來嚇自己?
放心~ 我唔會掂亦唔會食，我只係好奇啫! 不知名既野我唔會咁傻隨便放入口既~
我估有毒喇 ...... 因為d color咁靚
回覆刪除[版主回覆08/16/2010 18:38:00]靚??????? 我覺得舊菇好核突.......
我都估佢有毒
回覆刪除我記得有人講過，如果棵樹木生D菇菌類既野出黎，表示樹木開始壞死，要小心唔好咁接近佢呀！
[版主回覆08/16/2010 18:38:00]係呀? 多謝指教! 哇~ 舊菇咁鬼大舊，咁棵樹咪好病囉.......咁如果整走舊菇，棵樹仲有無得救呀?
我尋日想用個頭"烘"近d聞吓舊菇有無味道，不過老公拉鬼住我!
唔知依邊搵唔搵到(正/A貨)見妳話到咁好食,我即刻想試試
回覆刪除佢個樣有d似靚版靈芝...不過咁鮮色一定有毒
[版主回覆08/16/2010 18:35:00]依隻cake 台灣入唔入得口呀? 得既話我下星期去泗和行買盒比妳! (好彩我唸住今晚先pack 野聽日寄啫!!!)
吓.......妳覺得舊菇靚呀?? 我覺得佢不知幾核突!!!
我都要在香港超市搵下這個 Tiramisu Cream Cake 先...
回覆刪除[版主回覆08/16/2010 18:27:00]阿四話我知依隻cake 喺百佳買架! 不過佢話多數得朱古力 + 士多啤梨味，Tiramisu 味比較少~
我而家搵到依隻韓國代替品真係超正!!!!!
多謝先...唔駛寄比我啦,我諗依邊就算冇入貨都應該有類似既
回覆刪除我唔係話隻菇靚,係隻色比靈芝靚姐
[版主回覆08/17/2010 02:08:00]咁妳快d去搵吓啦! 真係好正好好食架!!!!
睇睇吓舊菇顏色又係幾靚既~ 不過成舊咁睇真係好核突!!!
接咩濟喎，正衰鬼黎架 韓國啲蛋糕仔都唔錯架，搵到依隻，以後幾時想食都有得食啦，妳下次要買定幾盒存倉先得啦
回覆刪除[版主回覆08/17/2010 02:06:00]真係講妳都唔信呀 - 真係一模一樣味道架!
死啦~ 剩返4隻唔敢食添! 因為要等到weekend 先會再去泗和行!!!
舊菇嘅顏色好鮮豔，但個形狀就好…… 咦！好似妳話，核突！
回覆刪除[版主回覆08/17/2010 02:05:00]睇睇吓舊菇顏色又真係幾靚喎! 不過成舊野真係好核突......
It's colorful, i think it's poison.
回覆刪除[版主回覆08/18/2010 05:32:00]no it's NOT poisonous! ive checked it - it is called Laetiporus Sulphureus~ it is edible when it's young! but of course i wont eat it! dont worry~
妳千其唔好亂黎呀
回覆刪除[版主回覆08/18/2010 05:29:00]哈哈~~~~ 我緊係唔會亂來啦! 放心~~~~
黃色菇你真係好恐怖呀~~~~~唔好掂佢呀,可能有毒架!!
回覆刪除[版主回覆08/18/2010 05:29:00]我無掂佢~ 不過我上網查過嘞 - 依舊野係食得 + 有無毒架!
你老公好緊張呀?突然咁急~ 不過係屋企急好過係出面~ 我行山都見到好多怪菰﹐不過一定唔會食既~
回覆刪除[版主回覆08/18/2010 05:28:00]係呀~ 開大呀.......佢唔係第一次架嘞! 次次都臨出街先來料......
哈哈~~~ 我都無話過要食! 我估吓食唔食得之嘛!!