咖喱牛腩配蛋炒飯
點解咖喱牛腩會咁怪配個蛋炒飯既呢?
是咁的......睇電視見好多名廚不約而同都話local butcher 售賣既肉類比超市平且更新鮮，於是早幾日我去"查探"一下屋企附近間local butcher 有無牛腩賣~
搬咗來依度咁耐，我都未入過依間butcher! 原因係每次經過都見到好多人，塞滿哂唔想入去同人迫......
上星期四(8月12日)經過間butcher 咁啱見無人，咁我就唸住入去打個白鴿轉睇吓有無超市最難搵既牛腩!
我入到去見唔到凍櫃有牛腩，於是轉身準備走人......依個時候看店果兩位嬸嬸終於傾完計得閒理我嘞!
其中一位嬸嬸突然問我: Can I help you? 咁我咪順口問佢有無牛腩? 點知佢竟然話有喎! (其實無唸過佢地會有牛腩賣; 原來佢地擺咗喺後面個架!!)
果日我只係見咁啱無人先去睇睇，不過我根本無打算整牛腩!!
但我又唔想好似混吉咁，所以最後唯有買咗一大舊又平又靚既牛腩返屋企......唔買都買咗，咁緊係唔可以浪費啦!
於是星期六晚用薯仔 + 咖喱炆咗大煲牛腩唸住留返星期日晚食......
我要自行加豉油 + 冰糖調味~到咗星期日evening 煲咗大煲白飯，唸住食完飯先出去睇Toy Story 3~ 不過唔知係咪天氣太鬼熱? 晏晝同朋友飲完茶後一直好鬼飽! 雖然已經煲咗飯，但真係食唔落啊........
白飯留咗一晚，尋晚(8月16日)唸唔到點樣整返熱d飯......
不過都好既 - 最起碼我而家又知道多一個地方有牛腩賣，唔洗下下去Morrisons, Tesco 買貴野嘛! 
咖喱牛腩食譜click here~ 蛋炒飯請參考"黃金炒飯"食譜click here~
沒有留言:
發佈留言