Piranha 3D (變種食人倉3D) - 2010年8月21日

今年年頭曾經對自己誇下海口 - 無論好壞都一定要記低今年睇過每一套電影既感想!

因為懶 + 太多其他野想寫，早排積存咗4套睇後感仲未有時間寫 ; 剛過去既weekend 忙於同老公拍拖睇戲，短短2日已睇咗3套戲......

仲有3個多月2010年就完結嘞~ 今年以來一直都好有系統記低電影睇後感，真係唔想因為懶而半途而廢爛尾呀! 我一定要努力~~~~~


>>>>>>>>>>>>>>>>>>>>>>>>>>>>>>>>>>>>>>>

星期六同老公食完壽司後 (網誌)......

 就去咗睇香港仲未上畫既"變種食人倉3D"~
感覺Piranha 3D 電影海報熟口熟面似曾相識.......

 原來係"大白鯊"!

我覺得我好鬼醒!  因為......

 Piranha 3D 一開場有個白頭阿伯(右)喺湖中釣緊魚......

一影到白頭阿伯close up，

我即時同老公講: 咦...依個阿伯有份做"大白鯊"架! (不過可惜散場後我用盡任何方法，都無辦法令老公知道我講緊邊個.........

)
Steven Spielberg 既"大白鯊"絕對係依類動物驚慄片既經典!

而我認得Piranha 3D 裡面既白頭阿伯......

 就係當年"Jaws"大白鯊裡面飾演海洋生物學家Matt Hooper 既Richard Dreyfuss!(右)

"大白鯊"係1975年既電影，當時我都仲未出世~ 所以我覺得我一眼就認出白頭阿伯真係好鬼醒!! 哈哈~~~~

無獨有偶 - 今次Piranha 3D，Richard Dreyfuss 既白頭阿伯角色，同當年"大白鯊"既海洋生物學家角色，同樣叫做Matt Hooper......

Piranha 3D海報抄足"Jaws"海報; 而且Richard Dreyfuss 今次演同樣叫做Matt Hooper 既角色，相信依d都係刻意安排來對"大白鯊"依套經典致敬!



Piranha 3D好睇嗎? 好睇! 因為夠哂stupid 搞笑~~~

雖然海報、角色名字都抄，但Piranha 3D 絕對唔係"Jaws"咁既大製作!!

故事情節發展雖然類同 (講真~ 依類動物發難傷害人類既戲，來來去去都係講有某個節日大家普天同慶去慶祝，令到發難動物大開殺戒架啦! );

不過拍攝手法非常唔同 - Piranha 3D 重偏搞笑方面，所以好多情節都不合情理! 其實咁多年之後睇返當年既"大白鯊"，咪又一樣發現好多不合情理既情節!! 只不過"大白鯊"著重緊張氣氛而且並唔係搞笑手法~

Overall 睇Piranha 3D 應先抱住睇笑片既心態去睇，咁你睇完就會覺得: 都幾搞笑喎!

但若你係抱住認真態度 + "Jaws"咁既水平期望，你一定會覺得 - 好垃圾!!

 (搞笑係幾搞笑，但唔睇都無損失!)