所以星期六(8月14日)我地又去食過! 
原本我地係去試另一間墨西哥餐廳既，點知去到發現執咗!!
變咗一間素食咖啡店......喺好鬼肚餓 + 唔知其他墨西哥餐廳喺邊既情況之下，我地唯有又係去返Pancho Villas! 最少肯定依間係好食架嘛~~~~
(係呀~ 我又素顏嘞! 
)
中間白色淋上芝士果舊Tortillas 裡面包住用辣味蕃茄醬煮既牛肉，配上右邊既spicy rice......最估唔到係左邊果大pat 似朱古力醬既辣豆蓉 -
唔知咩豆煮熟後磨成蓉有少少辣辣地，用來撈飯、沾薯條都好正，唔識點去形容既好味!!
我依份餐係辣豆蓉 + 沙律任擇其一，不過侍應落單時忘記問我要辣豆蓉定沙律! 就直接比咗辣豆蓉我......
好彩佢唔記得問我咋!!!! 因為我好可能會選沙律.....因為我根本無唸過 - 豆~ 竟然可以好食成咁!!
炸得太乾太硬，好彩有我碟辣豆蓉來點點佢~~ 
11111111111111
回覆刪除[版主回覆08/17/2010 02:44:00]叻 叻叻叻叻叻叻叻叻叻叻叻叻叻
第一,
回覆刪除有機會都去試下墨西哥餐先
[版主回覆08/17/2010 02:42:00]又唔係妳呀! 哈哈~~~~
之前無聊搵過吓 - 原來香港有好多墨西哥餐廳架!
我呢度都有好多墨西哥餐廳, 以前我唔係好接受, 因為覺得佢地買相麻麻, 加上自己食開中國或東南亞餐, 始終覺得好味D, 不過住耐左美國, 依家對食物接受程度大好多, 開始識欣賞西方的烹飪方法和食物. 後來我食過好多墨西哥菜, 整得好, 一樣好好味. 以前住在香港, 單單食中國菜和日本菜已無空間試其他東西了.
回覆刪除[版主回覆08/18/2010 00:22:00]飲食文化唔同，係需要少少時間去適應架嘞! 我之前咁多年都只同ex 食過一餐墨西哥菜，不過果餐唔好食就令我有壞印象~ 好彩依間好好食啫!
Hi there, just want to say "hi", I don't leave comment often but I read your blog almost everyday, I want to let you know you inspire me to cook new stuff. And I am thinking to learn some photography on my own, hopefully I will get my Digital SLR soon. BTW, you look good even 素顏.
回覆刪除[版主回覆08/18/2010 00:12:00]Hi Friend~ welcome!
actually i kinda remember you cos ive seen you in my "最近訪客"! im glad that you like my blog and hope you will keep visiting everyday! thanks for your support!
hope you will get you DSLR soon!
隻炸辣椒辣嗎 ?
回覆刪除你老公隨身都有紙去畫公仔 ?
[版主回覆08/18/2010 00:07:00]隻炸辣椒一時時~ 上次食我果隻好辣，老公果隻唔辣; 今次食2隻都唔辣......
我地出親街佢都會帶一本好細既簿仔~ 佢話出親街食飯都要畫一個我既為食樣!
你果個主菜好得意WO!
回覆刪除成舊CHEESE包住D牛肉!仲有D咁特別既豆蓉!
實好好味啦~~~>0<""
[版主回覆08/18/2010 00:04:00]唔係芝士包住牛肉，係Tortillas (軟身薄餅)包住牛肉，再淋溶咗既芝士!
不過都係個辣豆蓉最好味!
我都好鐘意的鋪頭餐廰有的特別既野比人影相
回覆刪除感覺好玩的 特色的 ^^
k
[版主回覆08/17/2010 23:28:00]依間餐廳好多遊客去食野架! 佢地會主動攞d帽問客人要唔要~ (影相之喎! )
你老公真係好鍾意畫野呢..畫得好靚呀又似
回覆刪除[版主回覆08/17/2010 23:25:00]多謝濃情朱古力~ 佢一時時架咋，而且成日畫到我個樣唔同既!!
我都好鍾意食taco o個D野架, spicy岩晒我~~
回覆刪除[版主回覆08/17/2010 23:24:00]不過依邊既墨西哥菜大都唔夠辣for 我! 可能洋人唔係咁食得辣，要迎合返佢地口味~
妳給餸菜的評分咁高睇到流口水 .
回覆刪除[版主回覆08/17/2010 23:23:00]我覺得真係好食既我先會話好食架!
錯有錯著...俾妳食到咁驚喜既野,不過唔知pat辣豆蓉係點架呢
回覆刪除[版主回覆08/17/2010 23:22:00]係呀~ 真係錯有錯著架! 好彩佢無問我要辣豆蓉定沙律啫!
好正呀好想食!
回覆刪除[版主回覆08/17/2010 23:19:00]香港都有好多墨西哥餐廳架! 我唸多過依度~
Mr T d畫功真係一流呀~~~~畫得越黎越靚!!!
回覆刪除[版主回覆08/17/2010 23:17:00]thanks Kelly~ 佢一時時架咋! 成日畫到我唔同樣既.......
素顏返屋企唔洗落妝超爽~ 不過你要記得帶ID啵~ 唔係一陣間又買唔到酒~ 的食物都好大碟下~
回覆刪除[版主回覆08/17/2010 23:16:00]哈哈~~~ 我都唔飲酒既! 戒咗好耐咯~
不過上星期去買白酒煮野，又比人查ID! 對方仲好似驗屍咁驗.......
spicy rice既顏色 好吸引
回覆刪除[版主回覆08/17/2010 23:13:00]係呀~ 不過雖然叫spicy rice，不過係唔spicy 既......
係呀﹐因為呢﹐有時好多假ID (扮大人 )~ 所以連累埋我地~
回覆刪除[版主回覆08/19/2010 21:59:00]即係我老公.......因為佢當年未夠秤就去酒吧!
好犀利呀!幾筆就能表現晒你當時的景象~~~~~~~~~~~~
回覆刪除[版主回覆08/20/2010 18:06:00]代我老公多謝妳啊Ling Ling!
你老公又畫得幾靚喎,係食飯既短短時間就可以完成,唔係個個都可以做到
回覆刪除[版主回覆08/23/2010 07:16:00]代我老公多謝妳讚賞! 佢好鍾意畫公仔，而我係佢畫得最多既model~ 佢畫我當然熟手啦!