金銀菜紅蘿蔔羅漢果煲豬腱; 香辣蕨菜炒豬肉; 蠔仔煎蛋 & 炒菜心
Mr.T 由香港返咗來足足一個星期都無煮過飯! 
不過打完邊爐即晚已經感覺好熱氣......
(材料多個名好鬼長啊~~~~~~
)早幾晚睇電視一個叫做"Dining with Death"既節目，介紹世界各地唔同國家種族既奇特飲食習慣 - 一d平常人食咗可能會死既食物e.g. 毒菇......
當中介紹韓國濟州島既人好鍾意自己採集 + 烹調一種叫做"bracken" 既野菜，依種野菜仲成為咗當地既地道美食呢~
不過據聞bracken 係會致癌既! 所以韓國政府亦勸籲市民要採集較嫩既bracken，來減低多食會患癌既機會......
我一睇......吓????????? 原來bracken 咪即係蕨菜!!?!?!?
不過就咁......中國人、台灣人、韓國人 + 日本人都習慣食蕨菜，我相信唔見得人人都會患癌既~
我相信凡事適可而止唔好太過份，就應該唔會有問題架嘞! 所以我都買咗一包香辣蕨菜來試吓! 試吓之嘛，反正唔會成日食~
不過我就覺得香辣味過咗龍，蓋過哂蕨菜本身既食味，我覺得喺台灣食既新鮮炒蕨菜好味好多!!
不過炒完後d豬肉就好正~~~~~
電視介紹台灣美食見到蚵仔煎.......
包急凍韓國蠔仔實在太大包嘞 - 依碟蠔仔煎蛋已經用咗7隻雞蛋去煎.......
仍然超級足料到蠔仔多過雞蛋!!
上星期只見櫻花樹含蕾準備開花.......
金銀菜紅蘿蔔羅漢果煲豬腱食譜click here~ 香辣蕨菜炒豬肉食譜click here~ 蠔仔煎蛋食譜click here~
我都開飯。
回覆刪除[版主回覆04/23/2011 20:36:00]大家齊齊開啦!
今年天氣真係唔錯。星期日我地去左愛丁堡，好暖呢。
回覆刪除[版主回覆04/26/2011 00:22:00]暫時來講今年夏天天氣都還可以，但又唔算叫做好好~
妳上星期來蘇格蘭呀?
吓??證實咗佢會政癌架??點解我地上網search又話佢清熱 不過唔係成日食應該ok既
回覆刪除[版主回覆04/26/2011 00:21:00]無話証實會致癌，只係有d科學家話大量進食蕨菜會增加患癌既機會，情況就好似話食三文魚會致癌咁上下囉!
你嗰邊D櫻花樹都好靚哦...
回覆刪除蠔仔煎蛋好好味呢...見到我就想煮蠔餅...
[版主回覆04/26/2011 00:19:00]係呀~ 我依邊春天好多櫻花樹架!
香港買蠔仔好新鮮啦，快d去買來煎啦!
(Empty)
回覆刪除[版主回覆04/26/2011 00:18:00]Happy Easter Maggie!
煮野好手勢WOR!
回覆刪除[版主回覆04/26/2011 00:17:00]多謝來訪!
V女 你果邊的櫻花開得好靚呀
回覆刪除[版主回覆04/26/2011 00:17:00]話咁快櫻花已經開到水尾開始有落櫻嘞~
我們這邊(溫哥華)的櫻花已經開完了
回覆刪除[版主回覆04/26/2011 00:16:00]我地依邊都開到水尾，開始有落櫻嘞~
未食過 蕨菜wo..唔知係咩味既呢??
回覆刪除[版主回覆04/26/2011 00:15:00]依隻香辣蕨菜口感似金針，味道就係"香辣"囉!
不過新鮮蕨菜口感爽脆味道清鮮~ 新鮮既好食好多!!
蠔仔餅睇到我流口水(重要係超級足料)
回覆刪除櫻花好靚呀
[版主回覆04/26/2011 00:12:00]我都好鍾意食蠔仔煎蛋，真係好鮮味呢!
話咁快櫻花開完花開始落櫻啦~
見到你食火鍋，真係引到我呢.....................
回覆刪除[版主回覆04/26/2011 00:11:00]Glasgow 有幾間打邊爐架，不過泗和行既最好食!
櫻花好靚呀^00^ 係bo~你食果個火 鍋好似好 辣咁....@@" 記得煲d涼茶飲丫^^~
回覆刪除[版主回覆04/26/2011 00:09:00]係呀~ 蘇格蘭d櫻花係幾靚架!
今次個冬蔭鍋真係幾辣! 不過涼茶唔可以隨便飲，要視乎自己體質架! 我一向都好少飲涼茶，煲返d比較清潤既湯水飲吓就得架嘞~
(Empty)
回覆刪除[版主回覆04/26/2011 00:01:00]Happy Easter!
蟶子皇係賣飛佛呀！！！
回覆刪除你o個碟蚵仔 煎都唔算係 蚵仔呀！大蚵煎就差唔多！我見到粒粒都好大粒呀！我今晚都係食呢個呀！不過Ｄ蚵仔變左鰻魚
食一餐蕨菜應該沒事o既，不過佢個樣咁健康，真係估佢唔到
PS. D櫻花好靚呀！
[版主回覆04/26/2011 01:25:00]蟶子皇係蘇格蘭特產來架! 不過我比較鍾意食香港果種細細隻既蟶子多d~
哈哈~~~~ 我依包真係蠔仔來架咋! 不過比香港既蠔仔大粒d，我用來整炸蠔果d就勁大隻嘞!!
鰻魚煎蛋好特別喎! 我唸應該會好好食呢~
果d節目危言聳聽啫! 如果日日食又食好多既話，咁就食乜都會生癌啦! 食乜都好，最重要係適可而止唔過份，我覺得唔會有大問題!
櫻花開到水尾咯~ 開始有落櫻嘞!
係呀，生日禮物，過壓一晚
回覆刪除[版主回覆04/26/2011 19:57:00]OIC! Happy belated Bday 啊~
我未食過蕨菜亦都未見過...我真大鄉理...我都係第一次聽尼種菜名咋...
回覆刪除[版主回覆04/26/2011 19:56:00]都唔係大鄉里既 ，咁香港 + 澳門無蕨菜嘛! 我之前都係去台灣先有機會試得到~
蠔仔我中意牙,,,最中意煎蠔餅
回覆刪除去親大排檔都食
[版主回覆04/29/2011 21:47:00]依個就算我以前喺香港都好少出街點來食，多數都係V媽媽整既~