以前我讀緊大學時自己一個人住，有時V媽媽打電話來問我做緊乜，如果我答佢我煲緊湯的話，佢下一句一定會問我: Andy 今晚過來食飯呀?
大佬呀......佢唔過來食飯，我都可以煲啖湯飲吓啩!!?!?! 咁我都要食飯架......
老公返香港期間有晚同V媽媽、V姨丈 + V媽媽好朋友一齊食韓國燒烤~
老公帶咗部攝錄機，叫佢地同我講幾句說話帶返來比我睇!
大家估吓佢地同我講乜野?
以下對白全部屬實......
洗唔洗咁呀? 
>>>>>>>>>>>>>>>>>>>>>>>>>>>>>>>>>>>>>>>>>>
尋日我網誌有個無獎問答遊戲......
綜合咗大家既答案.....- 蛇蟲古怪食物
- V媽媽空運鮑魚
- 臭豆腐
- 榴槤
- 青口
- 蝦糕
- 金華火腿
- 豬肉乾
- 鹹魚
- 嘉頓麵包條 (唔知點解指明係嘉頓!!?!?
)- 油炸鬼
- 雞肉腸
大家既答案都好多元化 + 好有創意! 不過無一個估得中!!
我相信應該唔會有人估得中架嘞~
等我而家開估啦! 就係.................
‧
‧
‧
‧
‧
‧
‧
‧
‧
‧
‧
‧
係我至愛既莎莉原味蛋糕一盒咁大把! 
咁搞笑~~真係千理送鵝毛, 物輕情意重!
回覆刪除[版主回覆04/16/2011 10:14:00]Mr.T 點止送咗條鵝毛比我?
佢不知帶咗幾多正野比我呀!
佢今次搭BA，行李又過重呢!
竟然係"莎莉" , 呢個答案我有唸過, 不過我最後選咗雞肉腸囉, 我有做過功課架, 睇番哂妳之前番hk食過d咩架!
回覆刪除[版主回覆04/16/2011 10:13:00]雞肉腸我唸就算帶到過來都唔食得咯!
都係莎莉蛋糕安全好多! 不過都唔可以last 太耐......唔係好捨得食呢!!
一盒平平無奇的蛋糕 , 但V女我深信妳收到時一定喜歡到不得了! 喜歡的是有個時刻都會掂掛妳的另一半!so sweet !
回覆刪除[版主回覆04/16/2011 10:11:00]嘻嘻~~~ 真係好驚喜呢! 真係無唸過喺英國會食到莎莉蛋糕既味道!! 我次次返親香港都搞掂好多盒架~
哈！我估鮑魚 但又諗吓上次你話有汁唔得，應承落機前食晒佢，咁我又諗應該唔係，但都估唔到係莎莉蛋糕喎
回覆刪除[版主回覆04/16/2011 21:42:00]有汁連帶上飛機食都唔得架! 所以我帶上飛機食既鮑魚都係無汁既~
嘻嘻~~~ 無網友估到係莎莉蛋糕呢!
其實你自己都識整啦(你係我心目中，咩食物都無可能難到你 )
回覆刪除[版主回覆04/16/2011 21:41:00]哈哈~~~ 妳咁睇得起小妹既!
其實我都打算試吓自己老翻莎莉，翻到幾成用來止癮都好嘛!
你就好啦, 食咁多正野都唔肥!
回覆刪除[版主回覆04/16/2011 21:39:00]嘻嘻~~~ V媽媽話我油浸都唔會肥......
哈哈, 好得意啊, 用報紙包住, 我以為打得爛o既野添..
回覆刪除係啊, 題外話, 我會係阿曼返香港, 中途要係杜拜轉機, 我想請問轉機洗唔洗過關傢? 因為我未轉過機傢...
[版主回覆04/16/2011 21:38:00]莎莉蛋糕個盒放喺喼裡面易變型嘛，咪要包實佢囉!
我由Glasgow 到Dubai 轉機返香港要過關架! 不過我就唔知由阿曼過去洗唔洗過~
哈,V媽D對話好好笑呀
回覆刪除係唔係特登同你講下笑咋(不過睇個樣又覺得好似好認真咁喎XDD)
[版主回覆04/16/2011 21:35:00]妳覺得佢地個樣好認真咩? 佢地整鬼我之嘛~
又真係好難估中喎
回覆刪除我都好耐冇食不過我鍾意有提子既莎莉
[版主回覆04/16/2011 21:32:00]哈哈~~~ 所以無人估到囉!
雖然我唔鍾意甜食，不過由細到大都超鍾意莎莉蛋糕，但只限原味!!
好搞笑, 莎莉旦糕。 我覺得你好幸福 ,媽媽這麼錫你, 又有一個對你這麼好的丈夫。
回覆刪除[版主回覆04/16/2011 21:30:00]哈哈~~~ 我都覺得好搞笑呢! 不過真係好開心，因為來咗英國十幾年，無唸過喺英國都會食到莎莉蛋糕既味道!
多謝chumama! 我都覺得自己好幸福，有好鍚我既爸爸媽媽、老公 + 好朋友~ 我都好鍚佢地架!
妳個樹冇得買 ?
回覆刪除[版主回覆04/16/2011 21:27:00]英國無莎莉蛋糕賣架! 如果有老公都唔洗帶盒過來比我啦~
哈哈, 我以為係"留連" too!! I also love Sara Lee Cake but I like chocolate flavour!
回覆刪除你開心的character一定係感染/遺傳自 family ! 佢地一睇就知係happy family!!
[版主回覆04/16/2011 21:25:00]我好憎榴槤架! 而且依度都有榴槤賣，唔洗山長水遠由香港帶過來~
我一向對甜品麻麻地，而且都唔鍾意朱古力，所以莎莉蛋糕都只食原味架咋!
我都好中意食莎莉 的朱古力味蛋糕，＂東東地＂食，好正～不過未食過Ｅ隻原味。
回覆刪除[版主回覆04/16/2011 21:16:00]我同妳相反 - 咁耐以來我只食過依隻莎莉原味蛋糕! 對其他味道無興趣~
莎莉蛋糕!都係我至愛來!! 明明澳洲SARA LEE係有出既... 但係唔係好多間SUPER有得賣..... 間歇性係某幾間先有... 近排簡直唔見....你攪到我又想食啦... 珮夫人
回覆刪除[版主回覆04/16/2011 21:13:00]係嘞~ 真係好奇怪! 我啱啱今次返香港時就係睇到個莎莉蛋糕盒話係澳洲造，所以我原先以為莎莉係澳洲品牌呢..... 不過其實係美國牌子來~
妳果邊都好吖，起碼間中都有得賣嘛~ 我依邊有少量sara lee 產品賣，但磅蛋糕就無啊......
哈哈, 睇番個包裝外型又幾似喎!! 我剛剛先食完幾舊咋!!
回覆刪除[版主回覆04/16/2011 21:10:00]而家妳知道咗答案就緊係覺得外型似啦! 其實好多野都可以係長方形......
呢個細個成日食！好耐無食過。 不過估唔到英國無得賣.....
回覆刪除[版主回覆04/16/2011 21:04:00]莎莉蛋糕我都係由細食到大! 不過我唸莎莉蛋糕味道太淡for 英國人口味，所以依度無得賣~ 但我而家每次返親香港都會食好多盒!
Sara Lee pound cake is very easy to get over here ne~
回覆刪除[版主回覆04/16/2011 20:15:00]Sara Lee is an American brand, of course it's very easy to find in the states la!
原來你個邊冇沙莉蛋糕架? Mr.T 對你真係好 去到邊都會諗住你最想食/需要D乜
回覆刪除[版主回覆04/16/2011 20:03:00]係呀~ 英國無莎莉蛋糕賣架! 我唸莎莉蛋糕對英國人口味來講太淡........
嘻嘻~~~ 佢返咗香港果幾日其實好忙好多私人野要搞，不過佢日日都打電話比我問我要唔要依樣果樣，佢真係幾忙都好都會掛住我~
打格仔時我先(目及)到莎莉蛋糕....
回覆刪除[版主回覆04/16/2011 19:57:00]台灣有無莎莉蛋糕賣架?
就係冇囉...我唔客氣嘞!!copy張相先
回覆刪除[版主回覆04/16/2011 20:57:00]
整多幾個copy 啦!
真係好SURPRISE, 我以為英國有SARA LEE POUND CAKE, 因為美國有得賣
回覆刪除究竟SARA LEE 系係邊度出??
[版主回覆04/16/2011 21:05:00]Sara Lee 咪就係美國出果囉! 美國緊係有得賣啦~
哈哈~你d屋企人對你真係好呀~講咁多野窒住哂~
回覆刪除好彩mr.t有禮物帶番黎補番數je!
[版主回覆04/18/2011 05:37:00]我地不嬲都係咁架啦! 講吓笑啫~
竟然係“莎莉～多謝妳” 雪櫃野喎，真係估佢唔到
回覆刪除[版主回覆04/18/2011 05:36:00]唔係呀~ 係"HonHon~ 多謝你!"先啱呀!
佢放入喼入倉好凍既，蛋糕來到都好新鮮呢!
~~佢地D 表情+對話連環圖好搞笑 冇得食韓燒唔緊要, 有Mr. T 的sweet cake 氹返
回覆刪除[版主回覆04/18/2011 05:34:00]真係唔知好嬲定好笑......
好在有V媽媽大咋手信補返數!
細時真係成日都會買"沙利蛋糕"嚟食㗎！覺得佢好軟熟！又好香！又唔太甜！仲好香添！真係好懷念呀！好親切呀！
回覆刪除[版主回覆04/18/2011 05:30:00]我由細到大都鍾意食，咁多年來味道都一模一樣完全無變過! 而家返親香港我都會食好多盒!
哈....竟然係sara lee, 不過佢又真係好好味嘅
回覆刪除[版主回覆04/18/2011 05:29:00]嘻嘻~~~~ 本來我自己都唔知係sara lee 架，不過一攞上手就做到嘞!
個樣真係似架
回覆刪除我都成日去SUPERMARKET買莎莉蛋糕食
以前細個好鬼貪心,次次都切勁大舊俾自己
[版主回覆04/18/2011 05:25:00]我又完全唔覺喎!
我而家返香港買親莎莉蛋糕食都係切勁大舊比自己~
呢個都喺我一家的至愛蛋糕,回味回味.....
回覆刪除[版主回覆04/18/2011 05:24:00]我由細到大都好鍾意莎莉原味蛋糕~ 咁多年來味道一模一樣無變過!
可能澳洲個D出口哂去香港! 所以澳洲本土唔係成日有 珮夫人
回覆刪除[版主回覆04/18/2011 05:23:00]美國牌子點解要喺澳洲設廠出口去香港呢?
我喺BRISBANE未見過呀....
回覆刪除[版主回覆04/18/2011 05:20:00]真係好奇怪! 美國牌子喺澳洲設廠出口去香港.......
我都中意食原味架~!!! 不過我最愛食法係放冰箱雪到咁上下先切出黎食~ (可能因為美國係放係冰箱咁賣) 但我覺得雪硬左再食別有一番滋味~(夏天食最好~)
回覆刪除[版主回覆04/18/2011 05:18:00]我就係鍾意佢雪凍咗後軟中帶硬既口感!
只有莎莉蛋糕先做得到!!
原來係莎利...我都好鍾意呢...yummy~
回覆刪除[版主回覆04/19/2011 00:05:00]我只食過 + 只會食原味架咋!
Mr .T is so sweet .....
回覆刪除[版主回覆04/19/2011 00:04:00]Thanks BB Gin!
哈哈,,,睇完好搞笑呀,不過講真,我自己一個人好難煮到飯,都係煮粉麵食,所以我覺得你好好,好有心機架^_^
回覆刪除[版主回覆04/19/2011 00:04:00]可能我以前讀書時一個人住習慣咗煮飯比自己，所以煮自己一個人飯對我來講無難度!
Ha ha 估你唔倒!!!!
回覆刪除[版主回覆04/19/2011 00:02:00]我都估唔到呀!
原味.....我由細食到而家^^
回覆刪除[版主回覆04/20/2011 06:13:00]我都係由細到大都係食原味，其他味道我未試過呢~
我都係中意食原味
回覆刪除現在才知你果邊無得賣，反而有啲食物諗住你果邊無得賣，就有得賣!
[版主回覆04/20/2011 06:12:00]我唸可能莎莉蛋糕對英國人來講口味太"輕"嘞.......
係囉﹐其實我都唔明點解係都要話人地一個人就唔煮飯嘖? 我有個UNCLE又係睇死我唔煮+唔識煮架﹗ 哎﹐我都廢事解釋喇﹐咁就當我唔煮+唔識煮啦~
回覆刪除[版主回覆04/20/2011 06:12:00]唉~ V媽媽好似成日覺得我好懶......只我老公要食飯我先會煮!
wakakakaka...真係估唔到啊......
回覆刪除[版主回覆04/21/2011 05:49:00]哈哈~~~~ 真係無人估得中架! 初時連我都估唔到呢~
真係冇可能估到囉! 我依家好少食莎莉蛋糕, 不過原味最正, 我可以一次過食半盒!
回覆刪除[版主回覆04/23/2011 20:54:00]我試過一晚一次過食哂一盒當宵夜呢! 原味真係百食不厭~~~~
莎莉嘅原味芝士蛋糕都好好味ga，下次可以試下！
回覆刪除[版主回覆04/26/2011 19:58:00]好呀~ 下次返香港時試吓!