青紅蘿蔔煲豬骨豬脷; 紅燒獅子頭; 沙律明蝦球 & 清蒸撻沙魚
尋晚唔知做乜鬼我 + 老公都完全唔肚餓
，所以無煮飯，湯留返今晚飲多餐!
好搞笑~ 頭先食完飯同老公一齊睇Good Food Channel，英國名廚Gary Rhodes 去咗中國學習煮中國各地名菜 (Rhodes In China)......
咁啱今晚依集佢竟然去咗上海!
再咁啱佢竟然學整獅子頭喎!!
(不過佢整既係"白獅子頭" - 即放湯果種~)老公好鍾意食香口野，去親飲茶都會點沙律明蝦角~ 不過蝦角係點心......
網上學識自調沙律醬......
本來唸住炒碟菜既!
不過今日去泗和行買餸......
本來我只唸住買1條，不過魚檔阿叔話剩低1條可能無人買......
(約47HKD)50蚊唔洗有2條新鮮撻沙，抵到爛!!
我好耐無食過撻沙嘞!
青紅蘿蔔煲豬骨豬脷食譜click here~ 紅燒獅子頭食譜click here~ 沙律明蝦球食譜click here~
魚春----正呀!
回覆刪除[版主回覆04/09/2011 22:33:00]再正d係 - 我老公唔食魚春，4條都比我食哂!
2个人吃甘多味。。真系好吃得呀！
回覆刪除[版主回覆04/09/2011 22:32:00]嘻嘻~~~ 係呀，我地一向好大餸架!
打錯，應該係，
回覆刪除有個"學術性"問題想問下 你 。
獅子頭我鐘意放湯嗰隻多d 但你嘅濃油赤醬版整得好靚呀 , 睇見都想食喎 Rhodes In China我都有睇呀, 估唔到上海d師傅英文都相當流利下 , 反而香港嗰幾個就口窒窒 ~
回覆刪除[版主回覆04/09/2011 22:27:00]我未食過放湯果隻白獅子頭，如果唔係睇Gary Rhodes，我都唔知原來有隻放湯既獅子頭呢~
唉~ 香港果集真係睇到我滴哂汗!!! 再上一集杭州教整乞衣雞果位師傅英文都唔錯架! 好似真係香港果集最差.......
我都鍾意食撻沙
回覆刪除[版主回覆04/09/2011 22:23:00]我勁鍾意撻沙呀! 不過一來貴; 二來喺英國真係可遇不可求!!
好豐富嘅兩人晚餐喎！
回覆刪除[版主回覆04/09/2011 22:22:00]Thanks~ 我 + 老公都大食，幾乎餐餐都係咁上下!
我見妳用依隻BB蛋黃醬唧出黎好靚呀
回覆刪除[版主回覆04/09/2011 22:21:00]依隻BB醬個唧咀係星形架! 不過我唔係直接唧出來，因為要撈醬嘛~
我將撈好既沙律醬入咗個膠唧樽度 (好似唧辣醬果種膠樽)，然後再懶靚咁唧落d蝦上面!
好正啵 仲有埋魚春呢~ 個隻BB醬 我都好鐘意食架 用黎點"炸物" 真係唔錯
回覆刪除[版主回覆04/09/2011 22:18:00]依度賣既扁魚全部都係大條，所以幾乎每次買親都會有魚春!
依隻BB醬好香蛋味~ 不過下次我想自己試吓整蛋黃醬!
三餸一湯...白飯任裝......
回覆刪除[版主回覆04/09/2011 22:16:00]妳自便啦!
真係抵喎!!! 50蚊有兩條撻沙....仲有咁正既魚春!!!
回覆刪除[版主回覆04/09/2011 22:15:00]係呀! 真係好抵呢~ 魚檔阿叔真係好nice 好好人!
嘩！正呀！我好鍾意食魚春架
回覆刪除[版主回覆04/09/2011 22:13:00]我又係由細到大都好鍾意食魚春架! 而且依度賣既扁魚大部份都係大條，幾乎次次買親都有魚春!!!
獅子頭正牙!吾知濃油赤醬版好冇味呢
回覆刪除[版主回覆04/09/2011 22:11:00]妳無食過依種獅子頭咩? 我喺香港食親上海野都係食依種紅燒既獅子頭架!
我反而未食過放湯既白獅子頭~ 如果唔係果日睇電視都唔知原來有種係放湯既......
白獅子頭我唔係咁鐘﹐我鐘意你深色果種~
回覆刪除[版主回覆04/11/2011 04:09:00]我未試過白獅子頭，唔知自己鍾唔鍾意~ 不過我一直都好鍾意依種深色! 太好送飯嘞~~~~
我淨係試過湯個種咋
回覆刪除[版主回覆04/11/2011 04:08:00]係呀~ 等我下次返香港時都試吓白獅子頭先!
V女 , 如果在英國見到一種魚, 名"多寶魚" 不況買下試試 , 只需用果皮同蔥段清蒸 比美"撻沙"的呢!
回覆刪除[版主回覆04/12/2011 01:41:00]我知多寶魚，turbot 吖嘛! 不過依度d turbot 好鬼大條架! 有時返去99度食飯佢咪整一大條囉，不過平時得我同老公兩個人點食得哂?
而且turbot 係養魚來啊~ 我依2條撻沙係海魚呢~
我呢邊無中國超巿, 不過遲D搬去倫敦應該好D
回覆刪除[版主回覆04/12/2011 01:37:00]Cardiff 無中國超市既咩? 倫敦中超、日超、韓超乜都有! 不過都要睇吓妳住倫敦郊區定市區~
Cardiff有中國超市。不過男友contract完成後。我地已經＂返回原居地＂（我地本身住係Durham一個細細的town）倫敦又是因為工作才搬去，還在搵地方呢（真有隔山買牛既感覺）
回覆刪除[版主回覆04/13/2011 01:28:00]OIC! 希望你地快d搵到新地方啦，good luck~