2011年4月22日星期五

T家復活蛋 - 玫瑰茶燻蛋


之前講過因為我唔嗜甜,唔鍾意食朱古力......
所以舊年復活節整咗茶葉蛋當復活蛋來應節~

今年復活節我就整咗燻蛋!

(剝殼剝到火都來埋!!)

本來想買鴨蛋來整,點知去到超市又賣鬼哂!

買唔到鴨蛋,唯有用返雞蛋來整啦......


1. Free range 雞蛋4隻,凍水下蛋,開蓋煮至水大滾,繼續大滾2分鐘後熄火。

2. 蛋即時沖凍水,再浸凍水15分鐘後剝殼。

(用湯匙輕輕敲碎蛋殼無咁易剝花蛋白架! )

3. 滴珠油2湯匙加少許糖和清水拌勻。
(可用老抽代替滴珠油,不過滴珠油比老抽更易上色~ )


4. 將剝好殼的糖心蛋沾滿(3)之滴珠油,用廚房紙吸去多餘的滴珠油。


5. 鍋中鋪上鍚紙,在鍚紙上放入白米、紅茶包2個(倒出茶葉)、玫瑰花乾和紅糖略略撈勻。

6. 上鍋蓋開火焗至出煙。(依個時候會聞到好香玫瑰香味! )

7. 開蓋放入蒸架,再在蒸架上放上糖心蛋。

8. 上蓋焗30秒後熄火,再焗1分鐘。


 9. 取出蛋待涼後,打橫將蛋切半即成。
P.S. 用一把比較闊既刀來切
,糖心蛋黃會無咁易流失架!


 一大輪功夫後,影完相唔夠2分鐘......

 我 + Mr.T 已經食鬼哂4隻蛋!





Happy Easter Everyone!
 










44 則留言:

  1. 1打薰蛋呀!唔該!
    [版主回覆04/23/2011 20:33:00]1打燻蛋有排剝殼......要等喎!
     
     

    回覆刪除
  2. 好正, 不過整既過程好似好複雜咁!
    [版主回覆04/23/2011 20:32:00]其實一d都唔難整,只係剝蛋殼時要好有耐性慢慢來! 妳都試吓啦!
     
    Happy Easter My Lovely Baby!
     
     

    回覆刪除
  3. 復活節快樂呀 
    [版主回覆04/23/2011 20:31:00]Happy Easter Katie!
     
     

    回覆刪除
  4. 我鍾意玫瑰呀,一定要試吓!
     
    [版主回覆04/23/2011 20:30:00]依個好香好好食架! 快d試吓啦~
     
     

    回覆刪除
  5. 噢!掛住食,忘了跟你說︰ 復活節快樂啊!
    [版主回覆04/23/2011 20:30:00]Happy Easter La Belle!
     
     

    回覆刪除
  6. must be super yummy!! Happy Easter Holiday!! 
    [版主回覆04/23/2011 20:22:00]Thanks gjmama! Happy Easter~
     
     

    回覆刪除
  7. 你整得好靚呀 個3個公仔好得意呀
    [版主回覆04/23/2011 20:21:00]Thanks 笨笨! 3隻雞仔用來應節架嘛~
     
    Happy Easter!
     
     

    回覆刪除
  8. 好㊣.......easter吃这好特别
    [版主回覆04/23/2011 20:17:00]Happy Easter 啊月兒!
     
    依個雖然功夫多,不過真係好香好好食呢~ 妳都試吓整吖!
     
     

    回覆刪除
  9. 整得好靚呀! Happy Easter!!! 
    [版主回覆04/23/2011 20:14:00]Thank you Yam!
     
    Happy Easter~
     
     

    回覆刪除
  10. Happy Easter~
    整薰菜係咪要用一個專用既鑊? 我驚用平時炒餸個鑊, 薰完唔可以再炒餸哦...
    [版主回覆04/23/2011 20:13:00]Happy Easter 艾菲!
     
    我就用一個無瑭瓷層既cast iron 煲來燻,因為夠哂實淨,又唔會因為乾燒傷害到個煲~ 妳平時用咩鑊架?
     
     

    回覆刪除
  11. Happy Easter, Mr. T & Mrs. T~
    前幾日先至跟同事講開溏心蛋....哈~ 我估Honey應該鍾意, 我遲D試吓先!
    [版主回覆04/23/2011 20:06:00]Happy Easter Ayesha!
     
    好好食架,快d試吓啦! 不過有人話用鴨蛋仲正,最衰我尋日買唔到鴨蛋啦.......
     
     

    回覆刪除
  12. 我見到蛋以為妳整朱古力蛋
    d雞仔好得意呀!
    [版主回覆04/23/2011 20:04:00]no la! 我都唔鍾意食朱古力既~  
     
    d雞仔應節架嘛!
     
     

    回覆刪除
  13. 情若無花不結果2011年4月23日 上午1:47

    去 YouTube 找 剝蛋殼, 用口吹得呀。
    [版主回覆04/23/2011 20:03:00]果條片我好耐之前睇過嘞,我覺得好假喎!
     
    而且我唸就算真係吹得甩都只限hard boiled egg,糖心蛋咁delicate 咁吹法肯定會成隻散哂爆開哂......
     
    Happy Easter!
     
     

    回覆刪除
  14. 疍疍很靚,    好正  復活節快樂!
    [版主回覆04/23/2011 20:00:00]多謝chumama 讚賞!
     
    Happy Easter 啊~
     
     

    回覆刪除
  15. HAPPY EASTER MRS T
    D雞仔俾你加左隻眼上去好得意呀!
    燻蛋好正呀,重要隻隻流心既~
    [版主回覆04/23/2011 19:57:00]Happy Easter 布丁!
     
    嘻嘻~~~ d雞仔用來應節架嘛!
     
    我都好鍾意食燻蛋! 又香又滑,而且流心蛋食多幾隻都唔會漏!
     
     

    回覆刪除
  16. 以前我只係試過用個煮麵既鍋嚟薰咋...搬咗屋後, 好耐都無整喇...見到你整, 我又心郁郁想試...
    [版主回覆04/23/2011 20:59:00]如果妳怕整壞鑊既話,妳可以用d舊煲 - 爛咗都無所謂果d來試吓整!
     
     

    回覆刪除
  17. 塔羅女神-王姬2011年4月23日 上午6:13

    wahahhaha !! 真係笑死我喇!! o個幾隻雞的造型真係好得意!
    我超鍾意食溏心蛋架!平時只識去食拉麵時食夠2隻, 但從來都冇想過可以自己整到! 如果我整到好似你上圖咁O既水準,我honey一定愛死我
    一於試下先!!!
    Happy Easter to U and Mr T!!!
    [版主回覆04/26/2011 01:01:00]Happy Easter 塔羅女神!
     
    d雞仔應節嘛!  其實燻蛋或糖心蛋都唔難整,最主要都係剝殼既啫~ 只要唔心急浸水浸足最少15分鐘,就剝得又快又靚架嘞!
     
     

    回覆刪除
  18. 我朋友都有買 Free range 雞蛋食,佢話香港好難買倒喎,其實佢有乜咁特別呢?
    [版主回覆04/26/2011 00:58:00]其實free range 蛋即係走地雞蛋之嘛~ 香港本地都應該有走地雞蛋架,妳朋友係咪要買外國野先咁難買呀?
     
     

    回覆刪除
  19. Gaileは林家歐巴桑2011年4月23日 上午8:11

    Happy Easter d復活 蛋好正好吸引喎
     
    [版主回覆04/26/2011 00:57:00]Happy Easter Gaile!
     
    妳又整吖~ 好香好好食架!
     
     

    回覆刪除
  20.  我要兩隻蛋,唔咳! 復活節快樂
    [版主回覆04/26/2011 00:56:00]隨便唔洗客氣~
     
    Happy Easter Jenny!
     
     

    回覆刪除
  21. D 雞仔個表情好盞呀~~ 個燻蛋真係引死人, 尤其係個糖心
    [版主回覆04/26/2011 00:55:00]雞仔應節嘛!
     
    燻蛋一定要糖心先好食架嘛~ 試吓整吖,唔難整架!
     
     

    回覆刪除
  22. Wow,我超愛燻蛋架,你整得好靓呀....我想問吓整完會唔會全屋都係煙燻味呢? 我屋企係open kitchen,部抽油煙機又唔係好勁...但我超想試整呀
    [版主回覆04/26/2011 00:54:00]多謝Jay Jay 讚賞!
     
    燻果一陣之嘛,唔會好大味既啫~ 我屋企 + 廚房都無煙味喎!
     
     

    回覆刪除
  23. 絕代《方華》2011年4月23日 下午3:21

    個樣好靚, 但唔敢食咁多蛋黃~~
    [版主回覆04/26/2011 00:53:00]Thanks Sexymama!
     
    我最鍾意就係流心蛋黃架嘞~
     
     

    回覆刪除
  24. 好攪笑呀!
    我又要整。
    [版主回覆04/26/2011 00:52:00]應節吖嘛!  
     
    好好食架~ 快d試吓整啦~
     
     

    回覆刪除
  25. 鴨蛋的蛋殼厚一點,比較好剝殼 而且 鴨蛋的蛋黃比較紅 整出來顏色漂亮一點 不要用刀切蛋 要用線來切  
    [版主回覆04/26/2011 00:50:00]Thank you~ 下次再整時我會試吓用線切!
     
     

    回覆刪除
  26. 嘩! 好似街食到果D咁!! 我之前都有試過整, 仲特登買左一個會顯示蛋熟情度的蛋形顯示器, 都係無鬼用. 一係勁熟, 一係勁生. 無一次成功. 我都好想做薰蛋. 等我再努力一下先至得.
    [版主回覆04/26/2011 00:50:00]我都有果個煮蛋器,我又覺得幾好用喎!
     
    妳試吓依個方法啦,希望妳成功啊~
     
     

    回覆刪除
  27. 整到好靚,好美味咁樣!good good good ,啲雞仔比你加左啲效果實在搞笑.好得意,哈哈......
    [版主回覆04/26/2011 00:45:00]多謝晶晶讚賞!   d雞仔應節嘛~  Happy Easter!
     
     

    回覆刪除
  28. 整到好靚,好美味咁樣!good good good ,啲雞仔比你加左啲效果實在搞笑.好得意,哈哈......

    回覆刪除
  29. Hi, Mrs.T
    好鐘意睇你個blog架,今次係第一次留言啊。
    用第二種茶葉效果係咪一樣呢?
    [版主回覆04/26/2011 00:42:00]妳好小樹熊! 歡迎妳~
     
    我今次都係第一次整咋~ 我唔清楚用第二種茶葉效果係咪一樣......  不過我唸除咗風味唔同之外,應該唔會有太大分別既~
     
     

    回覆刪除
  30. 嘩!糖心蛋好難剝殼架!
    我試過煮咗成6分鐘,都剝到我死,你竟然可以兩分鐘都剝得咁靚?

    [版主回覆04/26/2011 00:39:00]為咗整依碟燻蛋,我剝殼剝到失敗咗好多隻架嘞!  
     
    經過今次我發現最主要係唔可以心急 - 煮完蛋後一定要浸凍水最少15分鐘先會剝殼! 咁就剝得又快又靚架嘞~
     
    不過煮6分鐘應該係hard boiled 唔係糖心咯喎!  
     
     

    回覆刪除
  31. 唔係呀,上次我6分鐘後,仍然好糖心呀!
    不過弊就弊在,我當日唔係想整糖心蛋呢!
    其實我係想煮糖水,加隻蛋落去,所以就先煮熟再剝殼,點知原來6分鐘仍然未熟晒,攪到我剝餐死,有一隻仲要剝穿咗個蛋白,流咗啲蛋黃出黎呀!
    原來粘心蛋要浸15分鐘水,又學多樣,下次整糖心蛋就識喇!
    [版主回覆04/26/2011 01:48:00]水烚蛋6分鐘都唔熟,咁妳一定係細火慢慢simmer 啦! 大火滾6分鐘肯定hard boiled 到個黃熟到黑!!
     
    烚蛋要凍水落蛋,水大滾後先開始計時~ 而且唔好蓋蓋要一直keep 住大滾!
     
     

    回覆刪除
  32. 我成日都整糖心蛋架,不過就未試過整燻蛋~~~
    [版主回覆04/26/2011 19:50:00]我超愛雞蛋!  超多煮法~ 而且無論點整都一樣好好食!
     
     

    回覆刪除
  33. 好好味呀 !等我戒完口試下整先(因做完個大手術剛5個星期)。
    [版主回覆04/26/2011 19:45:00]加油呀為食鬼!  戒完口妳就可以大食特食架嘞~ (好似我咁!)
     
     

    回覆刪除
  34. 我都唔知佢响邊度買喎  但我更 OUT,我根本唔知有呢樣好嘢
    [版主回覆04/26/2011 19:44:00]其實我估香港既洋人超市應該會有得賣~
     
     

    回覆刪除
  35. 你整得好靚呀...  我成日整半生熟蛋時剝殼都剝到好核凸架...  下次學吓你咁要耐性浸凍水等15分鐘先得...
    [版主回覆04/26/2011 19:43:00]Thanks Samchi 媽!  
     
    烚糖心蛋真係要好有耐性唔可以心急架~
     
     

    回覆刪除
  36. 嘻嘻,係呀,你估中咗,我係用好細火呀!
    因為我唔想浪費水同火力,用咗個細煲,放埋雞蛋後,如果大火啲水就會濺到四圍都係,所以只能用最細的一號火呀
    我煮雞蛋都係凍水就落架喇,如果唔係,蛋殼會裂架!
    [版主回覆04/26/2011 23:58:00]細火烚蛋只限用於hard boiled! 要烚糖心蛋都係大滾2分鐘啫,好快熄得火啦~
     
    不過無論烚全熟或糖心蛋都好,都要凍水落蛋,滾水落爆硬!!
     
     

    回覆刪除
  37. 請問燻蛋個wok用完係咪以後只可以燻野再唔可以普通用架?
    [版主回覆04/28/2011 02:51:00]當然可以啦! 燻果一陣之嘛,d味好快走架嘞~
     
     

    回覆刪除
  38. 我都好鐘意食旦, 有時間一定會試試
    [版主回覆04/28/2011 02:39:00]其實依個都好快架咋,最花時間係剝蛋殼~ 有時間試吓吖!
     
     

    回覆刪除
  39. 請問滴珠油係物嘢黎架? 唔知香港有無得買?
    [版主回覆04/29/2011 23:01:00]滴珠油係一種比老抽更濃稠更杰既甜豉油! e.g. 海南雞飯用果種~ 可以用來炒麵或撈麵,用來炆 鹵肉類會 更上色!
     
    我買既牌子係香港出品,香港一定有得賣!
     
    妳睇返依篇裡面有張滴珠油既相: http://hk.myblog.yahoo.com/veronicams_tsim/article?mid=49212
     
     

    回覆刪除
  40. 糖心蛋,令我諗起喺台北食既紅心土雞蛋,勁好食。你既復活雞仔亦令我諗起我之前送俾外甥女既電子雞仔,按雞仔下面會發聲架。

    [版主回覆05/04/2011 03:44:00]果d紅心土雞蛋望落唔似糖心喎......
     
    玩具雞仔好可愛~
     
     

    回覆刪除
  41. 呢個你整得好靚好成功﹐ 我都整過一次﹐亦係最後一次﹐ 事關我燻蛋燻到連我自己同我的FD+全個廚房都燻埋。 開晒窗都冇用~
    [版主回覆05/04/2011 03:42:00]Thanks MuiMuimui!
     
    哈哈~~~ 妳無叫妳朋友迴避咩? 連朋友都燻埋一份!  唔整燻蛋都唔緊要,就咁soft boiled 都好好食架!
     
     

    回覆刪除
  42. 如果我做薰蛋我要出屋外做做,因為我住村屋方便D
    [版主回覆05/16/2011 23:57:00]我就咁喺廚房整,可能我廚房夠大,而且燻果一陣啫,d蛋好夠煙燻味,但廚房完全無餘味~
     
     

    回覆刪除
  43. 應該勁好食.....我都想試下整.... 但請問甚麼是紅糖
    [版主回覆05/17/2011 19:55:00]妳好啊!  紅糖 = brown sugar - 即未經精製漂白既糖~
     
     

    回覆刪除
  44. 滴珠油.是什麼來的
    [版主回覆06/29/2011 20:25:00]
    滴珠油係一種比老抽更濃稠更杰既甜豉油! e.g. 海南雞飯用果種~ 可以用來炒麵或撈麵,用來炆 鹵肉類會 更上色!
     
     

    回覆刪除

Related Posts Plugin for WordPress, Blogger...