之前講過因為我唔嗜甜，唔鍾意食朱古力......
所以舊年復活節整咗茶葉蛋當復活蛋來應節~
今年復活節我就整咗燻蛋!
(剝殼剝到火都來埋!!
)本來想買鴨蛋來整，點知去到超市又賣鬼哂!
買唔到鴨蛋，唯有用返雞蛋來整啦......
1. Free range 雞蛋4隻，凍水下蛋，開蓋煮至水大滾，繼續大滾2分鐘後熄火。
2. 蛋即時沖凍水，再浸凍水15分鐘後剝殼。
(用湯匙輕輕敲碎蛋殼無咁易剝花蛋白架!
)
(可用老抽代替滴珠油，不過滴珠油比老抽更易上色~
)4. 將剝好殼的糖心蛋沾滿(3)之滴珠油，用廚房紙吸去多餘的滴珠油。
6. 上鍋蓋開火焗至出煙。(依個時候會聞到好香玫瑰香味!
)7. 開蓋放入蒸架，再在蒸架上放上糖心蛋。
8. 上蓋焗30秒後熄火，再焗1分鐘。
P.S. 用一把比較闊既刀來切
，糖心蛋黃會無咁易流失架!
Happy Easter Everyone!
1打薰蛋呀!唔該!
回覆刪除[版主回覆04/23/2011 20:33:00]1打燻蛋有排剝殼......要等喎!
好正, 不過整既過程好似好複雜咁!
回覆刪除[版主回覆04/23/2011 20:32:00]其實一d都唔難整，只係剝蛋殼時要好有耐性慢慢來! 妳都試吓啦!
Happy Easter My Lovely Baby!
復活節快樂呀
回覆刪除[版主回覆04/23/2011 20:31:00]Happy Easter Katie!
我鍾意玫瑰呀，一定要試吓！
回覆刪除[版主回覆04/23/2011 20:30:00]依個好香好好食架! 快d試吓啦~
噢！掛住食，忘了跟你說︰ 復活節快樂啊！
回覆刪除[版主回覆04/23/2011 20:30:00]Happy Easter La Belle!
must be super yummy!! Happy Easter Holiday!!
回覆刪除[版主回覆04/23/2011 20:22:00]Thanks gjmama! Happy Easter~
你整得好靚呀 個3個公仔好得意呀
回覆刪除[版主回覆04/23/2011 20:21:00]Thanks 笨笨! 3隻雞仔用來應節架嘛~
Happy Easter!
好㊣.......easter吃这好特别
回覆刪除[版主回覆04/23/2011 20:17:00]Happy Easter 啊月兒!
依個雖然功夫多，不過真係好香好好食呢~ 妳都試吓整吖!
整得好靚呀! Happy Easter!!!
回覆刪除[版主回覆04/23/2011 20:14:00]Thank you Yam!
Happy Easter~
Happy Easter~
回覆刪除整薰菜係咪要用一個專用既鑊? 我驚用平時炒餸個鑊, 薰完唔可以再炒餸哦...
[版主回覆04/23/2011 20:13:00]Happy Easter 艾菲!
我就用一個無瑭瓷層既cast iron 煲來燻，因為夠哂實淨，又唔會因為乾燒傷害到個煲~ 妳平時用咩鑊架?
Happy Easter, Mr. T & Mrs. T~
回覆刪除前幾日先至跟同事講開溏心蛋....哈~ 我估Honey應該鍾意, 我遲D試吓先!
[版主回覆04/23/2011 20:06:00]Happy Easter Ayesha!
好好食架，快d試吓啦! 不過有人話用鴨蛋仲正，最衰我尋日買唔到鴨蛋啦.......
我見到蛋以為妳整朱古力蛋
回覆刪除d雞仔好得意呀!
[版主回覆04/23/2011 20:04:00]no la! 我都唔鍾意食朱古力既~
d雞仔應節架嘛!
去 YouTube 找 剝蛋殼, 用口吹得呀。
回覆刪除[版主回覆04/23/2011 20:03:00]果條片我好耐之前睇過嘞，我覺得好假喎!
而且我唸就算真係吹得甩都只限hard boiled egg，糖心蛋咁delicate 咁吹法肯定會成隻散哂爆開哂......
Happy Easter!
疍疍很靚, 好正 復活節快樂!
回覆刪除[版主回覆04/23/2011 20:00:00]多謝chumama 讚賞!
Happy Easter 啊~
HAPPY EASTER MRS T
回覆刪除D雞仔俾你加左隻眼上去好得意呀!
燻蛋好正呀,重要隻隻流心既~
[版主回覆04/23/2011 19:57:00]Happy Easter 布丁!
嘻嘻~~~ d雞仔用來應節架嘛!
我都好鍾意食燻蛋! 又香又滑，而且流心蛋食多幾隻都唔會漏!
以前我只係試過用個煮麵既鍋嚟薰咋...搬咗屋後, 好耐都無整喇...見到你整, 我又心郁郁想試...
回覆刪除[版主回覆04/23/2011 20:59:00]如果妳怕整壞鑊既話，妳可以用d舊煲 - 爛咗都無所謂果d來試吓整!
wahahhaha !! 真係笑死我喇!! o個幾隻雞的造型真係好得意!
回覆刪除我超鍾意食溏心蛋架!平時只識去食拉麵時食夠2隻, 但從來都冇想過可以自己整到! 如果我整到好似你上圖咁O既水準,我honey一定愛死我
一於試下先!!!
Happy Easter to U and Mr T!!!
[版主回覆04/26/2011 01:01:00]Happy Easter 塔羅女神!
d雞仔應節嘛! 其實燻蛋或糖心蛋都唔難整，最主要都係剝殼既啫~ 只要唔心急浸水浸足最少15分鐘，就剝得又快又靚架嘞!
我朋友都有買 Free range 雞蛋食，佢話香港好難買倒喎，其實佢有乜咁特別呢？
回覆刪除[版主回覆04/26/2011 00:58:00]其實free range 蛋即係走地雞蛋之嘛~ 香港本地都應該有走地雞蛋架，妳朋友係咪要買外國野先咁難買呀?
Happy Easter d復活 蛋好正好吸引喎
回覆刪除[版主回覆04/26/2011 00:57:00]Happy Easter Gaile!
妳又整吖~ 好香好好食架!
我要兩隻蛋，唔咳！ 復活節快樂
回覆刪除[版主回覆04/26/2011 00:56:00]隨便唔洗客氣~
Happy Easter Jenny!
D 雞仔個表情好盞呀~~ 個燻蛋真係引死人, 尤其係個糖心
回覆刪除[版主回覆04/26/2011 00:55:00]雞仔應節嘛!
燻蛋一定要糖心先好食架嘛~ 試吓整吖，唔難整架!
Wow,我超愛燻蛋架,你整得好靓呀....我想問吓整完會唔會全屋都係煙燻味呢? 我屋企係open kitchen,部抽油煙機又唔係好勁...但我超想試整呀
回覆刪除[版主回覆04/26/2011 00:54:00]多謝Jay Jay 讚賞!
燻果一陣之嘛，唔會好大味既啫~ 我屋企 + 廚房都無煙味喎!
個樣好靚, 但唔敢食咁多蛋黃~~
回覆刪除[版主回覆04/26/2011 00:53:00]Thanks Sexymama!
我最鍾意就係流心蛋黃架嘞~
好攪笑呀!
回覆刪除我又要整。
[版主回覆04/26/2011 00:52:00]應節吖嘛!
好好食架~ 快d試吓整啦~
鴨蛋的蛋殼厚一點,比較好剝殼 而且 鴨蛋的蛋黃比較紅 整出來顏色漂亮一點 不要用刀切蛋 要用線來切
回覆刪除[版主回覆04/26/2011 00:50:00]Thank you~ 下次再整時我會試吓用線切!
嘩! 好似街食到果D咁!! 我之前都有試過整, 仲特登買左一個會顯示蛋熟情度的蛋形顯示器, 都係無鬼用. 一係勁熟, 一係勁生. 無一次成功. 我都好想做薰蛋. 等我再努力一下先至得.
回覆刪除[版主回覆04/26/2011 00:50:00]我都有果個煮蛋器，我又覺得幾好用喎!
妳試吓依個方法啦，希望妳成功啊~
整到好靚,好美味咁樣!good good good ,啲雞仔比你加左啲效果實在搞笑.好得意,哈哈......
回覆刪除[版主回覆04/26/2011 00:45:00]多謝晶晶讚賞! d雞仔應節嘛~ Happy Easter!
整到好靚,好美味咁樣!good good good ,啲雞仔比你加左啲效果實在搞笑.好得意,哈哈......
回覆刪除Hi, Mrs.T
回覆刪除好鐘意睇你個blog架，今次係第一次留言啊。
用第二種茶葉效果係咪一樣呢？
[版主回覆04/26/2011 00:42:00]妳好小樹熊! 歡迎妳~
我今次都係第一次整咋~ 我唔清楚用第二種茶葉效果係咪一樣...... 不過我唸除咗風味唔同之外，應該唔會有太大分別既~
嘩！糖心蛋好難剝殼架！
回覆刪除我試過煮咗成6分鐘，都剝到我死，你竟然可以兩分鐘都剝得咁靚？
[版主回覆04/26/2011 00:39:00]為咗整依碟燻蛋，我剝殼剝到失敗咗好多隻架嘞!
經過今次我發現最主要係唔可以心急 - 煮完蛋後一定要浸凍水最少15分鐘先會剝殼! 咁就剝得又快又靚架嘞~
不過煮6分鐘應該係hard boiled 唔係糖心咯喎!
唔係呀，上次我6分鐘後，仍然好糖心呀！
回覆刪除不過弊就弊在，我當日唔係想整糖心蛋呢！
其實我係想煮糖水，加隻蛋落去，所以就先煮熟再剝殼，點知原來6分鐘仍然未熟晒，攪到我剝餐死，有一隻仲要剝穿咗個蛋白，流咗啲蛋黃出黎呀！
原來粘心蛋要浸15分鐘水，又學多樣，下次整糖心蛋就識喇！
[版主回覆04/26/2011 01:48:00]水烚蛋6分鐘都唔熟，咁妳一定係細火慢慢simmer 啦! 大火滾6分鐘肯定hard boiled 到個黃熟到黑!!
烚蛋要凍水落蛋，水大滾後先開始計時~ 而且唔好蓋蓋要一直keep 住大滾!
我成日都整糖心蛋架，不過就未試過整燻蛋~~~
回覆刪除[版主回覆04/26/2011 19:50:00]我超愛雞蛋! 超多煮法~ 而且無論點整都一樣好好食!
好好味呀 ！等我戒完口試下整先(因做完個大手術剛5個星期)。
回覆刪除[版主回覆04/26/2011 19:45:00]加油呀為食鬼! 戒完口妳就可以大食特食架嘞~ (好似我咁!)
我都唔知佢响邊度買喎 但我更 OUT，我根本唔知有呢樣好嘢
回覆刪除[版主回覆04/26/2011 19:44:00]其實我估香港既洋人超市應該會有得賣~
你整得好靚呀... 我成日整半生熟蛋時剝殼都剝到好核凸架... 下次學吓你咁要耐性浸凍水等15分鐘先得...
回覆刪除[版主回覆04/26/2011 19:43:00]Thanks Samchi 媽!
烚糖心蛋真係要好有耐性唔可以心急架~
嘻嘻，係呀，你估中咗，我係用好細火呀！
回覆刪除因為我唔想浪費水同火力，用咗個細煲，放埋雞蛋後，如果大火啲水就會濺到四圍都係，所以只能用最細的一號火呀
我煮雞蛋都係凍水就落架喇，如果唔係，蛋殼會裂架！
[版主回覆04/26/2011 23:58:00]細火烚蛋只限用於hard boiled! 要烚糖心蛋都係大滾2分鐘啫，好快熄得火啦~
不過無論烚全熟或糖心蛋都好，都要凍水落蛋，滾水落爆硬!!
請問燻蛋個wok用完係咪以後只可以燻野再唔可以普通用架?
回覆刪除[版主回覆04/28/2011 02:51:00]當然可以啦! 燻果一陣之嘛，d味好快走架嘞~
我都好鐘意食旦, 有時間一定會試試
回覆刪除[版主回覆04/28/2011 02:39:00]其實依個都好快架咋，最花時間係剝蛋殼~ 有時間試吓吖!
請問滴珠油係物嘢黎架? 唔知香港有無得買?
回覆刪除[版主回覆04/29/2011 23:01:00]滴珠油係一種比老抽更濃稠更杰既甜豉油! e.g. 海南雞飯用果種~ 可以用來炒麵或撈麵，用來炆 鹵肉類會 更上色!
我買既牌子係香港出品，香港一定有得賣!
妳睇返依篇裡面有張滴珠油既相: http://hk.myblog.yahoo.com/veronicams_tsim/article?mid=49212
糖心蛋，令我諗起喺台北食既紅心土雞蛋，勁好食。你既復活雞仔亦令我諗起我之前送俾外甥女既電子雞仔，按雞仔下面會發聲架。
回覆刪除[版主回覆05/04/2011 03:44:00]果d紅心土雞蛋望落唔似糖心喎......
玩具雞仔好可愛~
呢個你整得好靚好成功﹐ 我都整過一次﹐亦係最後一次﹐ 事關我燻蛋燻到連我自己同我的FD+全個廚房都燻埋。 開晒窗都冇用~
回覆刪除[版主回覆05/04/2011 03:42:00]Thanks MuiMuimui!
哈哈~~~ 妳無叫妳朋友迴避咩? 連朋友都燻埋一份! 唔整燻蛋都唔緊要，就咁soft boiled 都好好食架!
如果我做薰蛋我要出屋外做做,因為我住村屋方便D
回覆刪除[版主回覆05/16/2011 23:57:00]我就咁喺廚房整，可能我廚房夠大，而且燻果一陣啫，d蛋好夠煙燻味，但廚房完全無餘味~
應該勁好食.....我都想試下整.... 但請問甚麼是紅糖
回覆刪除[版主回覆05/17/2011 19:55:00]妳好啊! 紅糖 = brown sugar - 即未經精製漂白既糖~
滴珠油.是什麼來的
回覆刪除[版主回覆06/29/2011 20:25:00]
滴珠油係一種比老抽更濃稠更杰既甜豉油! e.g. 海南雞飯用果種~ 可以用來炒麵或撈麵，用來炆 鹵肉類會 更上色!