老公返香港前後只短短幾日，不過帶咗好多野返來比我啊~~~~~
老公買比我既精神食糧......
又來無獎問答遊戲時間......
提示1: 係一樣我超級鍾意既食物;
提示2: 依樣食物英國係無得賣既~
大家估唔估到究竟Mr.T 買咗咩正野比我食呢?
答案留返下一篇網誌先揭曉!>>>>>>>>>>>>>>>>>>>>>>>>>>>>>>>>>>>>>>>>>
V媽媽託老公帶咗好多野比我啊!
有次同V媽媽傾電話時，我話想試吓蟲草花，V媽媽特別買咗包比我試吓!
屋企而家勁多花膠!
本身我屋企已經有4包 - 都係V媽媽之前買落比我未食哂既! 啱啱1月喺香港返來時V媽媽又買咗一包比我都仲未開......
再加埋今日依包，足足有5大包花膠!!
依包好鬼大包! 要快d拿拿淋搞掂屋企本身果2包存貨嘞!!
1月時喺香港攞咗2包返來都仲未開袋，而家又整多包......雪櫃爆棚無位擺嘞!!!!!
(睇來不久既將來，大家會經常見到我煲花膠、日月魚 + 響螺頭......
)
V媽媽之前都寄過一大樽陳年鹹柑桔比我，不過寄到來時都有少少漏!
今次V媽媽好醒~
佢先將鹹柑桔入落密實袋，再放入玻璃樽，一滴都無漏啊!!
依隻罐頭香港好似無得賣，不過V媽媽非常鍾意食! 有一位經常往返內地既Auntie，每次返內地都會帶好多罐比V媽媽，V媽媽同我分甘同味~
除咗野食之外.......
不過張氈喺喼裡面焗咗十幾粒鐘，好"香"蠔豉味!
我偶像譚校長係V媽媽多年來熟客!
有日校長同埋溫拿隊友彭健新 + 阿強一齊去V媽媽舖頭，2封利是上都有3人親筆簽名!
今次已經係V媽媽第2次收到校長既新年利是嘞~ 每次V媽媽都會將利是轉送比我依個校長超級大粉絲!! (網誌)
今次都唔例外呢! 嘻嘻~~~~~
>>>>>>>>>>>>>>>>>>>>>>>>>>>>>>>>>>>>>>>>>
雖然今次我無返香港，不過都收到blog 友們送比我既禮物啊!
真係好多謝妳地啊Shirley + Andrea! 雖然今次我無返香港，不過我收穫一樣好豐富既呢!!
哇哈哈~~~~~~
真係好多禮物~~~
回覆刪除[版主回覆04/15/2011 21:30:00]係呀~ 無返香港都可以坐享其成!
我睇到你包花膠，至醒起我屋企個咋花膠未郁過，頭都痛埋
回覆刪除[版主回覆04/15/2011 21:29:00]花膠越擺得耐越靚架! 而且唔洗放雪櫃架~ 所以花膠再擺耐d都無問題!!
我之前返香港都買左堆書返黎做精神食糧, 其中一本都係 <一個人吃太飽> 不過....我行李超重, 所以堆書仲遊緊船河過黎呢 ....
回覆刪除[版主回覆04/15/2011 21:28:00]我每次返完香港行李都一定超重架! 如果有太多書，我會臨上機果日去將書打箱去郵局寄特快 (去英國多數深夜機!)，咁樣我返到英國第二日就會收到書架嘞! 我個人心急，寄平郵我等唔到咁耐啊~
嘩...真係好多禮物喎...goodgoodgood! 究竟MR. T買咩比你呢?!...
回覆刪除[版主回覆04/15/2011 21:26:00]妳估唔估到果盒係咩來呢?
嘩~妳冇返香港都有咁多禮物,我睇見都開心
回覆刪除個玫瑰cushion我覺得好襯妳架~估妳會鍾意
[版主回覆04/15/2011 21:22:00]個玫瑰花cushion 真係好cute 好靚啊~ 而且仲軟綿綿好舒服，我真係好鍾意啊~ 好多謝妳呀Andrea!
會唔會係空運飽魚飛機餐呢
回覆刪除[版主回覆04/15/2011 20:56:00]錯~ 再估過!
嘩! 很多精神食糧. 真幸福呢! 非常羨慕你.
回覆刪除[版主回覆04/15/2011 20:55:00]今次唔算多架嘞! 今次老公返得去幾日，又有正經野搞，都無咁多時間幫我買野~
嘩! 很多精神食糧. 真幸福呢! 非常羨慕你.
回覆刪除Happy 晒啦！Mr. T 幫你帶咁多禮物同手信返嚟！連炸魚皮都有..........
回覆刪除[版主回覆04/15/2011 20:42:00]我地次次返香港V媽媽都會買炸魚皮比我地，因為我老公好鍾意食嘛!
frermented tofu?
回覆刪除[版主回覆04/15/2011 20:32:00]nope! we can buy fermented tofu over here~
真係好多手信吖。。。
回覆刪除你地就好啦可以帶咁多嘢入境。。。
你煲多 Ｄ 花膠，日月魚。。。
等望梅止渴。。。。
[版主回覆04/15/2011 20:31:00]我屋企而家真係有好多花膠、日月魚 + 響螺頭.....真係要煲多d來飲清吓貨!
V媽係開咩舖頭呀?我都好鐘意校長，等我去見吓校長!
回覆刪除[版主回覆04/15/2011 21:36:00]哈哈~~~ 校長唔係24小時長註V媽媽舖頭果喎! 我細個時見過佢幾次; 近年返香港只喺舖頭撞過佢一次咋~
英國嘅家庭會唔會有個freezer喺屋企？ 我喺温哥華嘅娘家有o架，媽咪用嚟專門擺海味！ 睇嚟你哋都需要一個嘞！
回覆刪除[版主回覆04/15/2011 21:35:00]會呀~ 我99車房裡面有2個棺材咁大既freezer，用來藏屍都得呢!
我估係V媽煮既鮑魚!!! 珮夫人
回覆刪除[版主回覆04/15/2011 21:33:00]錯~ 唔係鮑魚! 係超市買既現成食物，唔洗煮既一開盒就食得! 係妳果邊既"特產"來!!
sorry , what I said should be fried fermented tofu ...or durien?
回覆刪除[版主回覆04/15/2011 21:32:00]nope! though im with fried fermented tofu, but im not that desperate!
besides, i cant stand durian at all, i hate it!!!!
妳鍾意就好喇
回覆刪除我都鍾意 Mr.T 夾俾妳既 Pikachu~~好cute
[版主回覆04/15/2011 23:45:00]隻Pikachu 真係好鬼cute 呢! 尋日我將隻Pikachu 放喺頂玫瑰花上面，double cute~ 好鬼襯啊!
青口???今次再估錯咗唔估嘞,等妳開估好過
回覆刪除[版主回覆04/15/2011 23:44:00]都係錯! 妳都係等我下一篇網誌先開估啦!
滿載而歸, 真好... 另外你有咁多存貨, 要清都要一段時間呢!
回覆刪除[版主回覆04/15/2011 23:43:00]係呀~ 就算餐餐整花膠日月魚響螺頭......我唸真係都要好一段時間先清到貨!
我每年都返香港，次次搬一大堆野返來; V媽媽間中又會寄一大箱救援物資過來比我.....積積埋埋咪一大堆囉!
眼線筆同胭脂都好好用架，依隻胭脂色係限量色黎架，快啲試下啦 超市現成食品？但又用報紙包到實一實？係咪榴蓮？所以要包到有咁實得咁實？唉呀...好難估 妳快啲煲多啲花膠湯，我精神上幫妳手飲啲呀
回覆刪除[版主回覆04/15/2011 23:37:00]Thank you 哂啊! 盒胭脂個盒仔已經好鬼靚靚呢~ 等我下星期搵晚化個靚妝去食後補情人節飯先!
妳令我太失望嘞! 人地最鬼憎榴槤架嘛!!
包得實其實只係想保護佢個易變型既包裝! 估唔估到係乜呢??
無問題~ 我下次煲花膠湯通知埋妳個精神吓!
V V 收獲豐富 wor~
回覆刪除[版主回覆04/16/2011 00:29:00]係呀~ 多謝哂V媽媽、老公 + blog 友們囉!
呢樣野....應該有強烈氣味...係肉....我估係金華火腿！（呢樣英國應該有ga wor...） um....豬肉乾？
回覆刪除p.s炸魚皮係正野。
[版主回覆04/16/2011 00:28:00]錯! 依樣野 無 強烈氣味，亦唔係肉~ 妳都識話英國有金華火腿賣啦!
豬肉乾英國都有得賣! 所以都唔啱~
好呀，快啲試， 入面個粉卜仔好cute架， 試完整張靚相黎睇下 乜咁橋呀，我都好憎榴蓮架，見佢包到咁實咪估下係咪有味野囉 初初我一睇到咁包法，我估係咸魚架，跟住睇到妳話超市買既現成食品，咁即係唔係啦 易變形既包裝?? 又一開就食得?? 會唔會係嘉頓麵包條呢? 真係好難估到
回覆刪除[版主回覆04/16/2011 09:48:00]試完緊係影張相比妳睇! 不過唔包一定靚果喎~ (費事一陣又有人話我以為自己好靚啦!! )
我由細到大至憎榴槤!!! V爸爸V媽媽就好鬼鍾意，不過佢地買咗，我要佢地放出門口，一放入屋開冷氣我會焗到頭暈架!!!
鹹魚 + 麵包我依度有得賣啦! 錯!!! 不過我開咗估嘞~
喂~ 試咗枝極上胡麻油未呀?
我哋一家四口會揸車過嚟㗎！ 大豬小姐 Booked 咗 30/5 去 Edinburgh University， 31/5 就去 Glasgow University！ 我都好耐冇 o係 UK 住過 B & B 嘞！ 所以心目中就冇乜 Budget 㗎！ 我諗普普通通嘅價錢啦！ 其實最緊要近呢兩間大學嚕！ 咁我哋五月先再約啦！
回覆刪除[版主回覆04/16/2011 09:45:00]無問題~ 我叫老公聽日幫妳check 吓吖!
不過妳地一家四口住B&B應該唔係好方便，試吓幫妳地搵budget 酒店吖~ 唔會太貴既啫! 我依一兩日覆妳吖~
呢包神秘野會唔會係"雞肉腸"呢 ??? 好緊張呀, 快d問估啦!
回覆刪除[版主回覆04/16/2011 09:40:00]妳個答案都好合理! 不過唔啱!!
答案已開咗估嘞~ 睇我最新篇網誌啦!
V女 果然收獲豐富
回覆刪除[版主回覆04/16/2011 09:39:00]嘻嘻~~~ 唔洗飛來飛去坐享其成呢!
係呀，我將啲花膠放係陰涼地方，但陰涼地方已經爆棚，無位放喇
回覆刪除[版主回覆04/16/2011 19:53:00]我忽發奇想喺度唸 - 如果我一次過發哂我屋企d花膠，肯定會有滿滿一個浴缸!
咁多存貨有排食啦
回覆刪除[版主回覆04/16/2011 19:51:00]
而家清之前既存貨都有排清呀!
v 媽媽買乜野。
回覆刪除[版主回覆04/16/2011 19:43:00]咪買咗大咋野食比我囉!
收穫好豐富，不過點樣將咁多野塞曬落喼？
回覆刪除[版主回覆04/16/2011 19:43:00]我地d喼好大個架! 另外仲有手提行李呢~
Mr.T D行李 咪起重囉
回覆刪除[版主回覆04/16/2011 19:41:00]一向回程行李都會超重架啦!
係V媽媽舖頭買乜野???
回覆刪除[版主回覆04/16/2011 20:54:00]V媽媽舖頭係"賣"野唔買野果喎!
靚女, 玩野呀, 老實作答。
回覆刪除一定靚，我話既 支麻油未試呀，因為有兩支開咗既麻油未用晒呀，等我用埋即試
回覆刪除[版主回覆04/18/2011 05:42:00]妳做媒既!
我而家食緊上次去倫敦買另外一個牌子果枝日本麻油，不過我覺得都係唔夠極上咁香!
v媽媽真係好錫你呢!
回覆刪除[版主回覆04/18/2011 05:39:00]每個媽媽都鍚自己仔女架啦!
個d 全部可以帶上機ga???
回覆刪除[版主回覆04/18/2011 05:39:00]入倉呀!
聞說，發好嘅花膠只可放冰格6個月，6個月內要食晒都幾大鑊，哈哈哈
回覆刪除[版主回覆04/19/2011 00:27:00]我通常食之前先會發架! 因為雪櫃3個冰格都爆哂棚......
我最有興趣係譚校長封利是入邊係咩
回覆刪除[版主回覆04/20/2011 06:33:00]利是入面緊係錢來架啦!
呀 ~~~~ 我都係譚校長 fans 啊 !!
回覆刪除[版主回覆04/21/2011 05:48:00]gimme5! 由細到大校長都係我偶像呢!