木瓜日月魚煲雞腳; 紅酒燴牛尾; 清蒸比目魚 + 蒜蓉炒菜心
V女廚房海味清貨大行動正式開始!
第一炮首先清清雪櫃裡面有4包之多既日魚月......
木瓜既清甜加埋日月魚既鮮甜.......正!!!!!!
早幾日喺Morrisons 見到牛尾半價，一盒3 or 4舊幼搣搣骨多過肉，減咗價每盒都要成廿幾蚊港紙......咁未減價咪好鬼貴!!?!?
Weekend 去泗和行買餸，見肉枱有真空包裝既牛尾......
入焗爐一路焗，老公一路話"好香呀! 好香呀!!"
老公超鍾意依味餸，雖然要累骨又食到落手落腳 (佢至憎累骨 + 落手落腳!!)，不過佢一路食一路話好正，仲叫我下次一定要再煮依味呢~~~
Morrisons 魚枱見到比目魚 (plaice)幾新鮮，買咗一條來清蒸~
>>>>>>>>>>>>>>>>>>>>>>>>>>>>>>>>>>>>>>>>>>
近幾日天氣超好，櫻花又正盛開......
由超市返屋企短短幾分鐘車程，整個車箱中已經充斥住thyme 既香味~~~ 果真係名副其實"百里香"!
哈~ 唔知thyme 又會唔會開花既呢?
>>>>>>>>>>>>>>>>>>>>>>>>>>>>>>>>>>>>>>>>>>
講返之前Easter weekend~
Easter weekend無煮過正餐，不過我無偷懶有整野食架......
)
不過個模8.5"似乎太大咗少少 - 整依個蛋糕足足用咗我10隻蛋!!!!!!!
>>>>>>>>>>>>>>>>>>>>>>>>>>>>>>>>>>>>>>>>>>
星期日(4月24日)同損友們喺泗和行飲茶......
損友們話我成日喺FB 貼煮餸相引到佢地流哂口水
，要求要來我屋企作客，要我下廚煮一餐比佢地食!佢地仲大用激帳法: 日日都有野食相post 上FB，都唔知係咪google search 搵相加個水印上去話係自己煮! 想証明自己清白就煮一餐比我地食!!
睇來係時候煮返餐來剝剝佢地棚牙嘞!! 木瓜日月魚煲雞腳食譜click here~ 紅酒燴牛尾食譜click here~ 玫瑰茶燻蛋食譜click here~ 湯種楓糖吐司食譜click here~ Angel Food Cake (天使蛋糕)食譜click here~
沒有留言:
發佈留言