，仲"玩"足幾粒鐘之後先比人發現，傳聞仲累到有個保安比迪士尼炒咗魷魚......真係好難理解果位仁兄究竟唸緊乜野? 夜媽媽成個迪士尼都收哂工，一個人偷入去有咩野好做??
內地自由行遊客去到香港周街小解大解已經屢見不鮮，一早上哂各大傳媒;
幾乎世界各地所有機場都有同胞既蹤影，周不時見佢地喺候機室一人用幾個袋幫同行但行開咗既人霸住坐位;
我亦親眼見過佢地無位坐時成班人打橫一排咁靠牆踎喺度!
就算有位坐都好，佢地都未必坐得正正經經e.g. 除咗對鞋，將腳"晾"上坐位旁邊附設既茶几上~ 唉.......
早兩日同V媽媽傾電話，V媽媽講咗一件事比我知......
農曆新年期間，有一日V媽媽喺舖頭門口撞見鄰店一位auntie 一家大細 (大約有5、6個人左右啦~)，新年流流大家互相祝賀後就緊係派利是啦......
V媽媽喺手袋攞咗叠利是出來派比auntie 仔女新抱孫女......突然V媽媽見到有2隻手"插入"來嘗試自行攞佢手上既利是!
V媽媽轉頭一望，發現係2個一大一小既小男孩，大既大約10歲左右 - 不過V媽媽係完全唔識佢地2個既!!
V媽媽再望望隔離垃圾桶，有2男1女成年人企喺度食煙，果2個小男孩係同依3個大人一齊既 - 來港自由行既大陸同胞~
果幾位成年大陸同胞唔係唔知小男孩攞V媽媽利是果喎 - 因為佢地3個眼金金咁望住2個小男孩伸手，完全無意圖去阻止佢地咁做!
之後V媽媽問2個小男孩: 你地做咩呀? 果2個小男孩先至縮手呆望V媽媽~ 直至果2男1女食完煙，先帶住2個小男孩走咗，由始至終都無講過一句說話!
唔係想一竹篙打沉哂一船內地人，
不過唸深一層 - 我又真係唸唔到仲有咩其他人會做得出d咁既事? 去得香港自由行都應該唔會係窮既大陸人啦......
V媽媽同我講: 佢地望住架嘛，點會由得果兩個細路攞我利是架? 比在係我即時一手就拉返佢兩個打到飛起啦! 又會有d咁既人......(真實對白)
(係架~ V媽媽好惡架! 我細個時都幾奀皮，比佢打唔少架......
)Mr.T 真係好可愛! 我同V媽媽傾完電話後，佢竟然問我......
Mr.T: 吓??? 咁離譜! 咁媽咪有無比利是佢地呀? (Hon~ 你唔係吓哇!!?!?! 
)
沒有留言:
發佈留言