杞子菠菜滾豬潤; 鹹蛋蒸肉餅 & 蒜蓉炒菜心
尋日(4月29日)William 皇子大婚，全日無論電視、Internet、甚至FB都蓋天覆地見到William + Catherine 個樣......
係呀~ 我全程都無睇喎!
對佢地結婚無咩興趣~ 好似平時d明星結婚咁之嘛 - 我都係完全無興趣!
我又唔識佢地，佢地結婚關我鬼事? 唔明點解其他人咁興奮!
不過我又唔覺得佢地乞人憎既，佢地大婚我都有以下少少感想:
- Catherine 好靚，樣子討好而且氣質好高貴好classy;
- Sarah Burton 設計既婚紗，個人覺得腰以上半身貼身deep V配lace 依個設計好靚! 唯獨拖尾剪裁感覺太厚重，同上半身"輕青"感覺格格不入，似拖住大叠未摺好床單......
- Catherine 花球太細隻，感覺鬼鼠;
- Catherine 婚紗配飾只有頭上由英女皇借出既鑽冠 + 嫁妝鑽石吊咀耳環，同婚紗配搭得宜，好適合佢高貴既氣質;
(我個人覺得 - 若換過個花球 + 改改婚紗拖尾就perfect 嘞! 
)- William 依幾年甩頭髮真係甩得好厲害! 而且個樣越來越似佢老豆!
- Beckham 條呔 + gel 到行哂既頭 + 佢老婆頂唔知想點既帽 = Stupid X 3!
八完~ 講返尋日餐飯......係臨時興起突然想煮既! 所以唔夠時間煲湯......不過雪櫃裡面有包菠菜......
又鐵質豐富既滾湯嘞~ 雖然Mr.T 唔食豬潤，不過佢都話依個湯好好飲!
鹹蛋蒸肉餅 - 一個超級家常既小菜~
但唔知點解咁多年來我既煮食生涯都從未整過!!?!?!
之前蒸親肉餅都係用梅菜!!
正好上個月浸咗樽鹹蛋係時候出世，今次就試吓整鹹蛋蒸肉餅啦!
之前網上唔知邊度睇過話蒸肉餅時用少少麥皮去撈免治肉，蒸出來既肉餅會更滑!
於是今次我都試吓......
英國一向買中國蔬菜都好鬼貴!
洋人超市來來去去都係西蘭花、椰菜花、椰菜、spring greens.......
我鍾意食菜，但始終都係要食中國蔬菜!!最近發現泗和行多咗一隻European 菜心苗，價錢比平時中超買開既菜心平好多，而且菜好靚好新鮮......
除咗價錢平好多好抵食之外，我完全食唔出依隻European 菜心苗同平時買開既有咩分別喎!
杞子菠菜滾豬潤食譜click here~ 鹹蛋蒸肉餅食譜click here~
哈...你隻咸蛋漏油ga, 正!!
回覆刪除[版主回覆04/30/2011 21:11:00]嘻嘻~~~ 係喎! 我啱啱先見到張肉餅相個蛋黃漏黃油喎! 除咗漏黃油之外，蛋黃仲起哂沙呢~
麥片我有時會唔記得加...hehe...但我好鍾意用鹹蛋白撈肉餅, 鹹香好好味...
回覆刪除好有同感, 件婚紗上半身好靚, 但下身好似張床單咁...
[版主回覆04/30/2011 22:12:00]我今次第一次試吓加麥片咋，估唔到真係咁好食! 老公又愛上咗依味餸嘞~
件婚紗其實好襯佢，不過真係有好強烈上輕下笨重既感覺，睇佢著住都戥佢攰......
完全認同 !
回覆刪除[版主回覆04/30/2011 22:09:00]妳指Royal Wedding?
d 湯有 d 油, 妳有冇隔油瓶。
回覆刪除[版主回覆04/30/2011 22:08:00]我從來食乜都唔隔油果喎! 而且我覺得妳睇到既只係豬潤溶咗既蛋白質來，唔係成層油浮喺面果隻，用隔油壺係隔唔到既!
超有同感!!! 好多人特登返屋企睇live..yyyyy??.所以我都冇得揀.... 睇到眼訓 我真係完全冇興趣! 我淨係留意到 Victoria Beckham pregnant?!??! since when.?!?!... kate超瘦好elegant!but個樣好累咁. .. （呀妹都激瘦） Prince William 得體過細佬好多,細佬好似好唔自在+尷尷尬尬咁
回覆刪除[版主回覆05/02/2011 09:51:00]Victoria Beckham 有咗7個月架嘞，佢想追個女嘛~
見到你個鹹蛋黃，引到我又心思思喇！
回覆刪除其實一早見你整時，已經想試，不過一直都唔得閒，好，聽日一於出街市買啲鴨蛋黎試試先得！
[版主回覆05/02/2011 09:48:00]醃樽鹹蛋好快手之嘛! 快d買鴨蛋試吓整啦~
係呀，我都完全無睇個婚禮呀！
回覆刪除不過尋日月睇返啲報導，好似話件「床單」，係要就返個咁「莊嚴」的場合喎！
[版主回覆05/02/2011 09:47:00]話哂係Royal Wedding，佢件婚紗當然要莊嚴! 預咗唔會見到佢坦胸露臂架啦.......
而家佢件婚紗正係咁既款式，我只係覺得婚紗拖尾剪裁得唔靚啫~
中國蔬菜直頭係超貴！我屋企距離唐人超市又遠，所以都好少食到中國蔬菜！間中喺 Waitrose 就見到白菜或者小唐菜，不過超貴！
回覆刪除[版主回覆05/02/2011 09:42:00]鬼超d小棠菜 + 白菜真係細包到把鬼，一包炒埋得果丁屎! 小棠菜無味無道，我都係鍾意食中國菜多d!!
我見到嗰兩隻蛋王...真想咬落去 我好鍾意食咸蛋王架!
回覆刪除[版主回覆05/02/2011 09:37:00]我都係鍾意食鹹蛋黃多過鹹蛋白!
用 麥片又真係幾SPECIAL WO! 但係沖左水定未沖水嫁?? 我今日用左你之前菠蘿包個食譜牙,但半失敗左牙!!! 唔知係咪湯種問題呢...
回覆刪除[版主回覆05/02/2011 09:34:00]就咁加乾麥皮~ 如果要沖水既，我上面食譜都會話要沖水啦!
唔知妳個菠蘿包有咩唔妥? 所以唔知係咩野出咗問題........
個鹹蛋好靚wo!整出黎個肉餅送飯一流呀!!
回覆刪除[版主回覆05/02/2011 09:32:00]Thanks Winnie! 依個真係十大好送飯既餸來!!
原來你第一次做咸蛋蒸肉餅呀...真係估你吾到..... 我上網都見人哋話加燕麥蒸肉餅好滑...但咁耐都未試過....
回覆刪除[版主回覆05/02/2011 09:30:00]我明明好鍾意食依味，但唔知點解從來都無整過??!
話說我星期五返工個日....... 成公司既TOPIC就係個晚皇子大婚....... 不停地俾人問究竟你會唔會睇.......... 放工之前30分鐘俾人問左3次............. 珮夫人
回覆刪除[版主回覆05/02/2011 09:30:00]吓........................!!!!
咁妳有無睇到呀?
我反而覺得有興趣既 係英國個邊開個D賭法 提材好好笑
回覆刪除[版主回覆05/02/2011 09:28:00]依度d人乜都賭一餐架啦! e.g. 聖誕落唔落雪.....見慣不怪咯!
最後我係有睇既...咁岩食飯咪開電視睇下囉 不過只限WILLIAM入場...至到佢地講完個VOW 之後都轉左檯 珮夫人
回覆刪除[版主回覆05/04/2011 04:10:00]我真係一d都無睇~ 只限第二日網上既硬照咋.....我有少少out 啊!
William 皇子大婚真係好觸目 , 成個世界都好似一齊去婚讌咁 , 但V女我跟妳一樣 都係果一句 , "關我鬼事" haha ! 昨天跟另一半逛逛街 , 走進 Le Creuset Counter , 我用心的再去看看這品牌的品質呢 ! 因我想起V女妳回覆呢 ! anyway , 多謝妳每次在我留言給妳都回覆我呢!
回覆刪除[版主回覆05/04/2011 04:09:00]我真係唔明點解d人咁興奮? 我地除咗無份去冚佢地果餐之外，佢地個婚禮仲係用納稅人既錢 - 即係我老公有份夾錢比佢地結婚擺酒! 唸起都有少少嬲嬲地呢!!
其實LC / Staub 邊個精細d都無所謂啦，都係見仁見智 + 個人喜好啫! 自己覺得好用啱自己咪得囉~ 我有一個IKEA cast iron pan 都一樣好好用，我好鍾意!
喺我blog 裡面留言既每一位blog 友只要有禮貌，我每一位都會回覆架!