我會掛住佢掛到茶飯不思無心機煮飯食呢?
緊係唔係啦! 我又唔係機械人來，掛住老公都要食飯架!!
不過依幾晚我既晚餐組合的確有少少9唔搭8......
4月10日: 花生眉豆栗子乾煲豬尾 & 煎西冷扒配白飯
中又唔中餐得哂，西又完全唔算西餐......
4月11日: 花生眉豆栗子乾煲豬尾; 蒜香牛肉粒 & 炒菜心
依餐個組合算係最正常!
盒西冷扒有2塊~ 之前果晚煎咗一塊;
第二晚唔想再食煎扒......
第一次整依個，我覺得老公一定會鍾意食! 下次整比佢試吓先~
早幾日陽光普照又好鬼熱......
落完雹天氣轉涼咗好多，本來唔多想食生冷野......
見雪櫃剩返幾條菜心仔，順手炒埋佢啦~
仲有幾粒鐘老公就返來嘞! 今晚唔洗食自己嘞~~~
花生眉豆栗子乾煲豬尾食譜click here~ 蒜香牛肉粒食譜click here~ 日式青瓜蟹籽沙律食譜click here~
Haha...小別勝新婚~~
回覆刪除唔知香港有無 香椿醬賣呢? 得閒去永x搵下先~~
[版主回覆04/15/2011 22:52:00]我都唔知香港有無香椿醬賣啊~ 不過油麻地永安樓下真係好多台灣食品賣架! 有時間去行吓吖~
一個人食飯也來得這麼豐富 , 佩服呀! 而我.... 如果一個人 , 生果鮮奶便是一餐了! 其實我喜歡入廚 , 但較喜歡煮給別人品嚐 , 一個人時簡簡單單已可以呢!
回覆刪除[版主回覆04/15/2011 22:48:00]我以前讀書時自己一個人住習慣咗一個人煮飯開餐嘛! 所以就算而家得我自己一個人食飯，我都會照煮~
我唔鍾意食甜野，所以幾乎完全唔食生果，用生果來代正餐對我來講唔work 啊!
你係咪好鐘意煮嘢食呢?一個人都煮飯食
回覆刪除[版主回覆04/15/2011 22:43:00]係呀~ 我又鍾意煮又鍾意食! 而且一個人都要食飯架!!
好乖女啵 一個人都有心機煮 我通常一個人都唔會煮啦 求求其搵d野食飽就算
回覆刪除[版主回覆04/15/2011 22:42:00]一個人都要食飯架嘛! 而且老公吩咐落叫我唔准食公仔麵當飯......
我自己一個食飯又係九唔搭八...有時玩晒Fushion架...honey返嚟, 會煮咩呢?
回覆刪除[版主回覆04/15/2011 22:41:00]我依幾日都好有fusion feel 啊! 中西合壁，日本 + 台灣.....
一個人食飯都咁豐富 , 佩服呀! 我哋三母女都冇咁豐富！
回覆刪除[版主回覆04/15/2011 22:30:00]Mr.T 返香港前吩咐我要好好食飯嘛! 而且我一向大食慣.....
我而家冇野做唔想晚晚出街食開始買餸煮飯不過就冇妳咁豐富
回覆刪除原來一個人食飯都唔係好悶真係想食咩都得
[版主回覆04/15/2011 22:29:00]我一向同Mr.T 一齊開餐大食慣嘛!
係呀~ 自己一個人食飯都可以好好enjoy 吓煮野既過程!
me McDonald only.
回覆刪除[版主回覆04/15/2011 22:28:00]i dont really like McDonald's! i think my own cooking is a lot better!!
其實有時我自己一個人食飯都會好似你咁煮得好豐富架
回覆刪除唔知點解呢覺得就算得自己食,都要食得好D先滿足到自己咁XD
個沙津好足料啵
[版主回覆04/15/2011 22:21:00]自己一個人食飯已經好寂寞，所以更加要食好d!
自己整幾時都足料過出街食! 抵好多呢~
回覆刪除我又係好鍾意食呢個架！
[版主回覆04/15/2011 22:16:00]咁妳又整啦! 依個超容易，而且抵過出街食好多呢~
妳一個人食都好豐富喎 我好多時都係一菜一肉不過煮堆就分2餐食
回覆刪除依家d天氣真係反常, 香港呢幾日熱到 我終於都病左啦 睇左醫生個人仲
[版主回覆04/15/2011 22:15:00]一個人都要食飯架嘛! 而且Mr.T 吩咐落叫我唔好食立雜野......
Mr.T 都話香港好鬼熱! 妳病咗要休息多d，飲多d水補充水份啊! 蟹籽沙律依d生冷野唔好食住嘞，好返先整啦! 要快d好返啊!
一個人餐餐都好豐富 而且好yummy
回覆刪除[版主回覆04/15/2011 22:12:00]一個人都要食飯架嘛! 自己一個人食飯更加要對自己好d呢!!
一個人餐餐都好豐富 而且好yummy
回覆刪除請問你的蟹子在那麼買到架? 一個人都食得好豐富呀!!
回覆刪除[版主回覆04/16/2011 00:34:00]蟹籽喺泗和行硬櫃買既，好似雪糕咁上下一桶仔架! 有排都用唔哂呢~
一個人都要食飯架嘛!
THANKS! 我這裡無泗和行呀! 唔通要去LONDON或GLASGOW入貨....
回覆刪除[版主回覆04/16/2011 09:59:00]唔洗客氣!
其實未必一定要泗和行先有既，我依度有其他中超都有急凍蟹籽賣，妳睇吓妳附近既中超有無入貨~
我一個人時大多數都食即食麵咋 , 費事又洗一大埋碗碟嘛!
回覆刪除[版主回覆04/16/2011 09:58:00]老公返香港前吩咐落唔准食即食麵當飯嘛~ 而且即食麵我通常迫不得已情況下先會食......
全部都係1人晚餐
回覆刪除[版主回覆04/18/2011 06:50:00]係呀~ 果幾日老公返咗香港，得我一個人自己食飯嘛!
睇唔出你可以食到咁多飯喎！
回覆刪除[版主回覆04/20/2011 06:24:00]我係飯桶來架! 無飯我會連餸都食唔落架!!
一個人食飯時我會用大湯碗裝飯 - 因為無人幫我去廚房盛飯嘛!
唔中唔西好有殖民地港式西餐FEEL~
回覆刪除[版主回覆05/04/2011 04:11:00]
哈哈~~~~ 妳形容得好鬼貼切呢!