Merry Christmas 2016

大小A第一個聖誕節 ❤

媽媽DIY: Double Pompom Baby Headband

英國雖然都有好多BB頭飾髮夾選擇，
不過價錢貴，款式又唔夠香港果d靚，
好難揀得啱我心水! 既然係咁...就等媽媽自己試吓親手造比大小A啦~ ^^

垃圾人定律

朋友喺FB 分享咗一段短片，可能好多人都已經睇過，
但我覺得非常有意思，喺度同大家分享 ^^

10週年

好多人話生咗小朋友後，就會完全無哂同老公既二人世界.......
我 + Mr.T 仲要打孖來，雖然二人世界時間變得奢侈咗，
不過特別既日子，拖仍然是要拍的! ^^

10月11日係我 + Mr.T 結婚10週年 ❤
不過當日要帶大小A打第三次預防針，打完針拿拿臨帶佢地返屋企覺豬，
所以無特別慶祝，當時Mr.T 正值休息2星期，每日都陪住我地又幫手照顧大小A ^^

今年結婚10週年其實我 + Mr.T 已經收咗一份超級大禮 - 當然就係大小A啦 ❤
不過按照傳統結婚10週年我應該要收一份有鑽石既禮物 XDDD 
又按照另一個傳統，BB出世後，爸爸應該送媽媽一隻eternity ring~ LOL

後知後覺...Yahoo 舊Blog 文死圖!!!!

生B前荒廢咗個blog 一排........
都無留意 + 唔知幾時開始之前由Yahoo Blog 搬過來既blog 文全部死哂圖!!!!!
即係話2013年11月前既blog 文全部都死圖，真係好鬼憎Google 呀~~~~~~

好彩Yahoo Blog 摺時，我同時將舊blog 文搬咗去點煮網，果邊d舊圖無事!
不過我真係頂唔順咁多blog 文無哂相，尤其係食譜........
所以我打算一有時間就會將點煮網果邊既食譜圖，慢慢copy 返過來，
暫時我會主要修復食譜既圖，其他舊blog 文唔理住嘞，
希望可以盡快攪返掂所有舊食譜啦~

Happy Halloween 2016

有無人知道大小A造型係咩來呢? ^^
舊年依個時候啱啱有咗BB，暫停咗一年Halloween 攪作，
今年捉大小A打孖上攪返夠本! XDDD

大小A第一次Halloween 當然唔可以求其啦!
決定咩造型之前，我 + Mr.T 商量咗好耐 - 究竟應該同佢地扮cute 定恐怖呢?
唸深一層Halloween 好似要有血先應節，
而且大小A兩個傻樣，應該點扮都無人會覺得佢地恐怖! LOL

薑蔥沙茶炒豬雜

依碟只有豬心 + 豬腰...本來想加埋豬潤，
不過一個豬心真係好鬼大，再加埋兩隻豬腰，切埋有一大碟，
Mr.T 又唔食內臟，所以依碟野得我自己食...唯有捨豬潤啦~

人參果紅蘿蔔粟米煲紅螺頭

人參果之前聽就聽過，但完全唔知咩野樣 + 咩味 + 食法......

PPAP (大小A Version)

最近有首歌好鬼hit...PPAP......其實我都唔明點解會咁紅?
Any肥，趁首歌仲hit 緊，搵大小A抽吓水先!! XDDD

Miele 食譜: 冬蟲草花膠瑤柱燉瘦肉

100th Day (2016年9月29日)

開心既時間過得特別快...眨吓眼大小A已經100日嘞! ^^
有時唸返仲大緊肚既時候，好似只係幾個星期前既事 XDD

當Skinny jeans 不再skinny......

好多女人都話因為怕變肥身材走樣而決定唔生小朋友......
但邊個話生小朋友一定會變肥身材會走樣架?

生大小A前幾星期，我個肚超巨型 + 雙腳超級水腫，
體重最高峰時有166磅 (從來無唸過自己會有依一日......)
原本著4號(37碼)鞋既我，當時連5號半鞋半隻腳都塞唔落!
我仲喺度安慰自己: 決定咗生小朋友就預咗架啦~
所以把心一橫執咗好多衫褲鞋攞咗去賣，
衣櫃騰出來既空位，準備迎接生B後大d尺碼既新衫褲......

後來攞咗輯孕照，睇到相裡面既自己塊面脹卜卜，我都係接受唔到自己咁既樣!!
於是從來都唔做運動既我同自己講: 生完BB + 傷口好返之後，我要的起心肝做運動!
但講還講...生完大小A後有鬼時間做運動咩?
奇妙既事喺依個時候發生.......

喺醫院時我對腳水腫已經退得七七八八，出院後正值summer sales~
Birkenstock 減價後再半價喎...咁攞對37碼來試吓啦，
咦~ 點解好似咁大既? 一直都係著37碼，以前都買過Birkenstock，都係37碼......

爸爸手痕

作為新手媽媽一野就要湊2個BB辛唔辛苦?
最初一段時間當然有點唔習慣啦，幸好大小A算係乖巧Bs，
而且好彩Mr.T 亦會幫我手湊佢地，
仲大緊肚時我已經知道Mr.T 將會係一個好爸爸，
大小A出世後，我發現Mr.T 比我預期中做得更好!
所以我地而家餵奶換片幫BB沖涼已經熟哂手 LOL

V媽媽早前過咗來陪我坐月，有一日Mr.T 休息，
佢留喺屋企幫手照顧大小A，我 + V媽媽出街shopping，
我唸可能大小A瞓咗，所以Mr.T 好悶.......

Mr.T whatsapp 傳來4張咁既相...攪到大小A成個蠟筆小新咁既款! XDDD

台灣有大S小S，蘇格蘭有大A小A!

大小A仲有幾日就2個月大嘞! 佢地出世後我除咗坐月 + 忙住照顧佢地之外，
屋企經常好多visitors 來探BB，所以我而家先有時間入來掃蜘蛛網 XDDDD

搲著數

雖然開講有話平有平養，貴有貴養...甚至天生天養.......
但有機會為人父母，總希望喺自己能力範圍之內provide 到最好既野比BB~
有經驗既朋友都話佢地第一胎時因為太興奮，乜鬼都買一餐，
結果有好多野買咗根本完全無用過，好浪費!

迎接新生命到來既開支真係一濶三大，我地仲要打孖來! @@
所以唔想嘥錢浪費，就要keep it to the essentials~
至於能力範圍以內最好既野，有時都係可以免費架....只要識得搵窿路搲著數! ;-)

孕照

個多月前31w 時同Mr.T 一齊影咗輯孕照留念，
有d後悔咁遲先影，因為當時我已經又肥又腫! =_="
最慘既係我手手腳腳無乜點肥到，但全部肥哂喺塊面度......
依幾張影得我無咁肥，至於其他相...就留返自己收埋來回味啦~ XDDD

35w: 我的入院走佬袋Part 2 - BBs 部份

英國NHS 醫療福利真係唔錯! 
但喺英國政府醫院生B，基本上除咗尿片衫仔帽仔手套仔被仔 + car seat 之外，
連baby wipes 都可以唔洗帶，BBs 走佬袋非常簡單~ ^^

舒緩懷孕水腫腳 - 紅豆水

我曾經擁有一對纖瘦，著3.5 - 4號既小足，雖然係一對鴨乸蹄，
但好多好靚既小童鞋款都著得落，令好多朋友都羨慕~

V媽媽朋友既新抱兩星期前生咗個baby boy，
Auntie 問V媽媽: 妳個女對腳有無腫? 我新抱對腳好腫!
當時V媽媽仲同依位auntie 講我無腳腫........

產後炒米代茶 (開刀者適用)

仲有一星期左右就要入院開刀，要準備住院時飲既炒米代茶!
一路炒緊d米...突然唸起初來蘇格蘭讀書時，
College 有個洋人(男)問我: 中國炒飯點炒到d飯咁軟?
點解我炒咗好耐都係硬既! LOL
當時我覺得好好笑，但估唔到今日我要做依個動作喎! XDD

產後飲用代茶有暖胃 + 加快身體復原作用
人地話啱啱生完BB個胃會好弱，飲清水會肚脹增加胃氣，
但飲代茶就可以化氣 + 補充營養! 
順產 + 開刀都適合飲用，不過順產會加薑片; 開刀就用陳皮~

竹蒸籠的處理和保養

竹蒸籠透氣性良好，用來蒸煮食物，散熱慢可保持食物溫度，
又可以吸收過多水蒸汽，防止倒汗水，
令包點或點心皮唔會因為吸水而變淋變爛，保持最佳口感~ ^^

33w: 我的入院走佬袋Part 1 - 媽媽部份 (已更新!)

Time flies...眨吓眼就33w!
我既產檢醫生話36w 開刀生B + 已幫我預留咗手術室開刀日子......
換句說話仲有唔夠3星期Mr.T + 我就正式成為爸爸媽媽嘞! ^^

剛過去既星期二產檢，醫生問我準備好入院走佬袋未?
我話未...因為我仲未決定到用邊個袋! Louis Vuitton or Bally? XDD
醫生 + midwife 即時齊齊反白眼話OMG! LOL
我講吓笑啫 LOL 我個產檢醫生好攪笑好玩得架~ ^^

Well~ 執野容乜易! 果日我雖然仲未開始執野，但其實我一早已寫好清單! ;-)
依份清單係我綜合咗多個中西媽媽走佬袋 + 個人需要得出來~
我既走佬袋有2個 - 一個for 自己 + 一個for BBs，
我用咗2日時間媽媽部份已經準備好八八九九，可以開始準備BBs 部份嘞! ^^

Miele 食譜: 慢煮豉油雞

買咗Miele 快2年...抽真空機都買咗年幾...終於的起心肝體驗一下sous vide! =P
唔洗睇火睇時間就有香噴噴又juicy 既豉油雞食，慢煮果然好得~ ^^

CATCH - 高貴炸魚薯條 (2016年5月18日)

最近越來越少煮飯，因為我越來越唔企得耐，
而且我有咗BB後經常打爛野.......已經打爛咗好多碗 + 杯~ =P

因為要食得定時，又要少食多餐，成日只煮少少都真係好鬼麻煩!
咁又唔係完全無煮既，只係少咗煮 + 好常出街食~
有咗BB依大半年試咗唔少新餐廳，不過都無一一紀錄......
今日心血來潮就寫一篇我最愛既seafood 啦! ^^

小寶貝

其實我真係好唔明白點解咁多人一大咗肚就會送走一直養開既寵物?
點捨得架??

目前阿V屋企有6隻鼠鼠，全部分籠養，
之前有人叫我 + Mr.T 將鼠鼠送走，但我地係唔會睬佢既!
將來BB出世後，我地決定會繼續養鼠鼠，不過同一時間最多只會養2隻，
而而家養緊果6隻，一定唔會送走佢地，會一直養到佢地去彩虹橋為止~

棉花糖 (2014年1月18日 - 2015年7月19日)

明天仍要繼續...敗~

一邊整理緊屋企唔要既立雜野...但一邊買BB野又買自己野......
結果d野好似完全無少到! XDDD

一向好少用細手袋，我大部份手袋都係大大隻既tote，
貪方便唔洗執乜都掉哂入去就出得街~
不過依隻"inspired by"某名牌子款式既玩野品牌膠手袋確實係幾靚，
價錢又平幾舊水，抵玩! ^^

Miele 食譜: 蟲草花瑤柱瘦肉燉花膠

1. 花膠無須洗，視乎大小直接乾蒸20至40分鐘，取出浸凍水一至兩日。(每日換水!)

蝦籽海參

1. 浸發海參並切成塊。(發海參方法click here~)

明天仍要繼續

過去一個多星期，我聽得最多既說話係: 妳好堅強! 
我感恩有最愛我既父母; 我感恩我有一個唔可能再更好既老公; 
我更感恩有比搵好老公更難搵既好6299~ 

Mr.T 嫲嫲4月頭過身，近年長期留喺香港照顧兩老既6299剛辦好嫲嫲身後事， 
62本想多留香港一段時間陪吓爺爺，而99打算4月尾先會返英國， 
14號收到壞消息，62當晚想即時訂第二日機票返來， 
但因為fully booked 最早只能訂到17號機票，而隔日99 20號都返咗來~ 

其實無論身邊再多人，都唔會改變到已發生咗既事實，實在唔想佢地咁頻撲.......
但連姑仔百忙中抽時間陪我 + Mr.T 照B超，為既只係多個人多點精神上支持;
一個我覺得好煩但唔係壞人既人日日為我擔心; 仲有一班關心我既朋友......
家人朋友既關心 + 支持，我比唔到理由比自己去軟弱~

每個人deal with grief 既方法都唔同~
如果你期望見到我歇斯底里或喊苦喊忽...對唔住，因為我會令你失望;
不過咁樣你可能又會覺得我死頂/冷血/唔正常......一樣都係對唔住，
因為我唔care 你點睇我，所以你大可以慳返口水唔需要同我說教，
因為對我來講你只係一個想食花生既仆街!
另外2B一樣都係我既女兒，而家佢兩個先係我既priority，
其他野I don't give a xxxx!

To 所有真正愛我、關心我既人，
Thank you for all your love and support~


沒有去愛過 怎知它美 
沒有你愛我 問怎可脫俗
那管它 世界未原諒我
明天縱多苦痛 命運繼續來 一點不放鬆
明天冷風吹送 未動我熱情 仍自我 
明天仍要繼續

Our beloved daughter Alexis

Mr.T + 我既女兒Alexis (B3) 27w 4月14日心跳停止， 
成為B1 + B2 既guardian angel~ 

大約5星期前(22w) 醫生留意到Alexis estimated weight 同另外2B距離越來越大， 
依段時間Mr.T + 我已開始有心理準備，我地一直都好積極好努力保持正面， 
不過正面還正面，現實歸現實，奇蹟最後並無喺我地身上出現.......

生命本無常~ 由第一日知道自己懷上123，
醫生已向我地解釋三胞胎係高風險懷孕，
亦有講解我地將要面對既種種風險 + 萬一有狀況時既處理方法，
所以我地絶對清楚所有可能性，無論好與壞我地都願意接受，
Alexis 一直都係一個好頑強既小傢伙，我同佢一齊盡力過努力過，無遺憾無怨無悔~

感謝Alexis 既體貼，令兩位妹妹B1 + B2可以更加健康成長，
將來有一日我 + Mr.T 會話比B1+ B2知道，佢地身邊有依位守護小天使~

大家唔洗擔心我 + Mr.T，Mr.T 會好好照顧我， 
而我亦會為B1 + B2 好好努力take care 自己~ 

如果大家留言的話，我希望大家只留一朵花送比Alexis 就可以， 
至於安慰既說話，我感謝，但我真係唔需要~

Alexis，爸爸媽媽永遠愛妳~ ❤

細數孕期小毛病

26w - 44.5", 153.4lbs

26w - 已經進入懷孕中期尾聲~ 因為醫生預計35w 左右就可以生產，
所以我既懷孕後期將會比較短，由而家開始計仲有9w...開始有點緊張啊!

過去26個星期裡面，阿V同其他大肚婆一樣，
身體受到唔同程度荷爾蒙變化影響而出現各種不適小毛病，
而阿V就似一個大肚婆人版 - 好似每種孕婦小毛病都有dd.......

懷孕雜記

最近開始週圍搵媽媽會註冊，企圖為123搲d著數! XDDDD

準爸爸Mr.T

24w (託賴個肚仲係白白滑滑無老虎紋! ^^)

成日聽人講大肚婆既情緒除咗受荷爾蒙影響之外，

另一個最大關鍵就係大肚婆既另一半.......
如果係真的話，我相信身為準爸爸既Mr.T 絶對可以攞distinction! ^^
自從有咗123之後，我發現Mr.T 比以前更加細心~ ❤

陀住3位公主真係好容易攰! 尤其係20w 之後......
就算Mr.T 放假，出街一陣食個午餐後，我就會眼瞓想返屋企，連街都唔想行~
不過一覺醒來發現Mr.T 已經清潔好哂6隻鼠鼠既籠 + 洗哂廚房d碗;
一入浴室聞到一陣濃烈既檸檬Cif 味道 - 浴缸浴簾都比佢洗到乾乾淨淨!
我覺得好感動...雖然佢一次過用咗我大半枝全新啱啱開封既Cif...... LOL

購物療法

Shopping / 敗家，洋人美其名為Retail Therapy (購物療法)~
實在形容得太好太存神! 尤其對女人特別有效!!

雖然阿V無乜大問題，但隨住個肚越來越大越來越重，
行動越來越論盡兼腰酸背痛，行又唔係坐又唔係...心情或多或少會受影響!
好彩購物療法對我好work...至少work 一陣啦~ LOL

失魂阿V一個月之內打爛咗4隻玻璃杯......
我鍾意咗依套刻花玻璃杯好耐，但£50實在太貴，一直唔捨得買，
撞啱依個時候佢半價喎! 其實半價咗我都覺得貴，
不過都買下來當提醒自己小心d唔好再打爛啦! ^^

Miele 食譜: 黑糖紅豆砵仔糕

好多人一講起砵仔糕，第一句就會話: 我相信無咩土生土長既香港人會未食過!
Erm.........我咪未食過囉~
因為由細到大唔好甜食 + 細個無乜零用錢買立雜野食 + 其他不明原因，
我真係從來都未食過喺街買既砵仔糕!
今次係第一次食砵仔糕...不過唔知似唔似街買既，因為係自己整~ ^^

Tefal Easy Soup: 濃湯機自製豆漿

好耐好耐之前阿V已經唔再買市售豆漿，要飲豆漿就自己磨~
因為英國超市賣既洋人豆漿實在太太太難飲; 
而中式超市賣既只係白色無味液體......
但磨一次豆漿實在太太太多功夫! 所以好多時飲維X奶算數~
(自製豆漿方法click here~)

Miele 食譜: 秋葵蒸水蛋

嫩嫩如滑豆腐既水蛋 + 秋葵 = 雙重滑滑~ ^^

Miele 食譜: 銀魚仔醬油麴蒸肉片

自製醬油麴做法click here~

瑤柱扒翡翠苗

其實翡翠苗 + 豆苗一樣都係荷蘭豆或蜜糖豆既葉，
只係翡翠苗剛發芽就採收食用，而豆苗就係再生長多一段時間既嫩葉，
雖然理論上係同一樣野，但食味完全唔同呢~ ^^

簡易蜜汁雞扒

超簡單容易 + 香噴噴好送飯! ^^

V家愛心包裹 + 情人節禮物 (2016年2月26日)

好鍾意收包裹既感覺! 
每次收到包裹，無論係禮物或online shopping 都好開心~
一日收2次包裹，雙倍開心!! ^^

V家愛心包裹 (2016年1月6日)

無打錯日期! 係時光倒流呀!! =P
近兩三個月V媽媽幾乎平均一個月寄一次包裹來........

金猴年迎新...野!

其實我屋企真係好多杯! 不過最近經常發軟蹄打爛杯，
咁打爛咗就緊係要買新既補返啦! 何況仲要有字母~ ^^

我成為了準媽媽的19個星期 (2016年2月19日)

今日剛好19w~ Due day 雖然係7月中，
不過醫生話triplets 大約35w 就可以卸貨 - 即係6月中左右!
換句說話我既大肚生涯已經過咗一大半...time flies~~~~ @@

自從7w 照到3粒花生，12w 第一次正式同123見面!
之後每2星期見一次.........

金猴年大包裹 (2016年2月18日)

郵差叔叔為我送來金猴年第一個由香港而來既七彩繽紛大包裹! ^^

二人世界金猴年 + 情人節 (附食譜)

眨吓眼話咁快又過咗個農曆新年!
好感恩羊年有咗123，期待猴年同佢地見面~ ^^
依個金猴年係我 + Mr.T 最後一個二人世界農曆年，
所以我今年有好好把握時間蒸糕煮開年飯慶祝，
下一個農曆年雞年123出咗世，到時莫講話煮開年飯，
我唸蒸底年糕我都未必有時間.........

所以趁今年仲得閒，初二煮多一次盆菜來作開年飯! ^^

南下Cheshire Oaks Outlet 快閃放血 (2016年1月14日)

早前Mr.T 休息咗2星期陪我，可惜暫時唔搭得飛機，唔可以去旅行.......
依2星期不外乎食食食，行吓街睇吓戲或者喺屋企hea 吓，好relax~ ^^

14號果日天氣好好，Glasgow Edinburgh 行到悶，即興渣車落南下shopping!
目的地係Cheshire 既Cheshire Oaks Outlet，當係遊吓車河~

猴頭菇素湯

第一次煲素湯，屋企有乜材料都掉d落去，湯水好清甜，唔洗落鹽已經好好飲! ^^

遲來了的慳家文 (長~~~~~~~)

身體不適連行街shopping 都無精神無心機，
新年前2個月行少咗好多街! 不過，shopping 唔一定要出街架嘛~ ^^

網上團購既鼠鼠毛氈，相片自定，超可愛 ❤

2 + 3 = 5 (2016年1月1日)

Happy 2016 everyone! ^^
Did you guys have a nice Christmas + New year?

足足一個多月無update，原本想趁2016來到前寫多一篇慳家文，
不過我實在太唔舒服提唔起精神，
整個12月，冬至、聖誕、生日、新年，我全部喺反胃中渡過.......
雖然好辛苦好辛苦好辛苦，但同時好甜好甜好甜~ ❤