尋日晏晝落大雨，唔想出街~ 唸住等老公放工返來後先一齊去買餸煮飯......老公返到來見我戇居居 - 以為我either 仲有旅行後遺症or 玩blog 玩傻咗!而我自己就唔知做乜，總之周身唔舒服 - 跟手就發現原來親戚來訪~~~ 所以又冇煮飯......
點知今朝一起身，仲要加埋周身骨痛，好似比人打咗一身咁款~ 沾寒沾凍 - 發燒呀!!! 好鬼辛苦~~~ 早幾個星期已經試過一次係咁，不過及時得住冇發出來~ 可能谷咗咁耐...今朝終於都爆發出來! 最慘老公今朝要返半晝，斟水食藥較水沖涼...全部要自己來! 老公放工返來衫都未換就走入廚房煮通心粉比我，我真係好鬼慚愧......
你岩去完旅行, 親戚先來探你都好啦, 返來仲要趕緊post d靚相上來比我地睇, 好辛苦啦~好好休息, 保重身體呀!
回覆刪除真係好彩係你去完旅行返黎先病咋...如果吾係就掃興....
回覆刪除好好休息嘞...吾好掛住整BLOG...好返先再整啦....
[版主回覆03/31/2008 15:30:00]thank~ 我都係咁話 - 好彩返來先病~ 而且我病時一定要瞓自己張床先得既...
休 息 多 d啦 ﹗ ﹗ 唔 繁 你 喇
回覆刪除[版主回覆03/31/2008 15:36:00]thanks~ 唔知關唔關果兩杯"拜神酒"時呢? 不過........我都冇飲到!.......定係我冇飲到先有事呢?????????
Hi Vca,
回覆刪除係我呀!阿焦呀!!
你原來去完旅行喇,好靚呀....好多野食呀....好想食tim!!!
我N年前都去過巴黎,凡爾賽宮既...不過影既相都係日頭,無你甘靚呀....個時又係霧氣沉沉甘.......
你病呀,希望你快D好番啦......
[版主回覆03/31/2008 23:10:00]阿蕉~ 原來妳都有blog 既!
我已經好番好多嘞! 只係仲有少少咳+水腫囉 - 因為發燒飲咗好多水...冇乜野架嘞~ 有心啦!
我地03年3月中、04年2月尾、05年9月尾+07年4月中都去過巴黎~ 次次都好好天，陽光普照冇落雨! 係今次天氣最相差...不過我地都玩得好開心~ 咪當唔同氣氛囉!
妳無事吖馬 ? 睇咗醫生未呀?
回覆刪除妳要多d休息吓 ,要小心身體呀
希望妳早日康復
[版主回覆03/31/2008 23:17:00]我矛睇醫生呀~ 依度睇醫生好鬼麻煩...
要打電話make appointment 又成......
而且發燒去睇醫生，
佢地係一定唔會開藥比妳既!!!!!
只會叫妳返屋企休息，飲多d水+
自己去超市買paracetamol 食.........
不過我都矛樹嘞~ 姣咗姣多架嘞!
只係仲有少少咳啫~~~
你 病 矇 咗 呀 ﹖ 仲 可 以 講 笑 。
回覆刪除[版主回覆04/01/2008 02:47:00]病已好 + 冇矇到(thank god!) 我相當婆仔吓架!!!!
好 番 就 講 笑 ﹐ 甘 都 正 常 d﹐ 不 過 傻 傻 都 几 個 引 㗎 。 ---我 覺 得 你 好 鬼 几 個 引 㗎 。 哈 哈 哈 哈 哈 哈
回覆刪除[版主回覆04/01/2008 04:07:00]阿豬兄~ 借問聲你係咪用手寫板? 如果係的話，你個板係咪有問題? 搞搞佢好喎! 我睇到你話我"傻傻都几個引㗎" + "你好鬼几個引㗎"....乜鬼叫"引口"????????? 仲有依個係乜字來 - "几"????? (唉~ 點解你唔學倉頡呢????)
我 用 廣 東 拼 音 ﹐ 倉 X難 唔 難 學 㗎 ﹐ 我 好 多 中 文 字 都 唔 記 得 點 寫 ﹐ 仲 倉 乜 鬼 丫 ﹗
回覆刪除[版主回覆04/01/2008 04:29:00]你問我難唔難學......咁我已學識就緊話唔難架啦~~ 話時話，我都係買書自學既! (失禮~~~~~~)
所以話呢 - 生為中國人，就算身在外地，都要keep 住自己有良好中國文化~ 咪唔驚唔記得中文點寫囉! 你睇我咁鬼有文化就知啦!
嘩 ﹗ 你 d文 化 真 係 幾 (几 )好 ﹐ 甘 容 易 就 稔 到 甘 多 嘢 喱 瘀 我 ﹐ 有 冇 理 會 我 既 感 受 㗎 ﹑ ﹑ ﹑ ﹑ ﹑ 。 不 過 ﹐ 你 笑 完 我 個 “几 ”係 乜 字 之 後 ﹐ 我 自 己 都 拗 晒 頭 ﹐ 真 係 sorry。
回覆刪除[版主回覆04/01/2008 05:05:00]咁又唔洗sorry~ 要sorry 果個好似係我...因為我唸唸吓個"几"字好似(好似~ 唔肯定!)係"幾"字既簡體字~~~ 不過我唔識睇簡體字.......
呵 ﹗ 原 來 唔 係 我 底 b﹐ 係 ﹑ ﹑ ﹑ ﹑ ﹑
回覆刪除[版主回覆04/03/2008 17:15:00]唓~ 我來咗外國最多都係唔識一個簡體字咁大把啫...但你就"好多中文字都唔記得點寫"喎! hmm...咁究竟係邊固低b d呢呵???