屋企仲有8盒咁既屋仔未開盒! 都唔知幾時先有時間砌......
2008年3月21日星期五
模型屋仔
我係為食~ 但又唔係為食到對其他所有既事都冇興趣! 除咗食，我仲對好多野都好有興趣...(無聊野~~~) 依幾間係我自己一手一腳上色 + 砌出來既日式模型屋仔~ 老公冇份砌架!(咁梗係買返來而唔係自製果隻啦~)
依間係我第一個完成既"日式茶屋"~ 我記得我砌通宵，砌好時啱啱天光!
我仲加咗d野 - 用黏土整咗我 + 老公喺出面晒太陽! (我手上既係一隻超級巨型鑽戒...嘻嘻~)
用咗最短時間砌既"居酒屋"~
唔係好鍾意既"五重塔"....
我唸住每間模型屋仔都用黏土整我 + 老公個樣放埋落去...但個"五重塔"好似有d 9唔答8......我唸過整老公好似King Kong 咁"揸"住我企喺五重塔上面! 但因為太細~ 要d時間整，所以暫時整住兩隻天鵝游水先~~~~
屋企仲有8盒咁既屋仔未開盒! 都唔知幾時先有時間砌......
屋企仲有8盒咁既屋仔未開盒! 都唔知幾時先有時間砌......
訂閱：
發佈留言 (Atom)
我唸你有排都未有時間砌埋佢....你知你幾忙架啦
回覆刪除仲忙過d真係返工..
[版主回覆03/22/2008 19:28:00]我都覺得有排都未得閒砌! 連個琴都冇開過半個月嘞...
你真係好有心思....我最憎就係做勞作..但係我二個女好中意...
回覆刪除[版主回覆03/23/2008 11:18:00]妳d女鍾意咪買d比佢地砌囉~ 幾十蚊一盒之嘛! 佢地一定唔會好似我咁癲砌通宵~ 一盒又要上色又要砌，可以玩好耐架!
好靚呀!你好有心機~
回覆刪除[版主回覆03/24/2008 02:52:00]thank you~
應該話我大癮至啱 - 砌通宵...
勁呀, 坦白講你仲有啲咩專長, 快啲話埋比我知啦
回覆刪除[版主回覆03/24/2008 02:56:00]erm......6級鋼琴算唔算?
因為過咗來讀書所以停咗繼續學琴~ 不過我而家仲有彈架! 啱啱先喺網上揾咗周杰倫既"我不配"琴譜.....不過未有時間開始練~~~
你真係多才多藝
回覆刪除[版主回覆04/05/2008 08:20:00]太太太過獎嘞!
砌幾間屋仔就多才多藝...
我真係好鬼唔好意思~~~~
好 佩 服 你 呀 越 喱 越 覺 得 你 深 不 可 測 ﹐ ---高 人 ----
回覆刪除[版主回覆04/13/2008 09:36:00]多謝~ 多謝~ 起幾間模型屋仔就係高人? 咁如果有一日我自己起間屋自己住 - 咁我咪變咗神奇女俠!!!!!??!?!
你 而 家 已 經 係 神 奇 女 俠 喇 ﹐ 範 範 掂 ﹐ 連 教 訓 人 都 可 以 甘 有 層 次 &詳 盡
回覆刪除[版主回覆04/14/2008 06:08:00]"範範掂"就唔敢講嘞~ 不過周身刀...但冇把利就真~
我冇教訓人呀...我"自言自語"之嘛!!!! 如果我要教訓佢地 - 我就兜口兜面鬧佢地啦!!! (我都好想!!!!!!)
你好呀~ 請問呢d 模型屋邊到買??? 我又想要番間呀~ thx~
回覆刪除[版主回覆06/19/2009 15:45:00]洗衣街近太子果頭有幾間模型店，都有依種模型屋仔賣架!
真係一千個唔該呀~ 感激萬分~
回覆刪除[版主回覆06/19/2009 17:44:00]唔洗客氣! 希望你買到心頭好啦~ 依種模型越來越少嘞，見有你就好買多幾盒嘞! (我仲有幾盒未砌! )
我想問模型屋,類似日式茶屋咁既材料可以系邊度買,5刻哂><
回覆刪除[版主回覆02/23/2013 03:54:19]唔係分開來買既材料來架，係一盒盒既模型，有埋說明書教點砌~ 我喺旺角洗衣街近先達果頭果幾間模型舖買~ 不過已經好多年前既事，唔知而家仲有無喎.....