尋晚(4月2日)係4日復活節連假第1日 - 終於等到Clash of the Titans 上畫嘞!!
禮拜頭老公一早上網訂定Premier 戲飛，近幾日電視廣告賣得越來越密...搞到我越來越looked forward~~~
尋晚由戲院返到屋企，急不及待想寫睇後感! 不過寫寫吓敵不過睡魔......
真係好可惜Clash of the Titans 竟然無IMAX 3D!
(好奇怪會無!!! 
) 如果唔係就真係無懈可擊嘞!
"人‧神‧魔戰"故事講述神界Zeus、Hades + Poseidon 三兄弟之前共同密謀起義推翻自己父母，Hades 製造咗海怪Kraken 而成功起義奪權~ 奪權後Zeus 成為天界掌管人; Hades 成為陰界冥神; Poseidon 則成為海神。
Hades 一直深深不忿Zeus 成為天界眾神之神，而自己就係陰冷黑暗既冥神! Zeus 依賴凡人禱告及愛令自己力量強大; 相反令Hades 變強係凡人既恐懼~
另一方面人間大國統治者國勢日漸強大，變得自大 + 目中無神，唔再向神禱告 + 與神對立。Hades 趁機向Zeus 獻計以給凡人考驗及懲罰為名，實質想令凡人恐懼令自己力量變強，承機推翻Zeus......
Zeus 兒子Perseus 喺人間由漁民養大成人~ 因為Hades 殺害Perseus 一家，Perseus 決心要為家人報仇，同時Perseus 有著拯救Argos 國既宿命，於是展開冒險旅程......
為咗迎接2010年版"人‧神‧魔戰"，早2星期我地特別買咗1981年版既"魔島屠龍"返屋企睇......睇完"人‧神‧魔戰"之後，發現新版 + 舊版最大既分別，並非電腦特技效果既進步， 而係整個故事都完全唔同，新、舊2版完全係兩回事!
舊版"魔島屠龍"比我既感覺可以話係一班小器得出奇 + 幼稚得可笑既天神們，得閒得滯搞出來既風風雨雨
; 而新版"人‧神‧魔戰"既故事就係由天神與人之間既關係 + 恩怨情仇發展出來! 
新版故事比起舊版來得人性化及合理化; 同時無咗舊版果咋情情塔塔 + 婆婆媽媽既情節，故事發展更加有說服力!
總括來講新版故事改編得非常好~ 依點絕對係"人‧神‧魔戰"既一大驚喜!!
不過千其唔好唸住睇"人‧神‧魔戰"來了解一下希臘神話喎 - 因為新版故事近90%情節都係創作出來既!
想知道Perseus 既故事都係睇返"魔島屠龍"啦!
舊版故事 + 人物既關係，同原本希臘神話既版本比較似樣......
由細到大我都好鍾意睇希臘神話故事! e.g. Hercules; Theseus 大戰牛頭人身怪物Minotaur; Jason and the Argonauts......
Perseus 屠殺Medusa
果場戲非常精彩，果然無令我失望! 不過部份鏡頭速度太快，感覺稍嫌太電腦......
無獨有偶 - 新舊2套"Clash of the Titans" 同樣戲長118分鐘!
不過2套都睇過之後，有感"魔島屠龍"戲既長短剛剛好，可能係因為故事比較簡單; 相反"人‧神‧魔戰"就故事比較複雜，支線亦較多，會有戲短咗少少 + 有少少趕既感覺!
由於新、舊2版故事 + 人物關係都有太多不同之處，唔打算喺度一一指出~
不過我會suggest 打算睇"人‧神‧魔戰"既人，不妨買埋隻"魔島屠龍"返屋企自己比較吓吖!
話哂"魔島屠龍"已經係29年前既製作，當然唔可以同"人‧神‧魔戰"既電腦特技相比啦!
不過唔知係IMAX 3D 太正? 還是"人‧神‧魔戰"既3D部份做得唔夠好呢??
今次"人‧神‧魔戰"睇普通3D，我竟然覺得戲既3D部份唔夠明顯突出，有少少失望啊......
但overall 來講"Clash of the Titans"比我 + 老公預期中更好更精彩! 我地甚至enjoy 多過"Alice in Wonderland"呢~~~
個人認為"人‧神‧魔戰"係今年其中一套一定要睇既重點大戲! 
我都覺得 3D部份好少.. 寧願睇2D算喇.. 不過套戲真係好刺激又緊湊~~~
回覆刪除[版主回覆04/04/2010 00:59:00]認同啊~ 我都對依套既3D特技有少少失望! 以現今電腦特技，Clash of the Titans 應該真係可以更好~
香港lee樹都大賣廣告呀
回覆刪除諗住過兩日去睇 ~
見你個影評咁得 , 哈哈, 咁,一定要訂3D飛啦
[版主回覆04/04/2010 00:57:00]
個人覺得係好精彩 + 好有故事性! 但並非完美~ 而且3D部份唔突出......不過如果依套香港有IMAX 3D的話，不妨睇IMAX 3D! 若只得普通3D的話，其實睇2D已經可以~
睇咗啦-一般啦! 有時諗諗下, 西方式人.神.魔 同東方式人.仙.妖(如封神榜及西遊記)都有啲類似.......
回覆刪除[版主回覆04/04/2010 00:54:00]個人覺得好精彩! 不過我唔會話完美~ 因為以現今電腦特技，其實依方面可以做得更好! 而且改編後既故事，以118分鐘戲長，時間太倉促~
不過我反而覺得西方神話 + 東方神話好唔同喎! 尤其希臘、羅馬既神話都好有特色~ 個人覺得唔可以混為一談!
yeah....i will watch it next week if I have time. I am debating whther I should watch 3 D. Some comments said 3 D effect is not very good in this movie
回覆刪除[版主回覆04/04/2010 08:35:00]actually the 3D effects were a bit disappointing~ 2D would be just as good!
呢的戲冇靚仔做會好悶架啵﹌
回覆刪除[版主回覆04/04/2010 08:33:00]Sam Worthington 幾索呀! 雖然唔係話好靚仔，不過佢好man 啊~~~~
我都好想睇牙~打算黎緊呢個星期五同男朋友睇~ 我都係由細到大就好中意希臘既神話故事~ 好在你話套戲係新作~唔係翻炒~唔係既話一早就知套戲講乜會有d悶~ 但我一向都覺得Zenu呢班"god"真係好奇怪~ 得閒冇事都要搞到有事先開心...XD
回覆刪除[版主回覆04/05/2010 19:44:00]我自己比較鍾意新版既故事，天神無舊故事咁幼稚!
依套戲唯一唔好係3D effects 麻麻~
近期很多戲上畫, 我都好想睇, 可惜帶住亞囡, 無得同老公一齊二人世界
回覆刪除[版主回覆04/05/2010 19:27:00]帶埋囡囡去囉! 依套小朋友都入得場果喎~ 我睇首影果晚好多家長帶埋小朋友去睇!
呢套戲我都會睇,一出廣告我已經覺得好精彩,過2日放假走去睇3D先!!
回覆刪除[版主回覆04/05/2010 19:22:00]故事改編得好好! 不過3D效果麻麻~
尋晚有個朋友睇完都話套戲好得，我都好想睇，唯有等DVD出先睇啦~~~
回覆刪除[版主回覆04/05/2010 19:19:00]個故事改編得好好，劇情緊湊! 不過反正3D效果麻麻，等出DVD先睇都無損失!
我星期5都睇左呢套戲呀。其實因為呢套戲拍既時候唔係用3D o個種technique泥去拍，3D既效果係後期加上去既，所以先會咁弱。而都因為咁，有d位個畫面好暗呀！睇到好辛苦 (再加上我係睇夜晚11點幾o個場，睇完更加呀！)但係劇情幾緊湊都幾好睇
回覆刪除[版主回覆04/05/2010 19:17:00]我無留意有d位好暗......只係睇睇吓完全唔覺自己睇緊3D!
haha...Then I will buy 2 D tickets, and save $5 per ticket
回覆刪除[版主回覆04/05/2010 19:16:00]2D would be just as good!
下? 冇得劃位??? 咁咪要好早就係度排隊等入場?! (雖然... 呢個都係一個公平既方法, 個個位都一樣價錢, 你早去先有靚位) 啊~ 果套~ 香港都好似有, 叫馴龍記, 聽到個名都唔想睇果隻......
回覆刪除[版主回覆04/06/2010 20:38:00]係架~ 唔劃位架! 上次睇Alice in Wonderland IMAX 3D，已經 唔係 首映，但都排咗50分鐘先攞到個超靚位 - 中間果行最中果2個位! 我又唔介意喎~ 大家都係比咁多錢，先到先得公平好多!
除非好多人激讚，如果唔係只要唔係Pixar 既卡通，我地大多數會等DVD~ 果套馴龍記d公仔好核突! 直頭無唸過睇~ 出咗DVD都唔會睇~~~~~
會唔會好過近期3D電影 " 亞凡達 " 同 " 愛麗絲 " 呀？
回覆刪除[版主回覆04/06/2010 20:32:00]我無睇Avatar + Alice in Wonderland 我睇IMAX 3D~ 所以無得比較!
但就普通3D來講，Clash of the Titans 真係做得唔好! 我睇睇吓都唔覺自己睇緊3D......
死啦, 我仲未睇過 IMAX 3D, 唔知有幾好添... 不過睇 normal 嘅 3D 真係好唔抵, 最慘係我睇個間戲院冇 2D, 迫我俾多 3磅... 可惡!! 套戲我覺得不過不失, 同你一樣我都覺得有啲短。 去到大戰 Medusa 時我仲以為佢差唔多完可以等下集添~~ 我有一個地方唔係好明, 佢地明明話 Medusa 個死人頭淨係對人 (仲要係男人) 先起到作用, 點解佢又可以石化隻海怪嘅呢? 仲有, 你覺唔覺套戲講到班希臘天神好鹹濕呀
回覆刪除[版主回覆04/07/2010 22:11:00]IMAX 3D的確同普通3D好大分別! 搵次去試吓感受吓吖~
Perseus 殺Medusa 後就開始有趕頭趕命好rush 既感覺!
我唔清楚希臘神話有無指明Medusa 既curse 只對男人生效~ 不過原本依段神話Perseus 的確係用Medusa 個頭來殺Kraken 既! 或者Kraken 係male 來呢~ 用女人來祭祀佢架嘛!
唔係套戲講到班希臘天神好鹹濕~ 而係希臘神話本身係咁既! 佢地d天神男既好風流; 女既好小心眼.....
就是因為 3D, 但 得字幕是 3D, 畫面變得好黑 , 唔湯唔水 , 先看得那裡沮喪呢 !
回覆刪除故事的確不差 , 不過睇完 POP 就覺得好過佢 , 女角 Gemma Arterton在 POP內 有不錯表現呢 !
[版主回覆07/23/2010 20:43:00]個個人都話字幕係3D，不過我唔知呀，喺英國戲院睇西片係無字幕既! 但戲本身既3D效果的確不足~
至於成個故事其實將原本既神話改頭換面，好多人物既關係同原著好有出入! 不過改得幾合理完整~