依個蛋糕本來唸住星期日同99預祝生日時焗比佢既，因為原本唸住去飲茶~
不過99話唔想去飲茶，所以轉咗食Hilton 食自助餐......Hilton 自助餐有咁多正甜品，咁緊係唔好浪費啦!
尋日26號星期一老公成班姑姐 + 99朋友喺casino 打麻雀同99慶祝生日~ 所以個蛋糕留返尋日先焗，老公放工後變身外賣佬送去casino 送比99!
因為要留喺屋企睇火，所以無同老公一齊出去送蛋糕比99!
完成品~
裝飾
- 忌廉
- 杏仁片
- 朱古力針
- 士多啤梨
- 藍莓
- 薄荷葉
老公一攞咗個蛋糕比99，即時打電話比我......
老公話佢一上到casino，成班Auntie 即時
"哇! 哇!! 哇!!! 好靚呀!!!!" (老公話佢地"哇"咗好耐......
)有位姑姐叫99不如冚返個盒唔好食，攞個蛋糕返屋企比62睇!
(老公見狀就話: 下次再焗過囉! 
)其他人過來裝個蛋糕，99就會同對方講: 我新抱自己親手整架!
老公話99好開心 + 好鍾意個蛋糕~~~~~
老公一返到屋企即時攬住我啜啜啜~~~
仲不停同我say thank you! 
希望99有一個開心既生日啦!
雜果忌廉蛋糕做法click here~ 
哈哈....今次仲唔係我NO.1 ...
回覆刪除個蛋糕整得好靚 , 何止你老公啜你, 你跟埋去送, 你99見到你都啜啦, 咁多親友係度, 她都唔知幾開心呀 !
[版主回覆04/27/2010 22:31:00]叻叻~~~
99一向都鍾意甜品，希望佢啱食啦!
你lee個新抱真係乖, 抵鍚啦
回覆刪除奶奶至緊要係咩 ???? 咪 "飛士" (face) 囉, 哈哈 (我覺得Mr. T都係)
你咁樣做, 佢地幾有面 , 叻女
[版主回覆04/27/2010 22:29:00]都唔係既~ 我99為人比較低調，而且只係個餅仔有乜咁巴屎閉?
不過我好enjoy 親仔整野食比屋企人 + 朋友~ 見到佢地開心，我都好開心 + 好有滿足感~
我有個咁鬼乖既新抱我都要周圍哂啦,V奶奶又多樣野俾d姑姐恨啦,妳依個新抱真係抵錫
回覆刪除[版主回覆04/27/2010 22:27:00]哈哈~~~ 焗個餅仔有乜好曬呀?
我99係一個好低調既人~ 反而我老公就浮誇嘞 - 返到來同我講: 個蛋糕係我老婆整架~ 我老婆真係好叻!
個蛋糕好靚呀 ^^ 一定好好味 !!
回覆刪除[版主回覆04/27/2010 22:24:00]多謝Katie! 希望佢地覺得好食啦~
你整蛋糕俾９９﹌ 你地感情好好啵﹌
回覆刪除[版主回覆04/27/2010 22:24:00]我好慶幸我有個溫柔唔麻煩 + 易相處既好99~
而且我老公對V爸爸V媽媽好好，所以我都會一樣!
真有心機!!! 焗旦糕...仔我都係中學上堂整過咋..hahaa 我諗起尋日有個男同事整「羅米遲」比我o地食!! 不過我皮膚痕所2淨係淨o左個香蕉朱古力咋...無得食mango!! 我都唔記得答你 , 由細到大一食親菠蘿 , 蜜瓜就脷痕呀!! 就算人o地話咩浸鹽水o個d方法都唔得...囧""
回覆刪除[版主回覆04/27/2010 22:20:00]雖然我唔好甜~ 但我鍾意整，老公 + 99又鍾意食，一舉兩得!
脷痕咁奇怪? (我未試過脷痕係咩感覺~ ) 咁妳唯有唔好食菠蘿 + 蜜瓜啦......
你99一定俾你冧到笑唔停！
回覆刪除[版主回覆04/27/2010 22:35:00]哈哈~~~ 我唔知呀! 我喺屋企整鹵水豬雜見唔到!
好新抱呀~~~幾時送個靚靚生日蛋糕比我先,我都會攬住你錫錫錫錫架,HEHE!!
回覆刪除[版主回覆04/27/2010 23:29:00]生日蛋糕緊係生日至有得收架啦! 妳攬住我鍚鍚鍚......我怕我老公會呻醋喎~~~~
個旦糕真係好靚呀!!!! 好勁呀V女!!!!
回覆刪除[版主回覆04/28/2010 22:05:00]Thank you Meiji! 我唔勁~ 我都係邊整邊學緊架咋!
個蛋糕好靚呀! 仲靚過香港美心 東海堂 賣的........... 你真係好好心機
回覆刪除[版主回覆04/28/2010 22:04:00]過獎嘞WingL! 手作仔邊靚得過餅店..... 希望99會鍾意個蛋糕啦~
係度祝你 99 生日快樂, 身體健康先.
回覆刪除你 99 實勁冧呀, 而且仲可以係其他人前收到 (老人家至愛比人鍚同埋被受尊敬架), 你真係氹到佢好開心呀
[版主回覆04/28/2010 22:03:00]Thank you~ 代我99多謝妳!
其實都無話氹唔氹99開心既~ 咁生日係應該開心架嘛!
我好喜歡看您的BLOG ka , 您弄的東西好靚 . 今次看到個蛋糕好鬼靚 , 見到張相都想吃 lor . 我要比 10 個叻您 , 如唔介意希望向您偷師 ......
回覆刪除[版主回覆04/28/2010 22:01:00]多謝妳CC! 我其實唔叻~ 我都係睇書自學架咋，所以我整到既野，個個人都整得到!
我公開得同大家分享，當然唔介意妳偷師啦!
新抱親手做個靚靚蛋糕比奶奶慶祝生日, 妳奶奶覺得有面之餘, 係班親朋戚友面前威下先得架。
回覆刪除Mr. T當然要錫晒Mrs. T
[版主回覆04/28/2010 21:59:00]多謝搞搞震! 其實我99係一個低調既人，希望佢會鍾意個蛋糕啦~ 不過我老公就真係好沾沾自喜嘞!
嘩嘩 .............. 何止妳的姨媽姑姐嘩嘩聲 , 簡直靚過餅店好多 , 妳 99 收到梗係四萬咁口喇 , 除咗餅靚之外最重要妳的心意嘛 , 有個能幹新抱又有面子 100 分 .
回覆刪除[版主回覆04/28/2010 21:57:00]過獎嘞ak! 老公話99好開心~ 不過我唔知呀，我喺屋企整鹵水豬雜嘛!
你好叻叻呀！個蛋糕靚過街買！
回覆刪除最緊要99開心,老公又開心
一團和氣,和氣生財...
[版主回覆04/28/2010 21:55:00]多謝藍色海洋! 生日係應該開心既~
個蛋糕真係超正呀，我都啜你幾淡喇，哈哈，你真係一個女叻嘅老婆，我都要咭向你學習下，你真係要教吓，我呀多多指教。
回覆刪除[版主回覆04/28/2010 21:15:00]過獎嘞Karen! 我真係唔叻，更加無資格教人......
我都係自己睇書邊整邊學架咋~ 所以我整到既，人人都整得到!
今次直頭係靚過街買嗰啲呀
回覆刪除V99一定好開心，兼且proud of u 啦
[版主回覆04/28/2010 21:13:00]Thank you 阿四!
老公話99好開心~ 不過我唔知呀! 我喺屋企整鹵水豬雜嘛!
嘩~~ v99冧c囉~~ 有個又叻又孝順既新抱~~ 長輩都係鐘意係外人面前威威~ 所以有機會我都會等佢地威下~ 有次我公公出左去打麻雀, 咁岩天氣報告話之後會打風, 我咪打電話比我公公, 叫佢早d返屋企啦, 驚冇車同埋要企呀! 仲問佢有冇著多2年衫, 唔好凍親~ 之後我公公唔記得收線, 佢以為收左線, 其實未, 我又等緊佢講byebye, 跟住就聽到佢d雀友問, 邊個黎架! 我公公就好驕傲咁話, 我個大孫女囉, 佢話陣間會打風呀, 叫我早d返屋企, 又問我有冇著夠衫呀~ 跟住佢d雀友勁羨慕~~~ 我公公就笑左好耐~~
回覆刪除[版主回覆04/28/2010 21:11:00]咁生日係應該開心既! 孝順我又講唔上，不過老公對V爸爸V媽媽好好，所以我都會一樣~
哈哈~~~ 有時我咁啱撞正V媽媽同雀友打緊牌時打比佢，我會叫佢打完麻雀返屋企時小心d，V媽媽又係開心咁同雀友曬話"我個女叫我返屋企時小心d喎!" 跟住會聽到d auntie 喺電話旁嗌"放心啦! 我地會睇住妳媽咪!!"
個蛋糕好靚呀～重要係妳親手整妳99一定鍾意
回覆刪除[版主回覆04/29/2010 19:07:00]thanks Andrea! 我自己都好滿意今次個蛋糕~ 希望99會鍾意啦!
個蛋糕好靚呀,加埋張咭仔同happy birthday紙(背景果張),真係好有心思,未食已經甜到入心啦,妳呢個新抱真係好抵錫
回覆刪除[版主回覆04/29/2010 19:06:00]多謝pp cute! 我都幾滿意今次個蛋糕~ 不過焗個餅仔又唔算咩好新抱.....
哈哈~~~ 果張happy birthday 花紙我用來懶靚影相架咋! 我自己留返無比到99......
個蛋糕真係好靚,我係你99都會哂吓命有個咁孝順又有心的新抱.唔知我第時啲新抱有沒有好像你咁好呢,雖然一個就快18歲,一個得11歲,不過都好期待呀!嘻嘻!
回覆刪除[版主回覆04/29/2010 19:04:00]多謝Honeybee~ 我自己都幾滿意今次個蛋糕! 希望99都鍾意啦!
哈哈~~~ 妳咁好笑既! 咁快就恨做99~ 妳而家就恨咯，但我唸真係到咗果日妳會唔捨得佢地架嘞!
你的蛋糕真係100分咁靚呀!! 加個盒同買的一樣! 你99收到甜到入心呀!!
回覆刪除[版主回覆04/29/2010 18:59:00]多謝何媽讚賞! 我都幾滿意今次個蛋糕~
您真係抵錫啦。。。唔怪得您99老公咁錫您啦。。。
回覆刪除[版主回覆04/29/2010 18:59:00]Mr.T娶我返來唔鍚我既話就作死咩?
超掂呀！係時候開舖囉！
回覆刪除[版主回覆04/29/2010 18:57:00]過獎嘞Elaine~ 自家手作仔邊有資格開舖吖....
個蛋糕真係好鬼C靚呀, 妳真係一個好新抱
回覆刪除[版主回覆04/29/2010 18:55:00]多謝菲仔讚賞! 不過焗一個餅仔算唔上咩好新抱~
咦? 我奶奶同你奶奶都係4月生日呀??
回覆刪除睇番個雜果cake篇blog~ 你老公遲我一日生日呀~ 好"橋"呀~
唔知你會唔會都同我老公同一個月生日呢??哈哈~~
btw你個蛋糕真係真係真係整得好靚 ~ 你好有心機呀~
[版主回覆04/29/2010 18:52:00]係呀? 咁妳99生咗日未呀? 生咗又好，未生又好，我祝妳99生日快樂啊~
真係好鬼橋喎! 我12月生日~ 不過我隱約記得妳老公應該唔係12月生日......
多謝小me 讚賞~ 我都幾滿意今次個蛋糕!
咁鬼謙！ 咁我都係有嗰句講嗰句嗟。 我家下超懶！好耐都冇更新我個BLOG。係咁E POST 吓喺FACEBOOK。得閒過去探吓我啦。
回覆刪除[版主回覆04/30/2010 17:05:00]係咯~ 我見妳個扑仲係曲奇.......我反而好少上FB~ 不過我上FB會去探妳架嘞!
嘩嘩嘩 ~~~ 見到相 , 我都勁嘩啦 , 何況你奶奶同 D Auntie! 個蛋糕真係好靚呀 ! 厲害!厲害!
回覆刪除[版主回覆05/02/2010 04:49:00]多謝Ayesha!
今次係我第3次整忌廉蛋糕，亦係我最滿意果個~
蛋糕真係好靚呀！
回覆刪除忌廉蛋糕好蝦人整架，我就無信心整到咁靚了！
將個蛋糕送去casino，效果就好似送鮮花上寫字樓咁，一定甜到漏喇！
[版主回覆05/02/2010 04:48:00]多謝小魚兒!
今次係我第3次整忌廉蛋糕，亦係我最滿意果個~
尋晚99同老公講個蛋糕好好食!