蓮藕章魚排骨湯; 梅菜蒸肉餅; 滷水豬雜; 酸齋 + 蒜蓉白菜仔
點解? 點解??
點解肉餅一定要自己剁既先好食???
點解買現成搞好既免治豬肉來整會爭咁遠????
我 + 老公都好鍾意食梅菜蒸豬肉!
但以前試過偷懶用現成免治豬肉整出來好麻麻......明明V媽媽整得好好食架嘛~~~~ (咁V媽媽係自己剁既! 
)總覺得自己剁肉餅好麻煩! 所以之後我就索性唔再整肉餅，就咁梅菜蒸肉片算嘞.....
直至上次整鹹魚肉餅煲仔飯第一次自己剁肉餅，原來真係好食咁多果喎!
)
我由細到大都好鍾意食酸齋!!! 早排見到有位網友好拿手整酸齋，搞到我都好想食!
可惜細問之下 - 發現整酸齋既主要材料炸麵筋，喺英國無得賣~~~~ 
雖然我真係好想食，不過依度無得賣都無計......上星期比我無意中喺一個台灣素食網站發現自製炸麵筋既方法，我先知道原來麵筋都可以自己整! (新素時代網站)
連食肉怪獸老公都話依碟野好味!! 嘻嘻~~~
尋晚我氹老公試咗一塊豬心.....
我: 係咪好似牛肉咁呢?
老公: 唔係......
滷完豬雜剩返大煲滷水，只用一次好似好嘥料咁!
不過雪櫃又唔夠位擺咁大煲野......
煲滷水索性再用多次 - 一於整完豬雜整牛雜!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>
Weekend 其實都整咗其他野食，不過無時間記低......
)
蓮藕章魚排骨湯食譜click here~ 梅菜蒸肉餅食譜click here~ 滷水豬雜食譜click here~ 酸齋食譜click here~ 湯種北海道牛奶吐司食譜click here~ V記朱古力雪糕食譜click here~
我都唔知點解用手剁先好食,可能出面買既碎肉係用機攪,就咁攪下攪下攪到肉質變哂掛,同埋依邊搵唔到甜梅菜,所以我到而家都未整過一次梅菜肉餅(其實我好恨食)
回覆刪除Mr.T唔食豬雜妳咪可以慢慢瘋享囉~
而家先post個雪糕出黎,睇怕Mr.T食得差唔多嘞
[版主回覆04/29/2010 19:47:00]真係唸極都唔明箇中道理..... 不過為咗好味，麻煩少少都無問題~
哇~ 睇來妳果邊真係好多野都無得賣喎! 起碼我依邊間間中式超市都有梅菜賣，就算V媽媽唔寄比我都買到有得食~
盒雪糕仲未食哂喎! weekend 熱返少少，我一整好雪糕都未雪得夠時間，老公就整咗一大碗~ 但星期一又涼返好多，凍到連老公咁鍾意食雪糕都唔想食住......
哈哈.... 豬心似牛肉?! 您老公唔吼, 咁您不如請我食豬腸啦!! 我好吼呀!! 其實自製既雪糕會唔會好似食mousse咁溜呀?
回覆刪除[版主回覆04/29/2010 19:41:00]我想佢同我一齊enjoy 我鍾意食既野嘛! 不過佢始終都係唔鍾意.......
自製雪糕 唔似 mousse 架! 但同普通朱古力雪糕一樣，不過仲更加好味! (我老公話既! )
心型盤一買返黎就開光，好快手喎
回覆刪除豬心點會似牛肉呀，妳真係擺明氹 Mr. T落嗒
[版主回覆04/29/2010 19:38:00]今次好快手呀呢? 太鍾意佢嘛~
擺明氹佢落嗒架啦! 我見佢都鍾意雞心，咪想convince 埋佢鍾意豬心囉，點知佢都係唔受......
哈哈, 我都係梅菜肉餅最超級粉絲 !! 所以每星期都會叫k媽咪整至少一次比我帶lunch box ~~ 我食梅菜肉餅"令捨"開胃 食成大碗白飯 k
回覆刪除[版主回覆04/29/2010 20:15:00]Katie 妳係咪用Mac 來留回應? 完全睇唔到妳個留言啊~
算啦, Mr. T唔食我就幫你食埋佢啦 ... 哈哈
回覆刪除手剁既肉餅好食過攪爛既100倍, 我婆婆都係手剁架, 剁到手軟(因為我地人多又要帶飯), 我地食冬菇, 魷魚蒸多, 梅菜用嚟蒸魚 ... 手剁好味既原因應該係無攪爛哂d肉質, 攪爛一d質感都無, 可能連d肉汁都攪到無哂, 無口感, 無肉香味
我都好想食一碗朱古力雪糕呀 ...
[版主回覆04/30/2010 00:00:00]唔明點解咁多男人唔食內臟既呢?
手剁同機搞真係無得比! 而且我一唸起街市果部碎肉機，我就覺得反胃.....
哈哈~~~ 我老公好鍾意食雪糕，但佢好多時食完雪糕都會肚疴~ 不過唯獨食我整既雪糕就無事!
酸 齋我勁鍾意食呀~~~我平時出街成日都買架,好好味呀!!
回覆刪除[版主回覆04/29/2010 23:54:00]我以前喺香港時成日去齋舖買5蚊酸齋就咁篤住來食架!
炸麵筋都識, 你真係布0野難倒你
回覆刪除[版主回覆04/30/2010 16:56:00]我鍾意食但依度無得賣嘛! 我都係上網學架咋~
您個blog D食譜好掂啊，勁呀，我要好好學習一吓先得，您好有心機!
回覆刪除[版主回覆04/30/2010 16:55:00]多謝讚賞~ 我唔勁，只係熟能生巧啫! 我整到既野，人人都整到~
我呢邊的豬肉﹐唔知點解半肥瘦超多筋﹐ 攪到我要買全瘦肉﹗的鬼佬見肥就唔食﹐ 見唔到肥就係咁食（即係快餐）﹗ 有一次我話我好鐘意食ＲＯＡＳＴ ＰＯＲＫ﹐ 個德國女仔竟然即刻係我面前做左個嘔既表情﹗ 我即刻覺得佢做咩咁冇品?﹗ 就算我以前講英文﹐ 屋企人都唔鐘意我講個ＰＵＫＥ字﹐ 佢地話一係ＴＨＲＯＷ ＵＰ一係ＶＯＭＩＴ﹗ 呢個女仔竟然仲整埋個嘔樣加聲出黎﹌ 佢自己日日食ＰＩＺＺＡ同ＫＥＢＡＢ又好冇肥咩?﹗ 的肥佢睇唔到之嘛﹌ 噢﹗蝦子麵我都覺得超方便又好味﹗ 放湯又得﹐撈又得﹌ 不過我食完好快又肚餓﹌
回覆刪除[版主回覆05/02/2010 05:57:00]買豬腩肉會唔會好d呀?
德國人唔食roast pork 既咩? 我蜜月時去意大利，食過一間主打燒大舊肉既德國餐廳喎!
係囉~ 我都覺得食完蝦子麵好快又會肚餓返......
真係乜菜都俾妳煮混????
回覆刪除[版主回覆05/02/2010 05:54:00]緊係未啦!
你今次整的餸好岩我口味, 特別是酸齋, 我這兒也很難買到, 我又唔識整, 都係返香港時食過夠.
回覆刪除[版主回覆05/02/2010 05:53:00]蘇格蘭都係買唔到整酸齋既炸麵筋架!
我post 咗酸齋食譜，裡面有示範點整炸麵筋，妳都可以照做，咁咪唔洗返香港先有得食囉!
整咁多野開一食會都得 lu~~碟梅菜蒸肉餅係咪特別好食
回覆刪除[版主回覆05/02/2010 05:51:00]唔係一次過食哂架嘛!
自己剁肉餅係特別好食架~
我見我呀ba平時買會叫個相熟o既豬肉叔唔好搞咁爛! 之後返屋企就自己再剁... 好似話咁樣d肉會好d!!
回覆刪除[版主回覆05/02/2010 05:50:00]點解會好d呢? 我唔明白箇中原理 ，但我個人經驗自己剁的確係好食好多!!
真係唔明整梅菜蒸肉餅, 點解自己剁真係好味好多
回覆刪除[版主回覆05/03/2010 06:47:00]或者好似樓上位網友講既原理啩!!?!?
因為機器搞係用死力 , 影響肉質 !!! 自己剁就唔係用死力ga ma~應該咁樣講會o岩d !!
回覆刪除[版主回覆05/03/2010 06:45:00]都有咁既可能......
自己做酸齋 ~ 你真係好叻啊!
回覆刪除我都係由細到大都好鍾意食酸齋(同埋所有酸酸甜甜的野). 細個爸爸買一盒齋滷味來加餸, 我會要求多一點酸齋. 然後未開得飯時, 我已經係咁偷食d酸齋.
[版主回覆05/04/2010 20:03:00]我好鍾意食依個架! 但我依度無炸麵筋賣嘛，所以咪要自己搓囉~
哈哈~~~ 妳細個時咁為食既! 咁妳有無比妳爸爸鬧呀?
無鬧我啊! 可能佢地已經慣晒我的為食.
回覆刪除我細個的時候連雪櫃的蝦米都拎/偷來食架.
[版主回覆05/05/2010 18:10:00]蝦米 + 江瑤柱我都偷食過! 就咁食真係好鮮味~