鹹豆漿; 炒上海年糕 & 粢飯
依餐上海之夜呢，本來係前晚(星期三)煮既!
不過再之前果晚即係星期二晚，我只記得浸黃豆搾豆漿，唔記得浸年糕......
因為我之前未整過上海年糕，咁我試吓用熱水浸會唔會快d啦......
點知黐到阿媽都唔認得變咗一大pat!!!!! 仲有少少溶溶地，好核突~~~~
就係咁星期三晚無煮飯，搾好咗既豆漿入雪櫃......
)因為要整粢飯 + 鹹豆漿，所以要用油炸鬼......
不過我懷疑研究係咪真係可以整到好似包裝盒上張相咁靚架??
鹹豆漿食譜click here~ 炒上海年糕食譜click here~ 粢飯食譜click here~
呢餐好中國式喎!
回覆刪除[版主回覆04/24/2010 01:18:00]我係中國人來架嘛~ 唔可以食成食外國餐!
個油炸鬼好似炸唔起咁既,定係油唔夠熱呢 炸出黎既顏色都幾深色!封面都呃鬼既~~不過好食就得啦,用黎整粢飯睇都唔出
回覆刪除[版主回覆04/24/2010 01:18:00]油係夠熱既，我唔係第一次炸野.......不過真係炸唔起，我懷疑係包粉裡面既發粉成份唔夠!
我尋日用左韓國年榚煮黃芽白、冬姑、菜、蝦米...整左個湯,D年榚最後先落,好鬼好味,一個人食左2大碗,好鍾意年榚煙煙UNUN,正到痺呀!!
回覆刪除[版主回覆04/24/2010 01:16:00]韓國年糕我只喺韓國街邊食過一次辣醬炒果種~ 不過我覺得麻麻地，因為個醬完全唔辣.......
妳依個聽落都幾好味喎!
你最近既晚餐都好有主題wor ~~~~
回覆刪除[版主回覆04/24/2010 02:25:00]哈哈~~~ 撞啱咁啱想整啫!
上海年糕要用凍水浸架, 我阿婆通常早兩日用盆仔浸住, 換下水
回覆刪除不過我地食係一條過, 未切果d, 係好味d既, 不過呢, 包你切到手軟, 因為真係好硬好硬 ...
[版主回覆04/24/2010 18:46:00]係呀~ 我用熱水浸賴咗一次野，而家知道一定要用凍水嘞!
一條過既我未見過呀! 因為今次我自己炒先係第一次食上海年糕咋!
豆漿我都係鐘意鹹架﹗冬天食翻碗當棠爽晒﹌ 不過係囉﹐點解的年糕會叫白粿幹既? 嘩﹗你果度的ＫＥＢＡＢ的肉咁厚望大塊﹌ 咁油炸鬼炸好個味道係咪同香港的咁架? 炸完大唔大陣味呀?
回覆刪除[版主回覆04/26/2010 02:56:00]豆漿我鍾意甜 + 凍既多d! 因為飲到豆香~ 鹹豆漿味道太複雜......
我都唔知點解年糕會叫做白粿幹呀!
我依度d kebab間間都好大份，不過唔係間間都好食~
油炸鬼味道同香港既一樣，不過口感就差少少! (但可能係因為我炸得唔好......)
炸野時開大窗，開行油煙機咪得囉!
上海菜係我其中最愛架....炒年糕好好食架, 我鐘意加點炸菜絲落去, 野咪又爽口呀 !
回覆刪除[版主回覆04/26/2010 02:53:00]我又係超鍾意上海菜!!!! 炒鱔糊、獅子頭、走油元蹄、回鍋肉、小籠包、酸辣湯、醉雞....... 真係好想快d返香港食!!!
係喎~ 等我下次再炒年糕時落埋榨菜先!
你今晚餐飯有齊我至 like 既野呀, 我勁鐘意食年糕同粢飯依啲 "煙煙 un un" 既野
回覆刪除[版主回覆04/27/2010 05:29:00]粢飯我麻麻地~ 不過炒年糕我就好鍾意!
我都好耐冇食油炸鬼了
回覆刪除[版主回覆04/27/2010 05:29:00]我反而去親飲茶都有得食~
白粿幹我估係上海話 ~~ 粿應該係米整既野，幹就應該係乾咁解，eg. 潮洲人食既"韮菜粿"，個皮就係米整，泰國河粉叫"粿條" (潮洲話都係叫粿條)，都係米整
回覆刪除咁香港嗰啲上海年糕方便好多囉，我買嗰啲係一開出黎就係一片片，唔洗浸，即刻就煮得架，不如寄包出妳啦~
[版主回覆04/27/2010 18:05:00]點解妳咁鬼醒架! 多謝妳解釋得咁好咁詳細~
係呀~ 我見有網友話有唔洗浸水既上海年糕~ 我只喺香港見過唔洗浸水既韓國年糕......但我依度緊係乾貨耐擺啦! 佢地入鮮貨點知有無人買呀!