所以都無點特別plan 做乜......依幾日除咗去戲院睇咗2套戲之外，又點少得我最鍾意既活動 - shopping 呢?
其實幾乎全部用具都已經有，只係現有既未必好用，所以想換過~
(P.S. James Martin 係英國著名廚師兼煮食節目主持!
)咁我部靚仔kMix Hand Mixer 呢?
我放棄咗佢嘞!
經過上次出煙後dead 咗一役後，上星期我整緊麵包時又來玩出煙! 雖然今次佢仲未dead，不過睇佢個款都係遲早既事......
趁住上次換新機後果1年從頭計過既guarantee 未到期，我即時揮慧劍斬情絲同佢來一個了斷 - 再換過一部全新唔同牌子既!
雖然依個James Martin 無kMix 咁搶眼靚仔，但外型尚算專業務實，而且攞上手非常輕巧好渣手;
雖然佢只得300W (kMix 有400W)，但一般hand mixer 只有150W - 250W，再之前我部超市cheap 野只得200W都夠用，我唸依部JM都應該夠用! 而最主要係 - 我懷疑個kMix 就係因為馬力太大先會出事!
kMix 馬力大得來靜得出奇; 依部JM 雖然只得300W但就鬼殺咁嘈!!
不過JM網上用家全部激讚無彈!
而且當中好多用家用佢來同Kenwood 比較，個個都話好用過Kenwood喎!!!
等我過幾日開光試吓係咪真既先~~~
不過可惜佢既好並唔長久! 都係長痛不如短痛~~~
依部JM只係kMix 既一半價錢~
退咗kMix 買咗JM之後仲有一半credit note 可以用來買其他野啊! 呵呵~~~
廚房一向用開銀色既金屬碗碟架，不過最近發現有開始生銹既跡象!
另加一套黑色KitchenAid 焗爐手套襯返~~~
依個隔熱墊我本身已經有一個黑色~ 不過見非常好用
，所以買多個!屋企而家用緊既超市cheap cheap 薄餅刀唔夠利
; 早排又整唔見咗我覺得有史以來最好用既Zyliss Y-peeler! 
寄望Le Creuset 既新出品會好用啦~~~
可惜特價野無得揀自己鍾意既色......
睇吓戲、shop 吓ping......連飯都唔煮懶洋洋咁過咗4日......
尋日星期一shop 完ping，又同老公去咗打邊爐......
真係換左佢好過嘞...仲有錢入埋好多貨喎!!我個焗爐開左光之後都心思思去買烘焙野!!!pizza cutter都喺我list入面
回覆刪除打邊爐我好鐘意用生雞蛋撈醬,勁正!!乜唔可以咁食架咩?
[版主回覆04/06/2010 23:45:00]剩返既credit 仲未用呀~ 果咋野唔係同一間舖頭買架!
我自己喺屋企打邊爐都會打隻生雞蛋落碗再加豉油用淥熟咗既食物點來食~ 日本人有生食用既雞蛋; 但依度無~ 不過我自己食會用餓姦力靚蛋! 不過斷估出街食佢地都唔會比靚蛋妳啦! 所以我先話我唔怕死~
串燒鐵針 點燒?? 平放?, 真係幾靚....
回覆刪除個mixer 既樣好powerful.....
[版主回覆04/07/2010 06:04:00]係呀~ 平放架! 香港可能唔興依種串燒法，因為鬼佬BBQ係串好哂一串串咁放喺BBQ爐上面燒架，唔似得我地用燒烤叉 - 鬼佬BBQ唔好玩!
個mixer 係好powerful 架......佢發出既噪音仲加powerful 呀!
好多新玩具呀!
回覆刪除[版主回覆04/07/2010 21:14:00]唔知玩邊樣先好呢? 嘻嘻~~~
串燒針彎彎地幾型喎 嗰間酒樓啲食物得唔得???個樣幾得
回覆刪除[版主回覆04/07/2010 21:13:00]我就係見d串燒針幾特別先貪得意買!
依間酒樓飲茶幾好架! 食物都幾多選擇又好味~ 不過結婚擺酒就好麻麻!
我上次個ＭＩＸＥＲ都貪平買錯左﹐要成個掉晒﹌
回覆刪除[版主回覆04/07/2010 21:11:00]我反而唔係喎! 我之前有個£5既超市雜嘜mixer，用咗5年依然性能良好!
後來個egg whisk 爛咗少少，咁我就承機買個kMix~ kMix 係各牌子hand mixer 之中最貴架，不過會出煙好恐怖!!! 我部雜嘜都未出煙......
果然有好多新玩具
回覆刪除[版主回覆04/07/2010 21:04:00]除咗手袋、靚衫、靚鞋、珠寶首飾 + 好書之外，廚具都係我另一個弱點......
串燒針可唔可以企係身架? 我見有啲餐廳有個座既野插起身 ... 咁樣插起又幾靚呀
回覆刪除[版主回覆04/07/2010 21:02:00]依幾枝串燒針係無得企起身架! 佢捲埋唔夠直想企都企唔到，不過依個設計花巧d + 可以fit 到大部份圓碟~
車厘木鑊剷 + 木匙好靚喎，我都鍾意
回覆刪除[版主回覆04/07/2010 21:35:00]係啊~ 個型 + 木紋都好靚!
又凍又熱.......咁咪可以打完邊爐食雪榚囉!
回覆刪除[版主回覆04/08/2010 01:53:00]有呀~ 依間野食打邊爐包埋樓上中式自助餐 - 果度有部雪糕機架! 我老公食咗2兜呢~
又出煙 咁危險，真係要快快換咗佢囉~~~
回覆刪除廚房換季，不過似乎人仲未換得季喎
[版主回覆04/08/2010 16:43:00]雖然已換咗，但仍然對佢俊俏既外表念念不忘~~~ 而家依個外表雖然老實可靠，但尚係未知之數!
(哈哈~~~~ guarantee 再由頭計過! 若依部又係一年內打柴的話，仲可以再換! 呵呵~~~~~)
香港d天氣都係一樣, 時冷時熱, 今日仲得16度添, 而且仲落大雨
回覆刪除[版主回覆04/08/2010 16:40:00]香港忽冷忽熱加上人多空氣差，交叉感染機會大增! 妳出入要留意天氣變化 + 小心身體啊!
回覆刪除我以為你同MR.T 2個食咁多野呀,嚇C我呀!!
[版主回覆04/08/2010 23:36:00]緊係唔係啦! 我地同朋友飲親茶都好大棚人架! 而且唔止咁少野食喎，一路食一路有食物來架~~~~
妳好~ 我路過見到妳話間酒樓ok好食, 想問下佢地址, 得閒去試下~ & 間打邊爐又係邊? thanks.
回覆刪除[版主回覆04/11/2010 18:43:00]妳好Iris~ 我住喺蘇格蘭架! 依間酒樓係Glasgow 泗和行昆仲軒; 至於打轉爐係China Buffet King~
我都係蘇格蘭住, 之前幾年在愛丁堡, 自年半前結婚後搬左去perthshire住... 我老公唔食肉, 所以間中會去dundee的中國超級巿場買素肉,etc 但唔大, &上次佢換左過期o野比我... 打算下次落開愛丁堡時順便去glasgow泗和行買o野...&食下中餐, 這邊得一間jimmy chung叫做中餐... 好鐘意你的食譜, 好實用... 因我唔太識住中菜, &可惜有好多材料這邊都好難找來買~ 不過睇你整咁多好餸都想試下跟住整~ :)
回覆刪除[版主回覆04/13/2010 01:11:00]啊~ 原來妳住喺Perth 既!
我老公同妳老公相反 - 若果唔比肉佢食既話，我唸佢會叫我不如殺咗佢算罷嘞.......
妳下次來Glasgow 既話，一定要去泗和行行吓 + 過隔離昆仲軒飲茶! 我包妳食過返翻尋味 + 行到樂而忘返~ 尤其妳果邊得間Jimmy Chung......(我知佢係咩來! 因為佢喺Stirling 都好似有間分店!) 記住帶多幾個環保袋去泗和行入貨喎!
多謝妳鍾意我既食譜! 我都係邊學邊煮架咋~ 其實近幾年蘇格蘭已經多咗好多以前無既食材! 始終依度唔似香港咁好，喺食方面唯有花多d心思啦~~~