Spaghetti alla Puttanesca; 冬蔭功 & 印尼菠蘿海鮮炒飯
為咗快d可以開weekend 新買果樽貴貴地既懶靚鹹鯷魚
，我要快手搞掂之前用來整pizza 果樽Asda 貨仔!唔想再食Le Pizze Vesuviana......
完全愛上咗依個材料簡單快手既妓女意大利粉!
正~~~~~~
菠蘿當造?
最近見到各大超市都有大大隻好鬼靚，但又賣得好平既菠蘿賣!
菠蘿炒飯我其實麻麻架咋! 我每次食親菠蘿炒飯都會"了"哂d菠蘿出來唔食!
但老公會幫我搞掂d菠蘿就得啦!! 哈哈~~~~ 
只係因為未試過開菠蘿，所以特別買隻來挑戰自己!!!
個菠蘿用來懶靚影相既啫~
廚房另外仲有1個菠蘿咁多炒飯，不過尋晚全部食鬼哂咯! 
另外整咗個冬蔭功......(唔記得影相添!
)
加冬蔭精入滾水中煮溶，再加蕃茄、檸檬葉、香茅、南薑、指天椒、蘑菇 + 大蝦，滾到蝦熟就用魚露 + 糖調味......都幾好味又好方便!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
蒜頭其實真係一樣好危險既食材來!
我唔知自己係咪唯一一個會比蒜頭整傷既人?
不過我好有可能係唯一比蒜頭整傷超過一次既人!!!
之前因為蒜頭已經賴過一次野! (網誌~)
Spaghetti alla Puttanesca (妓女意大利粉)食譜click here~ 印尼 - 菠蘿海鮮炒飯食譜click here~
如果加埋芋頭落d炒飯度, 應該仲正喎
回覆刪除下次小心d呀, 一滴血 ...
[版主回覆04/21/2010 18:11:00]係? 芋頭炒飯我未試過呀!
我會小心架嘞! 不過真係唔好睇小連皮蒜頭，好有殺傷力架!!!
wa.... 您日日整gei 野都唔同款架喎~~ 一定食到您老公"lam lam li"啦 ... 不過我都係唔鍾意食波蘿炒飯個波蘿 我好好奇您點樣會比蒜頭整親架 我都有一樽油浸蒜頭... 不過加埋紅辣椒粒入去.. 我當佢係辣椒油咁食~
回覆刪除[版主回覆04/21/2010 18:10:00]我相信有好多人都會好好奇我點比蒜頭整親手，仲要唔止一次......可能我對手比較薄皮，所以會比蒜頭皮尖既部份篤傷囉!
我依樽蒜蓉用來煮餸炒菜架! 唔洗煮時先剁~ 妳用熟油來浸呀? 辣椒無煮過會香咩??
油浸蒜蓉又幾好喎!唔使D蒜頭出哂D芽呀!
回覆刪除[版主回覆04/21/2010 18:06:00]係呀~ 又唔洗下下用時先剁餐死! 不過浸時一定要先去清綠芽，如果唔係遲吓成樽野會變綠色架~
咁如果下次切左個尖尖佢先, 會唔會再無咁易整親呀? 個辣椒係有煮過架! 我個fd比我既食譜- 首先把辣椒炒至乾身拿起,然後再用多油把蒜頭炸至小金黃 色,再把辣椒加到蒜頭內抄就即成,留意不可有水份. 呢個辣椒油用黎打邊爐真係超讚呀!
回覆刪除[版主回覆04/22/2010 00:06:00]哦~ 原來妳依個係蒜蓉辣椒油!
不過我依樽係生油浸生蒜蓉，用來煮餸既~
撩哂菠蘿唔食??岩哂我...菠蘿係我至愛 下次話聲我知,等我幫妳食
回覆刪除蒜頭都會傷人...妳下次帶手套剝好d喎
[版主回覆04/22/2010 00:05:00]煮過既菠蘿我 真係唔鍾意架!
妳鍾意既話下次打包比妳點話~
帶手套剝蒜頭皮好唔方便啊! 手套會好黐立立架......
你的玉手真係好薄皮!! 下次真係要小心呀!!
回覆刪除[版主回覆04/22/2010 00:03:00]係囉~ 我對玉手都唔捱得既...... 我下次會小心架嘞!
個菠蘿炒飯好靚呀
回覆刪除我唔係唔食生果既, 不過平日都甚少食, 但講到菠蘿呢就真係勁愛呀, 平日食 pizza 都係要睇吓邊隻有菠蘿既先叫, 仲要到落單時 request "多菠蘿" 吖, 唔該, 不過只限依隻先咁瘋狂, 面對其他我好冷靜架
[版主回覆04/22/2010 00:03:00]多謝讚賞~
我因為唔好甜，所以連生果都唔鍾意食! 菠蘿叫做最鍾意囉~ 不過只限生食，煮過既菠蘿我全數比老公搞掂!
你就好啦﹐超市的水果都有靚貨﹐ 我呢邊的超市既水果蔬菜品質差到暈﹗ 唔係逼不得意都唔會係超市買。 蕃茄、檸檬葉、香茅、南薑、指天椒、蘑菇 你屋企咁多存貨﹌ 哎﹐已經整親過一次你就小心的嘛﹌
回覆刪除[版主回覆04/22/2010 00:01:00]靚都無用 - 我極少食水果!
哈哈~~~ 我屋企係好多存貨，不過我都會去鬼超買餸既! 檸檬葉 + 南薑係乾貨來，不過鬼超都有得賣架~
下次一定要用返菜刀來拍蒜頭! 我成日求其用隻竹鑊剷拍，唔夠大又唔夠重，咁就賴野嘞.......
一直有睇你個BLOG既野食,仲試過整,好得呀. 下次你整蒜頭時,可以先打它一瓣一瓣"扯"開,用菜刀打橫"拍"落去. 如果用西式刀,你試下先切個"丁",跟住用熱水燙一下,再用冷水沖, 用手攪二攪,"初"二下,D依好易甩.
回覆刪除[版主回覆04/21/2010 23:58:00]你好詹詹!
其實我已經打開咗 + 一瓣一瓣扯開架嘞! 不過我用竹鑊剷拍唔係用菜刀 - 可能因為鑊剷唔夠大 + 唔夠重啦，所以先成日拍歪，咁咪整親手囉! 我下次會用返中方菜刀架嘞~ 多謝提醒!
oh救命~~~~~個飯好令呀!!! 重令過d餐廳整出o黎o個d 呀~~~救命~~~~ 不過我唔食得菠蘿...
回覆刪除[版主回覆04/22/2010 21:23:00]多謝讚賞! 點解妳唔食菠蘿呀?
菠蘿炒飯~我前幾天都想炒飯個, 不過, 屋企附近無成個菠蘿買, 真係要等下囉, 望梅止渴先喇。
回覆刪除今餐好有泰feel呢
[版主回覆04/22/2010 21:22:00]咁菠蘿炒飯唔一定要用新鮮菠蘿既! 罐頭既都炒得架嘛~
你都好薄皮喎，小心d嘞
回覆刪除[版主回覆04/22/2010 21:21:00]係囉~ 比蒜頭整到唔止一次嘞.....不過我下次會小心架嘞!
冬陰公~~~~超鍾意呀!!!!不過煮冬陰公要買好多材料,所以我次次都係出去飲算喇!!下次要小心D呀,唔好整親呀~~
回覆刪除[版主回覆04/24/2010 01:42:00]香港周街乜都有得食，出去食仲方便啦!
thanks Kelly! 我下次會小心架嘞~
我好鍾意食生果架, 個菠蘿炒飯好掂呀 , 好想食~
回覆刪除[版主回覆04/27/2010 17:48:00]多謝! 妳又整吖?
我反而唔鍾意食生果! 個菠蘿炒飯d菠蘿比哂我老公~
又比蒜頭整親 啲蒜頭邊位都幾硬架，真係要小心小心~
回覆刪除個菠蘿飯好鬼靚呀，上面加啲肉鬆真十足十泰國館嗰啲
家樂依隻冬陰功精，十幾廿年前我媽咪好鐘意買，我地都覺得佢幾好味，有時用黎煮麵做湯底，嗰陣惠康經常有得賣，唔記得幾時開始就冇咗，依家間唔中係一兩間東亞南雜貨舖見到，仲唔係次次都有，估唔到妳嗰邊竟然有喎
[版主回覆04/27/2010 17:47:00]係喎! 妳"見証"咗2次蒜頭傷我手意外喎!
係囉~ 果晚整好心急手快快影完相就開餐，都忘記咗加d肉鬆添......
隻冬蔭精依度又係以前成日都有，不過而家又係間中先有! 下次見到有貨幫妳買d吖~