2010年4月21日星期三

二人世界東南亞 - 2010年4月20日 (附食譜)

 
Spaghetti alla Puttanesca; 冬蔭功 & 印尼菠蘿海鮮炒飯

為咗快d可以開weekend 新買果樽貴貴地既懶靚鹹鯷魚 ,我要快手搞掂之前用來整pizza 果樽Asda 貨仔!

唔想再食Le Pizze Vesuviana......

 咁啱又比我喺食譜書度搵到依個"妓女意大利粉" Spaghetti alla Puttanesca~ 所以尋日整咗碟做lunch!

完全愛上咗依個材料簡單快手既妓女意大利粉!  正~~~~~~

菠蘿當造?1775465327.gif image by veronica_tsim最近見到各大超市都有大大隻好鬼靚,但又賣得好平既菠蘿賣!

 我一向唔食生果,但都忍唔住整咗隻返屋企起肉炒飯......

菠蘿炒飯我其實麻麻架咋! 我每次食親菠蘿炒飯都會"了"哂d菠蘿出來唔食!  但老公會幫我搞掂d菠蘿就得啦!! 哈哈~~~~ 
只係因為未試過開菠蘿,所以特別買隻來挑戰自己!!!1775465298.gif image by veronica_tsim

 不過原來開菠蘿一d難度都無喎! 只要有把狗牙刀就易過借火~~~

 我 + 老公咁鬼大食,緊係唔止食1個菠蘿咁少飯啦!

個菠蘿用來懶靚影相既啫~  廚房另外仲有1個菠蘿咁多炒飯,不過尋晚全部食鬼哂咯!

另外整咗個冬蔭功......(唔記得影相添! )

 今次用依隻家樂牌出品既偷懶冬蔭精!

加冬蔭精入滾水中煮溶,再加蕃茄、檸檬葉、香茅、南薑、指天椒、蘑菇 + 大蝦,滾到蝦熟就用魚露 + 糖調味......都幾好味又好方便!1775465358.gif image by veronica_tsim

_342.gif image by veronica_tsim
 不過複雜煮冬蔭功既方法我都試過架 - 冬蔭功 (泰式酸辣蝦湯)食譜click here~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

蒜頭其實真係一樣好危險既食材來!1775465285.gif image by veronica_tsim


我唔知自己係咪唯一一個會比蒜頭整傷既人?_1284.gif image by veronica_tsim

不過我好有可能係唯一比蒜頭整傷超過一次既人!!!_077.gif image by veronica_tsim

之前因為蒜頭已經賴過一次野! (網誌~)

 尋日整緊樽油浸蒜蓉......

 我隻右玉手又再添上一個由蒜頭造成既傷痕!!!_1651.gif image by veronica_tsim


 Spaghetti alla Puttanesca (妓女意大利粉)食譜click here~

 印尼 - 菠蘿海鮮炒飯食譜click here~


15 則留言:

  1. 如果加埋芋頭落d炒飯度, 應該仲正喎
    下次小心d呀, 一滴血 ...
    [版主回覆04/21/2010 18:11:00]係? 芋頭炒飯我未試過呀!
     
    我會小心架嘞! 不過真係唔好睇小連皮蒜頭,好有殺傷力架!!!
     
     
     
     

    回覆刪除
  2. wa.... 您日日整gei 野都唔同款架喎~~ 一定食到您老公"lam lam li"啦 ... 不過我都係唔鍾意食波蘿炒飯個波蘿 我好好奇您點樣會比蒜頭整親架 我都有一樽油浸蒜頭... 不過加埋紅辣椒粒入去.. 我當佢係辣椒油咁食~
    [版主回覆04/21/2010 18:10:00]我相信有好多人都會好好奇我點比蒜頭整親手,仲要唔止一次......可能我對手比較薄皮,所以會比蒜頭皮尖既部份篤傷囉!
     
    我依樽蒜蓉用來煮餸炒菜架! 唔洗煮時先剁~ 妳用熟油來浸呀? 辣椒無煮過會香咩??
     
     

    回覆刪除
  3. 油浸蒜蓉又幾好喎!唔使D蒜頭出哂D芽呀!
    [版主回覆04/21/2010 18:06:00]係呀~ 又唔洗下下用時先剁餐死! 不過浸時一定要先去清綠芽,如果唔係遲吓成樽野會變綠色架~
     
     

    回覆刪除
  4. 咁如果下次切左個尖尖佢先, 會唔會再無咁易整親呀? 個辣椒係有煮過架! 我個fd比我既食譜- 首先把辣椒炒至乾身拿起,然後再用多油把蒜頭炸至小金黃 色,再把辣椒加到蒜頭內抄就即成,留意不可有水份. 呢個辣椒油用黎打邊爐真係超讚呀!
    [版主回覆04/22/2010 00:06:00]哦~ 原來妳依個係蒜蓉辣椒油!
    不過我依樽係生油浸生蒜蓉,用來煮餸既~
     
     

    回覆刪除
  5. Gaileは林家歐巴桑2010年4月21日 上午4:03

    撩哂菠蘿唔食??岩哂我...菠蘿係我至愛 下次話聲我知,等我幫妳食
    蒜頭都會傷人...妳下次帶手套剝好d喎
    [版主回覆04/22/2010 00:05:00]煮過既菠蘿我 真係唔鍾意架!
    妳鍾意既話下次打包比妳點話~
     
    帶手套剝蒜頭皮好唔方便啊! 手套會好黐立立架......
     
     

    回覆刪除
  6. 你的玉手真係好薄皮!! 下次真係要小心呀!!
    [版主回覆04/22/2010 00:03:00]係囉~ 我對玉手都唔捱得既......  我下次會小心架嘞!
     
     

    回覆刪除
  7. 個菠蘿炒飯好靚呀
    我唔係唔食生果既, 不過平日都甚少食, 但講到菠蘿呢就真係勁愛呀, 平日食 pizza 都係要睇吓邊隻有菠蘿既先叫, 仲要到落單時 request "多菠蘿" 吖, 唔該, 不過只限依隻先咁瘋狂, 面對其他我好冷靜架
    [版主回覆04/22/2010 00:03:00]多謝讚賞~
     
    我因為唔好甜,所以連生果都唔鍾意食! 菠蘿叫做最鍾意囉~ 不過只限生食,煮過既菠蘿我全數比老公搞掂!
     
     

    回覆刪除
  8. 你就好啦﹐超市的水果都有靚貨﹐ 我呢邊的超市既水果蔬菜品質差到暈﹗ 唔係逼不得意都唔會係超市買。 蕃茄、檸檬葉、香茅、南薑、指天椒、蘑菇 你屋企咁多存貨﹌ 哎﹐已經整親過一次你就小心的嘛﹌
    [版主回覆04/22/2010 00:01:00]靚都無用 - 我極少食水果!
     
    哈哈~~~ 我屋企係好多存貨,不過我都會去鬼超買餸既! 檸檬葉 + 南薑係乾貨來,不過鬼超都有得賣架~
     
    下次一定要用返菜刀來拍蒜頭! 我成日求其用隻竹鑊剷拍,唔夠大又唔夠重,咁就賴野嘞.......
     
     

    回覆刪除
  9. 一直有睇你個BLOG既野食,仲試過整,好得呀. 下次你整蒜頭時,可以先打它一瓣一瓣"扯"開,用菜刀打橫"拍"落去. 如果用西式刀,你試下先切個"丁",跟住用熱水燙一下,再用冷水沖, 用手攪二攪,"初"二下,D依好易甩.  
    [版主回覆04/21/2010 23:58:00]你好詹詹!
     
    其實我已經打開咗 + 一瓣一瓣扯開架嘞! 不過我用竹鑊剷拍唔係用菜刀 - 可能因為鑊剷唔夠大 + 唔夠重啦,所以先成日拍歪,咁咪整親手囉! 我下次會用返中方菜刀架嘞~ 多謝提醒!
     
     

    回覆刪除
  10. oh救命~~~~~個飯好令呀!!! 重令過d餐廳整出o黎o個d 呀~~~救命~~~~ 不過我唔食得菠蘿...
    [版主回覆04/22/2010 21:23:00]多謝讚賞!  點解妳唔食菠蘿呀?
     
     

    回覆刪除
  11. 菠蘿炒飯~我前幾天都想炒飯個, 不過, 屋企附近無成個菠蘿買, 真係要等下囉, 望梅止渴先喇。
    今餐好有泰feel呢
    [版主回覆04/22/2010 21:22:00]咁菠蘿炒飯唔一定要用新鮮菠蘿既! 罐頭既都炒得架嘛~
     
     
     

    回覆刪除
  12. 你都好薄皮喎,小心d嘞
    [版主回覆04/22/2010 21:21:00]係囉~ 比蒜頭整到唔止一次嘞.....不過我下次會小心架嘞!
     
     

    回覆刪除
  13. 冬陰公~~~~超鍾意呀!!!!不過煮冬陰公要買好多材料,所以我次次都係出去飲算喇!!下次要小心D呀,唔好整親呀~~
    [版主回覆04/24/2010 01:42:00]香港周街乜都有得食,出去食仲方便啦!
     
    thanks Kelly! 我下次會小心架嘞~
     
     

    回覆刪除
  14. 我好鍾意食生果架, 個菠蘿炒飯好掂呀 , 好想食~
    [版主回覆04/27/2010 17:48:00]多謝! 妳又整吖?
     
    我反而唔鍾意食生果!  個菠蘿炒飯d菠蘿比哂我老公~
     
     

    回覆刪除
  15. 又比蒜頭整親  啲蒜頭邊位都幾硬架,真係要小心小心~
     
    個菠蘿飯好鬼靚呀,上面加啲肉鬆真十足十泰國館嗰啲
     
    家樂依隻冬陰功精,十幾廿年前我媽咪好鐘意買,我地都覺得佢幾好味,有時用黎煮麵做湯底,嗰陣惠康經常有得賣,唔記得幾時開始就冇咗,依家間唔中係一兩間東亞南雜貨舖見到,仲唔係次次都有,估唔到妳嗰邊竟然有喎
    [版主回覆04/27/2010 17:47:00]係喎! 妳"見証"咗2次蒜頭傷我手意外喎!
     
    係囉~ 果晚整好心急手快快影完相就開餐,都忘記咗加d肉鬆添......
     
    隻冬蔭精依度又係以前成日都有,不過而家又係間中先有! 下次見到有貨幫妳買d吖~
     
     

    回覆刪除

Related Posts Plugin for WordPress, Blogger...