Weekend 出街食: 99生日@Hilton (2010年4月24 + 25日)

其實聽日星期三先係99生日正日~

剛過去既星期日，我地去咗Hilton 食lunch buffet 同99提早慶祝生日!
是日大伯要過咗2pm 先得閒，不過62嫌太晏; 姑仔又要返工~ 所以今餐只有99、大伯、老公 + 我4個人......

 不過99都食得好開心!

Buffet 開正我果瓣~~~~~~~

 是日頭盆又有魚子醬喎! 不過今次好鬼鹹，唔好食......

 是日又有我最愛既香滑雞肝醬!!! 正~~~~~

 是日主菜好鬼正!!! 我要咗大碟燒牛肉、燒火腿、燒羊肉、香草魚柳、Chicken Chasseur、Four Cheese Ravioli、忌廉薯仔......

之後再整多碟Chicken Chasseur!

大伯睇住我清哂2大碟肉，

驚訝地同我講: YOU REALLY CAN EAT!

 係呀~ 我好食得架! 所以再整多2兜佢地整得好好食既Crème Brulee! 哈哈~~~

老公訂枱時話咗比酒店知係99生日......

 侍應趁99出咗去攞野食，送上一碟"生日甜品" + 香檳1杯~

 我 + 老公 + 大伯喺酒店大堂等緊99時，遇見上次老公割親手時幫包紮傷口既女經理 (網誌~)，佢即時上前同我地打招呼......

大伯見狀問: 你地成日來架? 好似同佢地好熟既??

今次無整親手，不過今餐一樣唔洗比錢 - 因為大伯請客! 嘻嘻~~~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
24號星期六去開West End，於是又去Mario's Plaice 食全Glasgow 最好食既炸魚薯條 (我覺得!)

無去一排~ 不過佢地既炸魚仍然係咁好食 + 咁鬼死貴......

 但portion 由原本有1塊半炸魚，變咗做1塊......

OMG~~~ 變相加價!!!

 等緊炸魚薯條時，同老公無聊自拍~ 好鍾意依張相!

(我素顏呀!好望多兩眼嘞~ 無幾可有得睇架! )