早2星期我 + 老公有個好鬼黑仔既weekend - 去酒店食自助餐，老公比玻璃割傷手; 而我就唔見咗1隻鑽石耳環......
2星期過去都未見失蹤耳環既蹤影~
每次見到首飾盒入面剩返另外果隻好似好戇居居咁，我心情就唔多靚! 
本來我都打定輸數搵唔返......
點知今日無意中比我喺電視旁邊搵返喎!
失而復得既感覺真係靚爆鏡呀!!! 
雖然我擁有唔止一對鑽石耳環，不過每一對對我來講都好有sentimental value，每一對我都珍而重之~~~
其實我都幾大頭蝦!
小如首飾、金筆; 大如銀包、頸巾都試過唔見無數次......
不過我唔係次次都咁好彩唔見咗野可以搵得返架!
好似依個老公送比我既珍珠鑽石鍊咀......
(網誌)粒珍珠最終都係搵唔返!
所以有次返香港時我帶埋個鍊咀返去......
不過佢地幫我改咗個款呀!!!!!!!!!!!!!
粒珍珠原本郁得架嘛~
佢地整硬咗而家唔郁得!!!!!
不過佢地話咁既鑲法無咁易甩珠喎!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
頭先老公打電話比我，我興奮地話比老公知搵返隻鑽石耳環......
老公: 咁咪好囉! 妳開唔開心呀? 我好開心呀!!!
我: 好開心啊! 嘻嘻~~~~~ 咁你可以慳返筆啦! (註: 唔見耳環果日老公話如果我搵唔返耳環的話，佢會送一對新既比我!
)
老公: 妳咁乖~ 我又咁鍚妳~ 妳deserve 我送多對比妳既! 
congratulations~~ 搵唔返我成日個心都會lo lo lum~ 尤其是一隻係到， 一隻唔見左～ 但係點解您會淨係唔見左一隻咁奇怪gei？ 我今日心情都好靚呀～ 呢邊都陽心譜照呀～
回覆刪除[版主回覆04/08/2010 16:35:00]我一早知係喺屋企唔見架! 我帶住出完街後返到屋企除低 (我一返到屋企就除哂所有飾特架嘞!)，隨手放喺部DSLR隔離~ 可能之後我攞個相機，條帶掃跌咗其中1隻耳環啦!
不過過咗2星期都搵唔到，我開始打定輸數~ 唔知會唔會吸塵時吸走咗嘛......
尋日我依邊都係陽光普照啊~ 今日都唔錯!
搵番咪好囉，不過再收多對都冇妨
回覆刪除[版主回覆04/08/2010 16:32:00]已經過咗2星期，真係越來越少期望會搵得返! 老公都覺得surprised!
其實最衰果個就係我老公 - 次次我唔見野佢都話買返比我! 間接縱到我咁大頭蝦.......(賴佢!!!!!! )
噢﹗你﹐哈哈哈﹐你帶左一隻耳鐶出街﹐然後以為甩左唔見左﹌ 我手袋都係唔見過無數次 ﹗好彩佢地執翻俾我咋 ﹌ 有次我去買衫又唔見一隻耳鐶﹗好彩原來我試衫時佢跌左落我個袋﹐ 後來執袋搵得翻咋﹌ 咁你係咪冇話俾你老公知你唔見左粒珍珠呢 ? 不過如果真係冇咁易甩﹐令願粒朱珠唔郁得算喇﹌ 咁你新果對耳鐶想要咩款呢?
回覆刪除[版主回覆04/08/2010 16:30:00]唔係呀~ 我一早知係喺屋企唔見架! 我帶住出完街後返到屋企除低 (我一返到屋企就除哂所有飾特架嘞!)，隨手放喺部DSLR隔離~ 可能之後我攞個相機，條帶掃跌咗其中1隻耳環啦! 不過過咗2星期都搵唔到，我開始打定輸數~ 唔知會唔會吸塵時吸走咗嘛......
我有話比老公知唔見咗粒珍珠! 妳可以睇返上面果條link 篇舊網誌架~
咁我有對同款耳環架嘛!
而家對耳環識郁，但鍊咀唔郁.......
我係要既話，老公一定會送既~ 不過講真大大細細既鑽石 / 珍珠耳環; 單粒、幾粒拼埋款、吊款....我全部都已經有! 除非真係好特別既款 + 我鍾意既，否則再買都係大同小異~ 不如慳返錢買多2把刀! (講笑~~~~)
妳好彩就搵得番囉! 我個朋友係結婚果日唔見咗隻鑽石耳環，
回覆刪除雖然唔係好貴，不過有紀念價值嘛!
[版主回覆04/08/2010 16:15:00]咁我喺屋企唔見既，搵返既機會大好多! 喺街唔見既就多數都搵唔返~
但我其實都幾lucky! 我試過日光日白喺一間大型電器舖電腦部跌咗隻藍寶石戒指，但 45分鐘後我先發現隻戒指唔見咗! 果時我已經行咗4、5個街口嘞.......拿拿淋返去電器舖都比我執得返喎! 幾奇蹟呀!!! 好彩係閒日無乜人 + 跌咗去角落頭唔覺眼咋.......
恭喜你搵得返隻耳環.我成日都會跌耳環,耳環托...好彩暫時次次都搵得返,原因係我老公買左一支超光電桶燈(個D話有100/200個燈泡一樣光個D呢)D細粒野一跌落地老公就好'巴閉'錦攞出黎,真係跌係地毯都無所遁形!
回覆刪除[版主回覆04/08/2010 16:13:00]多謝~ 哇! 果枝電筒真係咁堅? 喺邊度買架? 等我去及及係咪真係咁把炮!
搵返太好嘞...而且Mr.T又會送多對俾妳,係時候揀下款嘞
回覆刪除[版主回覆04/08/2010 16:11:00]其實我咁大頭蝦係Mr.T 縱出來既 - 次次我唔見野唔開心，佢就第一時間話送返比我!!!!
恭喜哂呀~~ 我有一次遊船河唔見咗一隻耳環, 雖然唔係貴嘢, 但係係朋友仔送俾我嘅生日禮物嚟0架.... 仲要一定搵唔返添, 因為我估係玩 wakeboard 時唔見.... down 咗成個月呀..... 好彩朋友仔冇嬲我, 不過而家就剩返一隻...
回覆刪除[版主回覆04/08/2010 16:10:00]買得or 帶得既，好多時都係自己心頭好來! 平貴都好，唔見咗緊係會唔開心啦!
妳朋友知道妳係無心之失，而且妳又咁唔開心，佢仲點會嬲妳呢? 剩低果一隻妳要好好保存嘞~
恭喜恭喜 失而復得，值得賀吓佢
回覆刪除[版主回覆04/08/2010 16:06:00]多謝~ 就叫老公買多對比我來賀賀佢啦!
恭喜恭喜,失而復得,妳太幸運了...
回覆刪除[版主回覆04/08/2010 16:06:00]多謝! 不過我都要檢討吓自己，唔可以再咁大頭蝦! 唔係次次都咁幸運架嘛~~
咁岩既！我以前都好似你咁向屋企唔見左一隻耳鐶，個款又同你果隻耳鐶一模一樣 ，對耳鐶係向 MaBelle 買架，好彩隔左一個月左右向櫃底搵番咋；唔見左一隻當時好唔開心，就算買番都唔係原本果一隻ma
回覆刪除[版主回覆04/08/2010 16:05:00]我唸今次係我帶住出完街後返到屋企除低 (我一返到屋企就除哂所有飾特架嘞!)，隨手放喺部DSLR隔離~ 可能之後我攞個相機，條帶掃跌咗其中1隻耳環啦!
阿V, 我上次去整完頭髮, 返到屋企沖完涼先至發覺唔見左一隻大概60份的單一粒的鑽石耳環 (約2年前)
回覆刪除即刻打電話去SALON都無用, 可能當頭髮掃左又可以洗頭時沖走左 ... 唉, 整個頭勁貴, 勁肉赤呀 (後尾我老媽見我咁慘, 整返隻細少少俾我) ... 宜家諗番起都唔多老皮
又試過著樽領衫唔記得除條十字架鏈(係鑽石吊咀), 連衫連鏈一齊除埋都唔知, 好彩執得返 ... 最近, 沖涼前除左依條鏈, 放左入件家居外套個袋度, 又唔記得拎返出嚟, 成個幾星期至醒起, 拿拿林摷返出嚟 (真係嚇死)
所以呢 ... 好明白你mentioned的感受
[版主回覆04/08/2010 16:02:00]如果係喺屋企唔見既話，搵返既機會會大d咯~ 不過喺街唔見既話多數唔洗旨意.......
不過我都幾lucky 架! 我試過日光日白喺一間大型電器舖電腦部跌咗隻藍寶石戒指，但 45分鐘後我先發現隻戒指唔見咗! 果時我已經行咗4、5個街口嘞.......拿拿淋返去電器舖都比我執得返喎! 幾奇蹟呀!!! 好彩係閒日無乜人 + 跌咗去角落頭唔覺眼咋.......
我都好多時唔見一樣野，佢地隔咗一段時間就會出反黎，所以我多數都唔找住，越找越唔開心。
回覆刪除[版主回覆04/08/2010 15:57:00]弊在我唔見既野，唔係時時都係屋企範圍唔見呢!
而且如果唔見咗唔即時搵搵既話，過咗一排我可能會唔記得咗......
有啲飾物好有意義, 有啲就好名貴, 有啲用黎襯衫又好好睇喎, 真係是但唔見邊樣都肉痛呀 ... 我好耐之前仲係同屋企人住時都試過伸隻手出窗外 "non" 衫時跌咗條手鏈係窗台, 好彩最後都執得返上黎, 不過嗰刻真係嚇死呀.
回覆刪除所以真係好煩, 成身啲耳仔頸同手都係飾物, 但貪靚唔帶又唔得呀
[版主回覆04/08/2010 15:55:00]名貴果咋部份放喺保險箱，另外又有部份除咗去冚之外好日都唔帶吓，無乜機會會唔見!
最衰我懶矜貴既皮膚一定要帶真野! 好多平價飾特款式好靚但我無福消受~ 好似有一排好興大圈圈耳環，我又學人買咗對，點知帶咗幾個鐘兩個耳窿已經紅哂痕到我死! 又試過帶朋友送既飾物頸鍊，帶咗一日夜晚除既時候條頸有個紅色頸鍊圈! 又痕又痛~
所以我買親既都要係真野，唔見咗一定會肉痛架!
我反而唔見過兩次手鍊呀 ..... 因為佢個扣設計得唔好~ 唔係扣死~ 所以而家買鍊都要試清楚個扣先囉~ 不過都恭喜你搵得番隻耳環呀~ 因為唔見咗真係好唔開心.............
回覆刪除[版主回覆04/08/2010 23:32:00]
多謝小me~ 我好少帶手鍊，不過可能我太粗魯，又或者頭髮太長......頭髮成日卷住頸鍊，成日會唔小心拉斷條鍊......
你真係好好彩呀=]
回覆刪除我都試過唔見銀包,入面最重要既唔係錢,而係d相呀..
個陣我真係喊左好多日架,因為d相對我黎講真係好珍貴架!
所以我而家d銀包都好少心架=]
[版主回覆04/08/2010 23:29:00]搵返隻耳環我好開心啊~ 我唔會擺相喺銀包，因為好多相已經喺手機裡面.
我試過2次唔見銀包~ 第一次讀緊中學喺小巴跌咗，司機執到打電話去學校叫我去攞返，不過裡面d錢無哂;
另一次係喺巴黎比人扒咗! 唔見咗400 euros~ V媽媽為咗氹返我開心，買返1個一模一樣款既LV銀包，再另加1個新手袋速遞比我補返數! (因禍得福啊~~~ )
wow...he's so sweet. And you have one more set earrings.
回覆刪除[版主回覆04/08/2010 23:21:00]Thanks YanYan~ however i may not get another set! cos i have quite a few pairs of diamond earrings in different sizes already.
終於都搵番喇~~~~恭喜曬!!!!!!!!!
回覆刪除[版主回覆04/08/2010 23:18:00]多謝Kelly~ 搵返好開心啊!
恭喜晒....搵番佢既另一半....好替妳開心呀....而且老公又話送多對俾妳...喜上加喜
回覆刪除睇到你呢段日誌, 令我諗番起我幾年前唔見左既吊咀...真係好痛...仲要俾媽咪鵝左一排
[版主回覆04/10/2010 03:55:00]多謝亞兔!
雖然就算搵唔返老公會送過對比我，不過意義唔同咗嘞! 依對耳環我好鍾意，而且係V媽媽送比我架~
it is called '1 million candle powe torch' from Homebase.
回覆刪除Hubby bought it in case if there is power cut or we need to check out noises from outside the house, 點知用黎搵細粒野用得最多!
[版主回覆04/10/2010 03:53:00]thanks Almaly~ will go to Homebase and have a look!
~揾番就好嗱！
回覆刪除~要慶祝一下呀！
[版主回覆04/10/2010 03:49:00]搵返自己心愛既野真係好開心架!
我個次唔見銀包係俾人扒左架...
回覆刪除我經過個次之後都冇放相落銀包啦=]]
不過個次我媽咪都好好咁買返個新銀包俾我..
個次呢其實捉到個賊架,亦都係攞返D證物個陣拎返D錢,但係就係拎唔返個銀包.
真係唔知咩事,問返D警察都話冇左個銀包,同埋一D卡..
到而家個D野依然唔係係邊
[版主回覆04/10/2010 03:52:00]個賊係咪一偷咗妳個銀包，攞咗錢就順手揼咗妳個銀包 + 其他私人野呀?
好在無唔見咗個老公..........
回覆刪除[版主回覆04/10/2010 03:46:00]佢咁大舊點會唔見吖?
搵得返就好啦～妳老公咁錫妳點都會買番對俾妳既
回覆刪除我就唔開心俾人傳染又病
[版主回覆04/10/2010 03:46:00]妳又病呀? 有無睇醫生呀? 要快d好返啊~~~~ take care!
Sorry, 返左新工,真係少左睇你既BLOG,好人有好報"抵"你搵番佢既 !
回覆刪除[版主回覆04/10/2010 03:45:00]多謝feifei~
新工作愉快嘛?
恭喜晒,搵得番對耳環 ...我就成日都趺左D珠耳成,我試過買左唔夠24小時就跌左一隻,而家屋企好多單丁耳環,都唔知點算,雖然唔係貴野,但買得都係鐘意,所以都會唔開心..
回覆刪除[版主回覆04/11/2010 03:38:00]多謝PP Cute!
係架~ 其實真係唔係平貴既問題! 買得 / 帶得出來既，都係自己鍾意先會買 / 會帶嘛~ 唔見咗真係好唔開心架!
好多朱義盛其實好靚! 有好多款仲係堅野無既~ 可惜我會敏感唔帶得......
搵番就好囉, 以後記得小心d啦,
回覆刪除[版主回覆04/12/2010 19:10:00]我會架嘞! 唔想再有第二次~~~
咁我又唔知啦.....但係有其他證件架喎...
回覆刪除呢單野好複雜!
[版主回覆04/12/2010 19:09:00]哈哈~~~ 打荷包可以幾複雜吖? 有証件可能個賊想keep 住來做不法勾當~
XDD都有可能架,因為個個賊係大陸人黎架
回覆刪除[版主回覆04/13/2010 01:20:00]壞人處處都有~ 佢偷妳野係因為佢係賊，唔係因為佢係大陸人!
咁你又岩既...
回覆刪除點都要小心為上啦=]]
[版主回覆04/13/2010 19:41:00]我以前都帶有色眼鏡來睇大陸人! 但 來咗英國後，因為自己係中國人而受過比人歧視既滋味，我發現以前自己都幾乞人憎! 所以我而家係唔會歧視任何人既~
你咁諗都岩既..
回覆刪除我都應該改下自己既思想,可能係咁岩呢個賊係大陸人,所以我先會咁諗啦...
其實俾人歧視真係好慘架,個個人既心係好難受,我都明呢種感受既.
[版主回覆04/14/2010 00:56:00]我 唔係 話要教訓妳~ 只係一個好簡單既道理 - "將心比己"!
你咁諗都岩既..
回覆刪除我都應該改下自己既思想,可能係咁岩呢個賊係大陸人,所以我先會咁諗啦...
其實俾人歧視真係好慘架,個個人既心係好難受,我都明呢種感受既.
其實我冇覺得你話教訓我,只不過你講既野令我可以再諗深一層.
回覆刪除我應該多謝你先岩
[版主回覆04/14/2010 18:29:00]咁又唔洗多謝我! 我同妳講都要妳buy 先得既~ 我只係唔想妳誤會我恃老賣老講大道理啫!
我又冇呢種感覺呀,只係覺得係朋友既傾談咁樣咋=]
回覆刪除[版主回覆04/15/2010 20:36:00]咁就好啦~